Dodadi 24:24 - Ma Jou ai Demo-demo o Totobelohoka

²⁴ De o ngo Ribeka mopaluhu mato, “Hobata, ahi baba o Betuele de to una ai baba o Nahoro de ngoi meme o ngo Milika.

Dodadi 24:24 ပူးပေါင်းရင်းမြစ်များ

Dodadi 22:20

De ipahaika naga o nyawa iwihingahu o Abarahaamika ato, “Abeika, ani dodoto o Nahoro to una ai ngofaka manga ngoe. Abe ngoi fekata o ngo Milikaino de una wamake ai ngofaka o nauru naga yatufange.

Dodadi 24:15

Hokogea ai niniata ma demo de ko wabootuahi de naga o Betuele ngoi ora o ngo Ribeka moboa o humuino. Ami baba o Betuele, una gea o ngo Milika ami ngofaka ho o ngo Ribeka ami ete o Nahoro abe o Abarahaama ai dodoto.

Dodadi 24:23

De woigo wohioriki nako muna o Abarahaama ai dutu adaene ho womileha munangika wato, “Hobata, ani baba onaguna? Duru togahoko ai romanga nohihingahu de nako naga ma ngi ai tauoka abe ngohi de ahi dodiawo naa ka idadi genangoka mimaidu.”

Dodadi 24:25

De to ngomi mia tauoka naga ma ngi abe ka idadi niapake, de naga o gandumu ma roehe abe ka idadi nia unta nihinao. De nagaoo o ruruubu la ka idadi nia unta nihiolomo.” Hokogea o ngo Ribeka mopaluhu unangika.

Dodadi 24:47

“Gea mohiokere hiadono ahi unta akokiwedonoka de ahao tomileha munangika tato, ‘Hobata, ani baba onaguna?’ De muna mopaluhu mato, ‘Hobata, ahi baba o Betuele de to una ai baba o Nahoro de ngoi meme o ngo Milika.’” “Ka de hokogea mopaluhu de ami ngunungika tohinoa ami ali-ali gea de o gogoli ami giama tokokahononga tomihinoa abe kanganoinohi tomahidiaiokau.

Dodadi 29:5

De walehali onangika wato, “Ho sarakia, ngini niwihioriki womatengo ai romanga o Labana abe o Nahoro ai danongo?” De ona yopaluhu ato, “Iya, ngomi wiwihioriki.”