Dodadi 25:2 - Ma Jou ai Demo-demo o Totobelohoka

² De ona ahao yamake manga ngofaka yabutaanga o nauru mata-mata de manga romanga o Simarana, o Yokasana, o Medana, o Midiana, o Isibaka, de o Sua.

Dodadi 25:2 ပူးပေါင်းရင်းမြစ်များ

Dodadi 25:1

De ahao o Abarahaama woilakokali de ngoi fekata ma hungi abe womile ami romanga o ngo Ketura.

Dodadi 25:3

De o Abarahaama ai ngofaka o Yokasana ahao una wamake ai ngofaka o Sieba de o Dedana. De o Dedana gea ahao wodadi manga tofora abe yomahiromanga o Asuru ma nyawa, o Letusi ma nyawa, de o Leumu ma nyawa.

Dodadi 36:35

Ka de o koano o Husiama wohonenge de ahao o Hadada wituruuru wodadi o koano de una wogogere o Awiti ma kotaka. O koano o Hadada to una ai baba o Bedada. Una gea manga koano abe wahihira yaparangi o Midiani ma nyawa o Moaba ma tonakoka hiadono o Midiana manga tentara wahibinaahaka.

Dodadi 37:28

Hokogea o Yehuda ai demo de ai ria-dodoto iwihigihene ho ka de ona abe yoboa o Midiana ma tonakino gea yomahitiginoka de o Yusupu ai ria-riaka iwihihupu o humuino de iwifukunu onangika de ai ija o haaka ise-senge monaoko. De gea iwifanguoka de ahao o Isimaele ma nyawa gea o Yusupu iwiao o Mesiiri ma tonakika.

Dodadi 37:36

De doka o Mesiiroka yomahiadonoka o Isimaele ma nyawa gea abe yoboa o Midiana ma tonakino. Ona gea abe o Yusupu iwiijaino de naa ka de yomahiadonika de o Yusupu iwifukunokali. De womatengo ai romanga o Potifara gea una abe o Yusupu wiijali la wihidadi ai huhuloko. O Potifara gea wokarajaanga o Mesiiri manga koanoka abe iwihiromanga manga Firaunu. De o Firaunu naga to una ai gogoana manga ngoe de ona mata-mataika manga hidimono gea o Potifara.

1 Kokoano 11:18

Abe o Edomo ma tonakoka yosobo de ihira yoiki o Midiana ma tonakika de ahao yogila-gila o Parana ma tonaka ma kakaahaika. De genangoka naga o Parana ma nyawa yamuruono naga yomahidogo onangika de ahao ona gea mata-mata yosobo yotagi-tagi de yomahiadono o Mesiiri ma tonakika. Yomahiadonoka de ahao o Mesiiri manga koano wasanangi onangika ho wahidoaka o tonaka de o tau de o inomo onangika.

Gegetongo 22:4

De o Moaba ma nyawa yoiki o Midiana ma tonaka ma date-datekika la yomahikaaturu de o Midiana manga balu-baluhu la ato yomakuduhunu abe nako o Isiraele ma nyawa yaparangi onangika. De yahingahu o Midiana ma nyawa manga balu-baluhika gea ato, “Abeika o duduono kohaamoko gea yoboaino naa. Ona imaketero hoka o hapi ma duduono abe ka de yamake o ruruubu ma bihi-bihi de aolomo hiadono ko iwaka. De hokogenangoo ona ahao inaolomo hiadono inamataka ngone mata-mata!” Hokogea manga demo la yahigaro o Midiana ma nyawaika hiadono yomakuduhunu. Hokogea manga hawana o Isiraele ma nyawaika hiadono o Balaka, o Siporo ai ngofaka, abe ma oraha gea wahikoano o Moaba ma nyawa, duru womalingiri o duduhunu.