Dodadi 24:1 - Ma Jou ai Demo-demo o Totobelohoka

¹ De ipahaino de o Abarahaama duru ai dekanoka hiadono iwiperekioka. De una Ma Jou wihihira-hira ai wowangoka hiadono wamakeokau ma owa irupa-rupa Ma Jou o Yaweino.

Dodadi 24:1 ပူးပေါင်းရင်းမြစ်များ

Dodadi 12:2

Ngohi ahao tonihidadi la ngona o nyawa manga ngoe manga dutu, Ho ani totoforauku duru yowoe-woeuku, De tonihidoaka ma owa ngonaika. Todiai la o nyawa manga ngoe inihioriki de inihigiriiri, De ngonaino o nyawa utu ahao yamake ma owa.

Dodadi 13:2

De ma oraha naa o Abaraama duru wodadiokau o kaya ma nyawa, abe to una ai domba, de ai kabingi, de ai unta, de ai hapi duru ma ngoe, de nagaoo ai gurasi de ai haaka.

Dodadi 18:11

Masara o Abarahaama de o ngo Sara ma oraha gea de duru yaboriperekioka, ho o ngo Sara mootanoka.

Dodadi 21:5

De o Abarahaama gea ai ngumuru adonoka ai taongo o ratuhu moi ma oraha ai ngofaka o Isaka womaboa.

Dodadi 24:35

De ahi dutu gea duru Ma Jou o Yawe wihiowa ma ngoe hiadono wihidadi o kaya ma nyawa. Abe Ma Jou wihidoakoka unangika o domba ma duduono de o hapi ma duduono ma ngoe, de naga ai gurasi de ai haaka de ai gogilaongo o nau-nauru de o ngo-ngofeka. De utuohi ai kaya hiadono ai unta de ai keledai enangoo naga.

Dodadi 25:20

Una gea ahao ai ngumuru adonoka ai taongo moruata ma oraha woilaka de o ngo Ribeka, abe muna to Betuele ngoi ora de to Labana ngoi firanga. Ona o Arama ma nyawa abe yogogere o Padana-Arama ma tonakoka.

Dodadi 26:12

De duru o taongo gea o Isaka o redi ma amoko womadiai de wodatomo o tonakoka gea. De ai datomo ma hasili duru kohaamoko abe nako o bibiti wodatomo o kilo moi de ahao wogutuku genangino o kilo o ratuhu moi. Hokogea ai redi ma hasili angamoi Ma Jou o Yawe duru wihiowa.

Dodadi 49:25

Ahi ngofaka ngaro Una gea ani totofora manga Jou abe woniduhunu, Ngaro Una Wokokurutiye gea ka ihikaika wonihiowa, Ani hiowa wohiboa o dihangino de o tonaka ma hakino, Winihiowa nia ngo-ngofekaino manga ngofaka ma ngiino, Hiadono manga ngofa-ngofaka ko manga ngoe yakokihuhu.

1 Kokoano 1:1

De ipahaino de o Dautu duru iwiperekioka ho ka ihikaika wamao iwimaata. De ngaro iwitamunu de o ngoere ma biri-birini masara gea parahaja dika angamoi ai badangoka ka iwimaa-maatohi.

Sosawaro 10:22

Nako ngone o nyawa hiadono hokaya gea ma titi Ma Jou o Yawe ai hiowa ngoneino hiadono nanga kiahonanga ma ngoe gea duru houtumu. De nanga kaya gea nako duru Unangoka de aino ko iwa nanga toduba ma huha abe hamake genangino.

Matiusu 6:33

“Masara koaho ngini nia wowangoka de nihitihira de to Ma Jou dika ai mau de nimaribuutu la nianiiki to Una ai totiaiika. Ho nako ti ngini nia hininga hokogea ka hiadono Una niwihitihira, de gea Una ahao ka ihikaika winihidailako ti ngini nia perelu.”

Galatia 3:9

De ma owa gea o Abarahaama wamake de gea ma titi unangoo o ngongaku ma nyawa. Ho gea ngone onagona dika abe hongaku-ngakuoka Ma Jouika, gea ngone hakokimake ma owa moi abe hoka ma dodihirainohi o Abarahaamoli wamakeoka ma titi Ma Jou wonasanangi ngoneino.

Efesusu 1:3

Ahi gogianongoru, naa ngohi tinihigaro ma titi ma hidoaka ma owa mata-mata abe ngone hamakeoka. De nanga hidoaka ma owa gea ikokiboa Ma Jouoka de aino, abe Una gea to nanga Baluhu idodutu o Yesusu Kristusu ai Baba. De ai owa gea o Horogaka de auku iboa ngoneuku. De gea wonahiowa ma titi abe ngone hodadioka o Kristusu ai nyawa. Ho mangale ma titi Ma Jou wonahiowaka ngoneino de to Una ai owa mata-mata ho duru itiai abe ngone ka ihikaika hihigiriiri Unangika.

1 Timotiusu 4:8

De igoungu nako nanga badanga, ka idadi homaribuutu la hiadono nanga buturungu idogo abe nanga roehe itotoomu, de genangino nanga utumu ma hohutulu hamake. De gea irahai, masara nanga utumu gea ma hohutulu dika hamake angamoi nanga badangoka dika ma utumu. Masara ka nenangohi ilamoko nanga utumu hamake nako homahiputurungu nanga ngongakuino la hiadono utuohi haniiki itiai to Una ai mau ngoneino. De genangino hamake nanga utumu iwoe. Abe utu ngaro nanga wowango o duniakahi naa ma hamakeoka nanga utumu. De ahao utuohi nanga utumu hamake daku o Horogaka.