Dodadi 24:56 - Ma Jou ai Demo-demo o Totobelohoka

⁵⁶ Masara una wopaluhu wato, “Hobata, nia demo gea irahai masara naa Ma Jou o Yawe duru wohiduhunu ngohi la ahi dodagi ma dumutu de ma hasiloka la ka idadi tomataiti tolioli ahi dutuika. Ho naa tohigalioli tomahilooa, ma, tonganono ngini nimihigunoa la misobo de ufa nimitumungu.”

Dodadi 24:56 ပူးပေါင်းရင်းမြစ်များ

Dodadi 24:40

“De una wopaluhu wato, ‘Ngone howango Ma Jou o Yawe ai himangoka de Una ahao wihidingoto ai malaekata moi la wonihihira-hira ma oraha noiki de woniduhunu hiadono o Isaka ngoi fekata nomimakeoka. De muna gea ahao nomimake to ngohi ahi dutuoka abe duru ahi baba ai tau ma goronaka.

Dodadi 24:54

Mata-mata wahidoaka onangika ibooto de ahao wato, “Naa, ka idadi holomo hososanangi.” Ho una de ai dodiawo yolomo de yokere ibooto de ahao yomaidu genangoka. Ka de ma dawangeino yomomiki de una wato yomataiti yosobo yolio ho wahilooa wato, “Ngohi naa tomahilooa, abe tato naa ngomi milio iti nimihigunoa la misobo.”

Dodadi 24:57

Masara ona yotemohi ato, “Nako hokogea ani hininga, kiani mimilehahi munangika nako mosanangi moiki o wange naa eko mato ma hutuohi de ahao.”

Dodadi 30:25

Gea o ngo Rahele momagerewoto ami ngofaka o Yusupu de ipaha o Yakubu ai hininga womahingahu o Labanika wato, “Toroa, ngohi naa tato ahi tonakika tolio.

Sosawaro 25:25

Abe ma oraha ngone hamake o sosanangi ma abari abe iboa o tonaka kohagurutoka de aino, gea duru inahiwangoroli to ngone nanga hininga. Abe gea hamao imaketero hoka ma oraha nanga ngomaha duru yodudungoka de ahao ka idadi hamake de haokeruku o akere abe duru imaata / imutiti la nanga buturungu ka ilioli.

Yosua 1:8

De naga ngonaka ahi demo mata-mata abe ihitulihukuoka de tinihidoaka ngini o Isiraele ma nyawaika abe hohiromanga Ma Jou ai Pareta ma Buku. De kiani to ngonaoo ani demo o nyawaika ka ihikaika napake to Ngohi ahi demo-demo gea. Ho kiani ngona nomabasa de nomahihohininga o futu de o wange la ka ihikaika nohidemo to Ngohi ahi demo-demoino. Hokogea ma ngekomo nodiai la nohihingounu Ngohi Ma Jou o Yaweino hiadono mata-mata ngona nodiai imakiniiki de ahi demo-demoino. Nako hokogea ani wowangoka de ngona namake ma owa ma ngoe de mata-mata nodiai de ma hasiloka.”