Dodadi 24:14 - Ma Jou ai Demo-demo o Totobelohoka

¹⁴ Ho Ngona Ma Jou togahoko la nohiduhunu la o ngofeka ami dodunguu hokonaa, abe ngohi ahao tomilingiri momatengo abe ami akere ma ngi maomangoka de mamokuino mato molio. De ahao ngohi tomileha munangika tomagahoko la ami boto gea mohiguti la ka idadi mohihiokere ngohi. De nako hokogea Ma Jou nomihigunoa mohihiokere de ahao Ngona nohiaturoli la muna momahitunguu ma moiohi la duru itaana gea muna nomiirikoka la nato nomihidadi ani gilaongo o Isaka ngoi fekata. Abe ka de togahoko o akere munangino de kiani muna ahao mopaluhu ngohino mato, ‘Ngohi toigo o akere tonihidoaka de ahao ani untaoo tohikokiokere.’ Ami demo gea idadi ma dodunguu abe gea muna nomiirikoka Ma Jou. De duru hokogea togahoko idadi ngohino la nohihimatoko ngohino abe ani dora ahi dutuika.”

Dodadi 24:14 ပူးပေါင်းရင်းမြစ်များ

Dodadi 15:8

De o Abaraama wopaluhu Ma Jouika wato, “Masara ahi Baluhu, hokokia ka idadi ahao nodiai la duru tohioriki igoungu o Kanani ma tonaka naa idadioka to ngohi? Ngona Ma Jou o Yawe abe mata-mataika naga ani kuahaka. Masara abe Ngona kangano nohihingahu, gea ngohi ko tamakeuahi abe ihitunguu itaana ani behehongo ngohino gea ahao idadi.” Hokogea o Abaraama womahingahu.

Dodadi 24:13

Abeika, ngohi naga nenangoka o humu ma datekoka de naga o ngo-ngofeka o kotaka naa yoboainoka yomahionoko.

Dodadi 24:15

Hokogea ai niniata ma demo de ko wabootuahi de naga o Betuele ngoi ora o ngo Ribeka moboa o humuino. Ami baba o Betuele, una gea o ngo Milika ami ngofaka ho o ngo Ribeka ami ete o Nahoro abe o Abarahaama ai dodoto.

Dodadi 24:18

De muna mipaluhu mato, “Ahi baluhu, duru toigo o akere tonihidoaka.” De ahao ami boto ami belekaka mohiguti de mihiokere.

Dodadi 24:19

Gea wokere ibooto de ahao muna motemoli mato, “De naa ngohioo toigo ani untaoo tohikokiokere. De gea tohionoko hiadono ani unta mata-mataika ikokiokere.”

Dodadi 24:43

Abeika, ngohi naga nenangoka o humu ma datekoka de togahoko la muna gea abe ahao moboa momahionoko de ngohi tomagahoko ami akere la ngohi mohihiokere ami botoka de muna mohihidoaka. De Ngona Ma Jou nohiaturu la muna ahao mopaluhu ka idadi ngohino hokonaa:

Dodadi 24:44

Muna mato, “Ngohi toigo o akere tonihidoaka de ahao ani untaoo tohikokiokere.” Kiani ami demo hokogea la momahitunguu abe gea muna Ngona Ma Jou o Yawe nomiirikokau la modadi ahi dutu ai ngofaka o Isaka ngoi fekata.’”

2 Samuele 5:24

Abe ma oraha ngini niihene ma ilingi moi o gota gea daku ma deka-dekaroka abe ma ilingi hoka o nyawa manga ngoe yomakode-kode, gea kiani nimahidiaioka! Angamoi ma ilingi gea ma dodunguu abe Ma Jou o Yawe wosoboka winihihira-hira la wahikala o Filistina manga tentara gea.”

Sosawaro 19:14

Nako nanga tau de nanga kiahonanga, gea ka idadi hamake nanga dimonino abe idadi manga oara ngoneino. Masara nako nanga fekata abe duru mososawaro, gea kiani Ma Jou o Yaweoka dika abe ka idadi wonahidoaka ngoneino.

Hihira 6:17

De o Gideono wopaluhu wato, “Nako igoungu tonihisanangi hiadono ngona noigo nohiduhunu, ngohi tomagahoko o dodunguu la de ena gea ngona nomahitaana abe Ngona nagoungu Ma Jou o Yawe abe naa notemo ngohino.

Hihira 6:37

Abe hokonaa todiai la ka idadi Ngona Ma Jou nohitunguu la tohioriki. Naga o domba ma kai de ma gogoka ngohioka naa de ena gea tokelenga o gandumu ma rorero ma ngioka naa. De itebini duru o ngorumino ngohi ka de tomomiki tatailako de tamake abe o rorero ma ngi ma tonaka mata-mata ma dodudungu masara ahi domba ma kai ma gogo ena dika yopehaka de o gagini. Hokogea togahoko nodiai la idadi ma dodunguu abe itaana ngohino abe Ngona ani mau la nohipake ngohi ka hiadono ngomi o Isiraele ma nyawa nomihihupu mia musu manga giamino hoka nohihingahuoka nato hokogea nodiai.” Hokogea o Gideono ai gogahoko Ma Jouika.

1 Samuele 20:7

Abe nako ani baba wotemo, wato, ‘Ka idadi waniiki dika, adodoaua.’ Nako hokogea ai demo de gea hihioriki ai hininga ma hohailoa dika. Masara nako wongamo hiadono ai hininga ko wohiorikokaua de gea womahitunguu ai hidee ma dorou naga ngohino.