Dodadi 24:54 - Ma Jou ai Demo-demo o Totobelohoka

⁵⁴ Mata-mata wahidoaka onangika ibooto de ahao wato, “Naa, ka idadi holomo hososanangi.” Ho una de ai dodiawo yolomo de yokere ibooto de ahao yomaidu genangoka. Ka de ma dawangeino yomomiki de una wato yomataiti yosobo yolio ho wahilooa wato, “Ngohi naa tomahilooa, abe tato naa ngomi milio iti nimihigunoa la misobo.”

Dodadi 24:54 ပူးပေါင်းရင်းမြစ်များ

Dodadi 24:56

Masara una wopaluhu wato, “Hobata, nia demo gea irahai masara naa Ma Jou o Yawe duru wohiduhunu ngohi la ahi dodagi ma dumutu de ma hasiloka la ka idadi tomataiti tolioli ahi dutuika. Ho naa tohigalioli tomahilooa, ma, tonganono ngini nimihigunoa la misobo de ufa nimitumungu.”

Dodadi 24:59

Hokogea o ngo Ribeka momahingahu de ami dutu-dutu yomatoomuino de ona duru imihiowa ato, “To ngomi mia biranga, ngona duru minigahoko Ma Jouiye, La ani totoforauku wahidadi yowoe-woeuku, Hiadono ko idadiua o nyawa yaetongo manga ngoe. De manga musu Ma Jou wahidoaka manga giamika, Hiadono ani totoforaukuoli yogogere manga musu manga kota-kotaka.” Hokogea o ngo Ribeka imigahoko la ma owa mamake de ahao imihigunoa moiki maniiki ona, o Abarahaama ai duduhunu gea de ai dodiawo. De momatengoli abe ma dihira o ngo Ribeka momihuhu de momihigoana, munangoo maniiki. De nagali o ngo Ribeka ami gogilaongo o ngo-ngofeka yamuruono naga abe onangoo yahigunoa yaniiki la ka idadi o ngo Ribeka imiduhunohi.

Dodadi 30:25

Gea o ngo Rahele momagerewoto ami ngofaka o Yusupu de ipaha o Yakubu ai hininga womahingahu o Labanika wato, “Toroa, ngohi naa tato ahi tonakika tolio.

Dodadi 45:24

Hokogea o Yusupu ai ria-dodoto wahidailako manga perelu de ahao wahigunoa la yolio, de wahibehehongo onangika wato, “De gea o ngekomika ufa nimakokangamo!” Hokogea wahitiari o Yusupu.

Tobadotoko 7:10

Ufa hotemo hato, “Nako nanga wowango ma dihiraino de abe ma oraha naa naga masara ka ma dihirainohi nanga wowango irahai.” Angamoi o demo hokogea ko ihititiua o sosawaro ma hiningaino.