Dodadi 24:7 - Ma Jou ai Demo-demo o Totobelohoka

⁷ Ma Jou o Yawe abe wogogere o Horogaka, gea Una wohihihupu ahi baba ai tauino de wohihuloko la ahi tonaka ma dihira tanoaika. Una wohihibehehongo wato o Kanani ma tonaka naa wahidoaka ahi totoforaukuika de wohitunguu la tohioriki ai demo ma gou-goungu. Ho naa marai Una wihidingoto ai malaekata la wonihihira-hira ma oraha noiki o Isaka ngoi fekata nilingiri o tonakoka gea.

Dodadi 24:7 ပူးပေါင်းရင်းမြစ်များ

Dodadi 13:15

O tonaka mata-mataika abe namake naa ahao Ngohi tonihidoaka ngonaika, de ani totoforaukuikaoo tahidoaka ho hiadono ona ahao yogogere manga tonakoka naa ka hiado-adonika.

Dodadi 15:18

De duru ma oraha gea Ma Jou o Yawe wihibehehongo o Abaraamika wato, “Hokonaa tohitunguu itaana igoungu ahi behehongo abe o tonaka naa tahidoaka ani totoforaukuika. De manga tonaka ma batingi moi o akere ma amoko doka o Mesiiri ma tonakoka, de ma batingi ma honongaka gea o akere duru ma amoko ma romanga o Efaraata ma akere.

Dodadi 16:7

De moiki o tonaka ma kakaahaika hiadono mamake o akere abe ipooteke o tonakino. Abe ma dihira o nyawa yobaakino ho gea idadi hoka o humu. De ma akere gea duru ma ngekomo ma datekoka abe o nyawa yaniiki nako yoiki o Siurika. Ho muna naga o akere gea ma datekoka momahiainuku de naga Ma Jou o Yawe ai malaekata womatengo munangino woboa.

Dodadi 17:8

Abarahaama, naa tonihingahu abe ma oraha naa ngini hoka o homoa ma nyawa dika o Kanani ma tonakoka naa. Masara o tonaka naa idadioka ahi hidoaka ngonaika de ani totoforaukuika la idadi to ona manga tonaka ka hiado-adonika. De Ngohi to ona manga Jou.” Hokogea Ma Jou ai hingahu.

Dodadi 21:17

De o Isimaele ai hininga ma huha hiadono unangoo woari de Ma Jou wigihene de Ma Jou ai malaekata daku o dihangoka de auku womitemo o ngo Hagaruku wato, “Hagara, hokokia ani huha? Nako ma titi naga abeika nohihingahu. Ngaro ufa nohawana angamoi ani ngofaka abe doka womaiduoka, to una ai kangela Ma Jou wohiorikoka.

Dodadi 22:11

Masara ka de o Abarahaama ai gakana wagorakiyeoka de itodokanino naga o dihanguku Ma Jou o Yawe ai malaekata womatengo waamokiye wiahoko wato, “Abarahaama, Abarahaama!” De una wopaluhu wato, “Ngohi naga nenangoka.”

Dodadi 24:3

De kiani notemo de Ma Jou o Yawe ai romanga napake, abe Una o dunia de o Horoga mata-mataika wapareta. Abe kiani nohihibehehongo ngohino ahao ahi ngofaka o Isaka kiani nilingiri ngoi fekata. De ngaro ngone hogogere o Kanani ma tonakoka ma, ko idadiua o Kanani ma nyawaino nilingiri ngoi fekata.

Dodadi 24:40

“De una wopaluhu wato, ‘Ngone howango Ma Jou o Yawe ai himangoka de Una ahao wihidingoto ai malaekata moi la wonihihira-hira ma oraha noiki de woniduhunu hiadono o Isaka ngoi fekata nomimakeoka. De muna gea ahao nomimake to ngohi ahi dutuoka abe duru ahi baba ai tau ma goronaka.

Dodadi 26:24

de o futu gea Ma Jou o Yawe womahimatoko o Isakika de wihingahu wato, “Ngohi Ma Jou abe ani baba o Abarahaama womahuba Ngohino ho tomahiromanga to Abarahaama to una ai Jou. Ho ngona ngaro ufa nohawana ngaro o kiaka dika naika angamoi Ngohi ka ihikaika toniniiki. De Ngohi ka ihikaika tonihiowa de ahao ani totoforauku tahidadi la yowoe-woeuku mangale ma titi tihohininga ahi gilaongo o Abarahaama.” Hokogea Ma Jou ai behehongo o Isakika.

Esara 1:2

De hokonaa ai pareta ma hurata itemo. “Ngohi o koano o Korese, abe ngohi togogere o Peresia ma tonakoka angamoi Ma Jou o Yawe, abe Ma Jou wogogere o Horogaka, Una gea wohihidadi la ngohi o koano abe de ahi kuaha o dunia ma amokika. De Una wohihitagongo la to Una ai Tau tohigokokali o Yerusaleeme ma kota ma goronaka abe o Yehuda ma tonakoka.

Higiriiri 103:20

Ngini o momalaekata genangoka niwihigiriiri Ma Jou o Yaweika. Ngini abe winihidadi ai duduhunu abe ka ihikaika winihikarajaanga, De abe niwihigihene la to Una ai hiaturu nihidagi mata-mataika, kiani ngini niwihigiriiri!

Higiriiri 32:8

De o Yawe wohitemo ngohino wato, ‘Ngohi ka idadi tonidotoko la ani wowango nao itiai, abe tonihigaro ma rorahaiika de tonigoa-goana ani dodagioka.’

Higiriiri 34:7

Abe Ma Jou o Yawe ai Malaekata to Una ai nyawa wagoana, De woigo waduhunu onangika abe de manga modongo ma horomati Unangika, Ka hiadono wahihupu manga hawanino de manga kangelaino.

Huhupu 13:5

Ho o wange naa, abe nisobo niloiki o hibehehongo ma tonakika, ahao ma oraha ngini nigogere genangoka de o wange naa kiani ka ihikaika nihirame-rame duru o mede o Abiboka. Abe ma oraha Ma Jou o Yawe winiao o Kanani ma tonakika de winihigogere o hibehehongo ma tonakoka abe duru de ma hasiloka hiadono o inomo ma rorahai ma ngoe. De gea idadi imaketero hoka wahibehehongokau nia toforaika. Ho gea idadi ti ngini nia tonaka ngaro ma oraha naa genangoka yonyawaika o Kanani ma nyawa, de o Hete ma nyawa, de o Amori ma nyawa, de o Hewi ma nyawa, de o Yebusi ma nyawa, gea ona yogogerika ma tonakoka gea.

Huhupu 32:13

Kiani Ngona nahininga ma dihiraino ona ani dodiawo abe inileleani Ngonaika gea o Abarahaama, o Isaka, de o Yakubu. Onangika nahibehehongokau, nato ahao nahidoaka onangika manga totoforauku duru ko manga ngoe hiadono hoka o murumu o dihangoka manga ngoe. De nahibehehongoli onangika o tonaka abe nato o Kanani ma tonaka enangoo nahidoaka manga totoforauku de gea idadi to ona manga tonaka ka hiado-adonika. Ho done sarakia ani behehongo onangika nawohanga dika?”

Huhupu 33:2

De Ngohi ahao ahi malaekata womatengo tihidingoto la una winihihira-hira nia ngekomo ma goronaika. De ona abe yogogerika ma tonaka gea o Kanani ma nyawa, de o Amori ma nyawa, de o Hete ma nyawa, de o Ferisi ma nyawa, de o Hewi ma nyawa, de o Yebusi ma nyawa ahao ona tahihupu ma tonakino gea.

Yunusu 1:9

De o Yunusu wopaluhu onangika wato, “Ngohi o Isiraele ma nyawa, de tomahuba Ma Jou o Yaweika, Una gea Ma Jou o Horogaka abe o tonaka de ma gahi mata-mataika Una watulaada.” Hokogea wahingahu onangika.

Gegetongo 11:12

Ona naa ko to ngohiua ahi ngofa-ngofaka idodutu ho ko ngohinoua yomaboa! Ho adodoa ho Ngona nohihikarajaanga la tapaliara imaketero hoka o ngofaka ma gilau abe kiani tatotirino ahi giamoka? Sarakia, kiani ka ihikaika hokonaa dika tamake ma huha ka hiadono ani behehongo ma tonakika miwohamika abe ma dodihiraka nahibehehongoka to ngomi mia totoforaika?

Gegetongo 14:16

Marai ona o tonaka utuoka yafikiri ato, ‘Ma Jou o Yawe gea marai ko wakunokaua ai nyawa waduhunu ho ko wahigila-gilakaua o tonakika gea abe ma dodihiraka wahibehehongoka onangika. Una ko wadadiokaua ai nyawa wahigogere o tonakoka gea ho ona wakokitoma dika o tonaka ma kakaahaka angamoi ai buturungu ko ilakuokaua.’ Marai hokogea ona inihiade-ade Ngona ahi Jou ho ufa ani nyawa nahohonenge!” Hokogea o Musa waademo o Isiraele ma nyawa de ai domoroini.

Gegetongo 14:30

Ho ngini ko niwohamuali o Kanani ma tonakika bowahu o Yefune ai ngofaka o Kalebe de o Nuunu ai ngofaka o Yosua. Ona dika yahinooto abe manga ngumuru o taongo monaoko de imahikaiye abe ahao yowohama o behehongo ma tonakika gea.”’” Hokogea Ma Jou ai demo abe kiani o Musa de o Harunu yadofanga o Isiraele ma nyawaika.

Gegetongo 32:11

‘Angamoi ona gea manga hininga Ngohino ka hinootohi ho ko ihiniikua, ho ona abe manga ngumuru o taongo monaoko de imahikaiye abe o Mesiiroka de yaino yohupu, ona duru ko moiua ka idadi yowohama ma tonaka abe tahibehehongo manga totofora o Abarahaamika de o Isakika de o Yakubika.

Hidingoto 7:5

De ngaro Ma Jou wiao nenangino masara ko wihidoakua o tonaka unangika la idadi to una ai tonaka. Abe ngaro ma tonaka ma hohutuloo ma ko wihidoakua, masara wihibehehongo unangika abe ahao naga ma oraha abe ma tonaka naa mata-mata idadi to Abarahaama de ai totoforauku manga tonaka. De ma oraha wihibehehongo de ko iwahi ai ngofaka o Abarahaama.

Higalioli 1:8

Angamoi abeika, ma tonaka mata-mata gea Ngohi tinihidoaka nginika! Ho ngini kiani niwohamika de nimahitingini dika la nigogere genangoka. Angamoi gea ma tonaka abe ma dodihiraino de Ngohi tomahibehehongo tato ahao tahidoaka nia totofora o Abarahaamika de o Isakika de o Yakubika de to ona manga totoforauku mata-mataika.’ Hokogea to ngone nanga Jou wonahuloko ma dihiraino.”

Higalioli 34:4

De Ma Jou o Yawe wihingahu o Musaika wato, “Ma tonaka gea mata-mata abe tahibehehongoka o Abarahaamika, de o Isakika, de o Yakubika, tato ahao tahidoaka manga totoforaukuika. Ho o behehongo ma tonaka gea tonihimatokoka ngonaika la namakeoka de ani lako ngaro ngona ko idadiua nowohama ma tonakika gea.” Hokogea Ma Jou wihimatoko o Musaika o Kanani ma tonaka.

Ibarani 1:14

Angamoi o malaekata mata-mataika, abe ngaro hokokia dika ma gurutiye ma to ona gea manga tagongo naga la iwileleani dika Unangika, masara ko ihikoanoua utuika. Angamoi ona gea hoka o womaha abe Una wahidingoto la ona yaduhunu o nyawaika abe manga hiningaka yosanangi yodafongo to Una ai duduhunu. Masara nako Ma Jou ai Ngofaka, Una gea ka idadi wokoano. Ho gea to Una ai Demo-demoino de hamake duru itararono abe nako to Ma Jou ai momalaekata de to Una ai Ngofaka, ma ka ai Ngofakohi duru wokokurutiye.

Ibarani 11:9

Ho una wodionikika o Kanani ma tonakika, de genangoka womanoa hoka o homoa ma nyawa yomanoa abe ai tau o ngoerino dika, de hokogea wodiai angamoi una ka wingakuohi Ma Jouika. De ngaro ai ngofaka o Isaka de ai danongo o Yakubu, ma onangoo yowango hoka o dionikino dika ma nyawa yowango ma tonakoka gea. De o Abarahaama de o Isaka de o Yakubu, ona mata-mata Ma Jou wahibehehongoka ma owa onangika abe ma titi ahao ma tonaka gea idadi to ona manga tonaka. Masara ona mata-mata yowango hoka o dionikino dika ma nyawa ma tonakoka gea.

Yosua 1:6

De ahao Ma Jou o Yawe wihigaro o Yosuaika wato, “Yosua, kiani nomaputuhu abe ngona de ani buturungoka de ani domoroinoka! De angamoi gea ngona abe ahao ahi nyawa nahihira-hira ka hiadono yomahitoonangoka ma tonaka gea abe ma dihira tahibehehongokau manga totoforaika tato tahidoaka onangika.

Yosua 24:3

De ahao nia tofora o Abarahaama tihihupu ai tonakino gea, doka o Efaraata ma akere ma honongaka, de Ngohi Ma Jou tiao hiadono o Kanani ma tonakika de tihidagi-dagi o Kanani ma tonaka ma amokika de genangoka tihidoaka ai ngofakika o Isaka. De o Isakino tihidoaka o Abarahaama ai danongo de ai totoforauku manga ngoe.

Himatoko 11:13

De gea ka de yogorakoka de ahao naga genangoka ma tonaka ihikelu-kelu duru kohagiria ho hiadono ma kotaka gea manga tau duru ma ngoe ikokiturabahoka. De nako o kotaka gea manga tau haetongo de haregu ngimoi, gea ma regu moi ikokiturabahoka. Ho ma kotaka gea o nyawa yasana tumidi yokokihonenge ma titi o hikelu-keluino gea. De nako ona utu abe ka yowangohi, ona gea duru yohawanoka hiadono iwihigiriiri Ma Jou o Horogaka ato, “Ngona igoungu Ma Jou abe to Ngona ani kuaha duru kohaamoko.” Hokogea to ona manga higiriiri ma demo Ma Jouika.

Hihira 2:1

De naa duru ma dekanoka o Yosua ko wahihirakaua o Isiraele ma nyawaika de Ma Jou o Yawe ai behehongo onangika ko yakokiniikokaua. Ho o wange moiuku Ma Jou ai malaekata womatengo wihidingoto onangika. De Ma Jou o Yawe ai malaekata naga o Gigaloka de woiki o ngi moiika abe ahao ihiromanga o Kahumutaigarika. De genangoka o malaekata gea wadofanga Ma Jou ai hingahu o Isiraele ma nyawaika, wato, “Ngohi Ma Jou tinihihupu o Mesiiri ma tonakino de tiniao o tonakino naa abe ma dihiraino tahibehehongo nia totoforaika tato ahao ma tonaka nenanga tinihidoaka nginika. De Ngohi Ma Jou totemokau tato duru ko iwa ma oraha abe ahi behehongo nginika gea tahihanga.