Dodadi 24:52 - Ma Jou ai Demo-demo o Totobelohoka

⁵² Ka de ami baba de ami iranga manga demo gea woihene ibooto de o Abarahaama ai duduhunu gea womagulupoali de duru wihigiriiri Ma Jou o Yawe.

Dodadi 24:52 ပူးပေါင်းရင်းမြစ်များ

Dodadi 24:26

Ka de ami demo gea woihene de o Abarahaama ai duduhunu gea womagulupoa de duru wihigiriiri Ma Jou o Yaweika,

Dodadi 24:48

Gea tomihidoaka ibooto de tomagulupoa hiadono ahi pea o tonakuku itiki de duru tihigiriiri Ma Jou o Yaweiye. De gea duru tihiowa Ma Jou o Yawe abe Una ahi dutu ai Jou de gea Una dika abe wohihihira-hira o ngekomika. Gea Una wohiao nenangino la ka idadi o Abarahaama ai dodoto ai danongo o ngo Ribeka ka idadi tomigahoko la tomiao ahi dutu ai ngofakika.

Dodadi 24:51

Naa o ngo Ribeka ka idadi minihidoaka ho ngaro ka nomiaoka dika. Irahai ngomi mimihigunoa la muna modadi ani dutu ai ngofaka ngoi fekata imaketero abe hoka Ma Jou o Yawe wohiaturokau.”

1 Tawari 29:20

De hokogea o Dautu womaniata ibooto de ahao ona wahigaro mata-mataika genangoka wato, “Ngini ma oraha naa kiani duru niwihigiriiri ti ngini nia Jou, Ma Jou o Yawe!” Ho ona mata-mata de manga ilingi ihiboakiye manga higiriiri Ma Jou o Yaweika, abe Una manga totofora manga Jou. De onangoo yatilabukuku de yomaponuku ka hiadono manga pea itiki ma tonakuku la ihitunguu manga horomati ilamoko Ma Jou o Yaweika de manga koanoikaoo manga horomati.

2 Tawari 20:18

De gea yoihene ibooto de o Yosafata watilabukuku hiadono ai himanga itiki o tonakuku de duru womahuba Ma Jou o Yaweika. De o Yehuda ma nyawa de ona abe yogogere o Yerusaleeme ma kota ma goronaka ka ma moi ona manga doomu mata-mataika onangoo yatilabukuku yomahuba Ma Jou o Yaweika.

Higiriiri 95:6

Ho abeika niainohi la ngone homaponuku to Una gea ai himangoka, de hatilabukuku Ma Jou o Yaweoka abe Una wonatulaada ngone, la ka idadi homahuba-huba Unangika!

Matiusu 2:11

Ho ona yoboa o tauino abe genangoka o Yusupu de o ngo Maria yogogere de ka yogila-gila yowohama o tau ma goronaika gea. De o tau ma goronaka iwimake o ngofaka gea de to Una ngoi meme o ngo Maria. Ka de iwimake o Yesusu de yatilabukuku ai himangoka hiadono manga pea itikiuku la yomahuba Unangika. De naga onangoka to ona manga hidoaka abe duru ihali, ho manga hidoaka ma hohailoa gea ihihupu ma ngi-ngiino de iwihidoaka o Yesusika. De gea manga hidoaka o gurasi ma dutu, de o manyanyi, de o muuru abe ma bounu duru ma hohailoa.

1 Samuele 1:28

De mangale ma titi gea hiadono ngohi titingaka Ma Jou o Yaweika abe o wange naa tihidoakoka Unangika la una ka idadi wileleani Ma Jou o Yawe ka hiadono ai wowango ma bahaika.” Hokogea o ngo Hana mihingahu o Elika de ahao genangoka ona yomahuba Ma Jou o Yaweika.