Dodadi 24:58 - Ma Jou ai Demo-demo o Totobelohoka

⁵⁸ Ho gea o ngo Ribeka imiahokino de imileha ato, “Nanga hobata naa, una wato o wange naa dika de ngini nikokisobo, ho sarakia ani hininga, ngona nomahidiaioka la niniiki o nauru naa?” De muna gea ka mopaluhu mato, “Ngohi toigo tiniiki dika.”

Dodadi 24:58 ပူးပေါင်းရင်းမြစ်များ

Dodadi 24:57

Masara ona yotemohi ato, “Nako hokogea ani hininga, kiani mimilehahi munangika nako mosanangi moiki o wange naa eko mato ma hutuohi de ahao.”

Dodadi 24:59

Hokogea o ngo Ribeka momahingahu de ami dutu-dutu yomatoomuino de ona duru imihiowa ato, “To ngomi mia biranga, ngona duru minigahoko Ma Jouiye, La ani totoforauku wahidadi yowoe-woeuku, Hiadono ko idadiua o nyawa yaetongo manga ngoe. De manga musu Ma Jou wahidoaka manga giamika, Hiadono ani totoforaukuoli yogogere manga musu manga kota-kotaka.” Hokogea o ngo Ribeka imigahoko la ma owa mamake de ahao imihigunoa moiki maniiki ona, o Abarahaama ai duduhunu gea de ai dodiawo. De momatengoli abe ma dihira o ngo Ribeka momihuhu de momihigoana, munangoo maniiki. De nagali o ngo Ribeka ami gogilaongo o ngo-ngofeka yamuruono naga abe onangoo yahigunoa yaniiki la ka idadi o ngo Ribeka imiduhunohi.

Lukasa 1:38

Ka de gea moihene de o ngo Maria ami hininga momahingahu o malaekatika mato, “Ngohi naa igoungu nanga Baluhu Ma Jou ai gilaongo, ho to Una ai hiaturu abe o kia dika woigo ngohi todiai gea tomahidiaioka todiai. Ho ngaro ka imadadioka ngohino naa abe nohihingahuoka.” Hokogea o ngo Maria motemo ibooto de ka wosobo o malaekata o Gabiriele.