Dodadi 24:61 - Ma Jou ai Demo-demo o Totobelohoka

⁶¹ Ho ona mata-mata gea yomahidiaioka ibooto de ahao yokokifarene manga unta ma pore-poretuku ato yomakiniiki de o Abarahaama ai duduhunu gea. Ho una wosobo wolio de o ngo Ribeka womiao.

Dodadi 24:61 ပူးပေါင်းရင်းမြစ်များ

Dodadi 2:24

De Ma Jou o nauru de o ngofeka wahidadi o dodadi moiino la gea yomakuduhunu, de gea ma titi ho hiadono o nauru yomatingaka manga baba de manga memeino la gea yogogere moi de manga fekata la ona yodadioka moi.

Dodadi 24:62

De ma oraha gea o Isaka de ai baba yomaturuuruoka o Kanani ma honongaika abe naa yogogere o Negebe ma tonakoka. De naa ma duru o Isaka woiki o humuika abe ihiromanga o Lahai-Roi. Ho naa de ahao wolio ai tauino abe naga o Negebe ma tonakoka gea.

Dodadi 31:34

De igoungu gea muna abe ai popangao magoraka de magogono ami unta ma gogogeroka abe mapake ami unta ma poretoka. De naa ka de ami baba wowohama de muna naga mogogeruku duru ami unta ma gogogeroka gea. Ho ngaro o Labana ami tau ma goronaka duru watotailako mata-mataika ma ko wamakeua.

Estere 8:10

De o Modekai ai hiaturu la ihidingoto de o koano ai kuaha ho o hurata amomoiika yapake manga koano o Ahasi-weroso ai romanga. De yomahidiai la ka de o hurata kohangoe gea yotulihi ibooto de ahao o hurata amomoi ihidatataulu ibooto de ahao ihitunguu de o koano ai ali-ali abe o koano ai kuaha ma dodunguu. De o koano ai hidingoto ma nyawa onangoo yomahidiai la ka idadi ahao yomataiti yototaka o behehongo ma hurata mata-mata gea. De o Modekai wohiaturu la ona yomaketemomoi ahao yapake o kuda abe duru ipalesa imapopaata. De o koano ai hidingoto ma nyawa homoi-homoi yomale o kuda abe o koano ai kuda ma duduonino abe yapaliara la duru itongohono imapopaata. Hokogea manga hidiai yabootokahi de ahao ona ka idadi yokokisobo.

Estere 8:14

Ho naa o hurata mata-mata yodiai ibooto de yahidoaka o koano ai hidingoto ma nyawaika de ahao o koano wahuloko onangika la yomataiti yototaka. Ho ona homoi-homoi yokokifarene manga kuda ma poretuku de imaketero hoka o kuda ma roreebe yokokisobo abe duru ipalesa imapopaata manga kuda. De duru ma oraha genangoo o hurata gea yahidoaka o popareta ma nyawaika o Susana ma kota ma honongaka abe o koano ai tau naga genangoka de ona yomulaenge o pareta ma hurata gea yakokibasa o kokawaahaika o Susana ma kotaka.

Hihira 5:30

Mato, ‘Nanga tentara marai duru o Isiraele ma nyawaika yahikalaka, Ho naa to ona manga kiahonanga ma hali-hali yomahikodoku, O tentara homoi-homoiika marai yamake o ngofeka moi eko hinooto. Marai o Sisera womahitouna o baju ma guru-gurutu duru ma rorahai, De naa wolingiri o baju-baju ma rorahai abe yoguriti de ma bunga-bunga. La ena gea wohihidoaka ngohino o baju ma rahai ma guru-gurutuku, Ngohioo ahao tamake o baju ma bihi-bihi ma dutu, de ma wuu-wuu; De o baju ma doka-dokara abe o lawe ma alu-aluhino idadi to ngohi.’ Hokogea o Sisera ngoi ayo ami nganganono, masara ami demo gea ka parahaja dika.”

1 Samuele 25:42

De motemo ibooto de ahao momataiti momahidiai la ka idadi maniiki. De gea mahokino ami duduhunu o ngo-ngofeka yamotoa la onangoo yomakiniiki de muna ami dodagioka. Ho momahidiaioka de muna mobarene ma keledai ma poretuku de ona mata-mata yosobo. De ipahaino de ona yomahiadonoka o Dautu ai tauika de ahao muna de o Dautu yoilaka ho yodadi o giabereki moi.

1 Samuele 30:17

Ho o Dautu de ai nyawa ka yangohama dika manga hidogoronaika de yomulaenge yahohonenge. De gea yogila-gila yaparangi onangika ma futu gea de hiadono yahidetebiniye. De ngaro ma dawangeino gea masara ko yomatogu-togumuahi yaparangi onangika, ho duru ma wange gea ma gahumu ka yaparangiohi hiadono yofutukuoli de ahao yomatogumu yahohonenge. De o Amaleke ma nyawa manga hou abe ka yowangohi gea manga goduuru yaratuhu iata dika abe yofarene manga untauku la ka idadi yoara.