Dodadi 25:25 - Ma Jou ai Demo-demo o Totobelohoka

²⁵ Ho gea momangakunu de ami ngofaka wohira womaboa duru ai doka-dokara de ai badanga ma amokika ai gogo kohabirini ho ahao iwihiromanga o Esau.

Dodadi 25:25 ပူးပေါင်းရင်းမြစ်များ

Dodadi 25:24

Ka de o ngo Ribeka ami gahe adonoka de igoungu ami ngofaka yohago o nauru mata-mata.

Dodadi 27:1

De ipaha o Isaka iwiperekioka de ai lako ko iwaka ma buturungu hiadono ko womahiorikokaua ho worafi. De o wange moiuku ai ngofaka o riaka wiahokino ho o Esau woboaino de o Isaka wato, “Ahi ngofaka.” De o Esau wopaluhu wato, “Iya baba, ngohi naga.”

Dodadi 27:11

De o Yakubu wopaluhu ngoi memeika wato, “Masara ele, abeika, o Esau duru wogoo-gogo de to ngohi ahi kai ma ofi-ofi.

Dodadi 27:16

De o kabingi abe kanganoino o Yakubu watoma gea ena ma kai mohiduguriti ai giama ma hahawo. Ho gea ai giama arihononga mohinoa la ma gogo ma poretoka. De o kabingi ma kai ma dobiki moioli makelenga ai tomarino de mapakiti mohigilolitino la ai rupa hoka o Esau abe hoka ai tomarino de ma gogoka.

Dodadi 27:23

Hokogea o Yakubu ai giama de ma gogoka ho ko wihiorikua abe una o Yakubu, masara naa wikuruuru de wato bote una o Esau ho wato wihiowa.

Gegetongo 20:14

De ma oraha yogogerohi o Kadesoka gea o Musa womahidiai yogila-gila de angamoi manga ngekomo ma hidotobiki o Edomo ma nyawa manga tonakika ho wato ko yoikuahi de kiani yomahingahuohi o Edomo manga koanoika. Ho wairiki o nyawa yamuruono naga la ai hingahu o Edomo manga koanoika ka idadi ona yadofanga unangika. De hokonaa o Musa ai hingahu manga koanoika gea, wato, “Ngomi naa ti ngini nia gogianongoru abe nia tofora o Edomo una o riaka de to ngomi mia tofora ai dodoto o Isiraele abe ngomi o Isiraele ai totoforauku. Ho ngone o ria-dodoto idodutu adaene. De marai ngini niihenoka abe o kokangela ma ngoe imidaene ngomi o Isiraele ma nyawa.

Yosua 24:4

Abe tihidoaka o Isakika ai ngofaka yahinooto o Yakubu de o Esau. De tihidoaka o Esauika o tonaka o loku-lokuoka abe ihiromanga o Seiri ma tonaka. Masara o Yakubu de to una ai ngofaka mata-mata yokokiloiki daku o Mesiiri ma tonakika.’”