Dodadi 25:28 - Ma Jou ai Demo-demo o Totobelohoka

²⁸ De angamoi manga baba o Isaka duru waolomo o fuhuku ma aewani ma roehe ho nako o Yakubu de o Esau, ka o Esauohi duru widora. Masara ngoi fekata o ngo Ribeka muna duru midora manga ngofaka o Yakubika.

Dodadi 25:28 ပူးပေါင်းရင်းမြစ်များ

Dodadi 27:14

Ho o Yakubu wosoboka ma kabingi hinooto wale de watoma de watetoro ibooto de ahao womihidoaka ngoi memeika. Ho o ngo Ribeka mohakai o inomo ma rorahai abe o Isaka duru gea waolomo.

Dodadi 27:19

De o Yakubu wipaluhu ai babaika wato, “Ngohi naa ani ngofaka o riaka, o Esau. De ngohi todiai ibooto mata-mata abe nohihibehehongoka ho naa baba nomomikiye la ka idadi nolomo naa abe tonidomaka. Nolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:25

Ho ai baba wato, “Ahi ngofaka, abe ngona nohidomaka nohihidoakoka la ka idadi taolomo. Gea tolomo ibooto de ahao ma owa tonihidoaka abe ani oara ma behehongo ma demo.” Ho ai inomo gea o Yakubu wihidoakoka de o Isaka wolomo. De wihidoakoli o angguru ma teongo ho gea waokere.

Dodadi 27:3

Ho naa togahoko la ngona ani toimi nale de ma doto la nomahidiai nolimoro o tonaka ma gupaika nolingiri o luadana.

Dodadi 27:31

De o Esau unangoo o inomo ma rorahai gea wihakai wabootoka ho naa widotaka ai babaika. De witemo ai babaika wato, “Baba, nako noigo de nomomikiyeohi de ka idadi naolomo naa abe tonidomaka. Naolomo ibooto de ahao ka idadi nohihibehehongo ngohino ani oara ma demo abe nato noigo nohihiowa.”

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 27:9

Ngona noiki o duduonika de nairiki o kabingi ka ma goohi hinooto la ani baba tihakai o inomo ma rorahai gea abe duru ka enangohi waolomo.