Dodadi 23:8 - Ma Jou ai Demo-demo o Totobelohoka8 De wato, “Ahi dodiawo, nako hokogea nisanangi nihihigunoa ahi nyawa talungunu naangoka de ngohi tonganono ahi demo moioli nisanangi niodafongo abe togahoko la nihihidemo o Sohara ai ngofakika o Eforonika. အခန်းကိုကြည့်ပါ။ |
Dodadi 23:8
7 ပူးပေါင်းရင်းမြစ်များ
Abe o Eforono ai redi ma batingoka naga o aruku moi ma romanga o Makapela ma aruku. De o aruku gea ngohi toigo tomaija. Ho gea togahoko la ngohi nihihidemo unangika niato, ‘O Abarahaama woigo o Makapela ma aruku womaija de wofangu abe ma ija itiai ngonaika nanga dimo-dimono manga himangoka. Hokogea o Abarahaama ai gogahoko ngona o Eforonika la ani aruku idadi to una ai ngi abe ka idadi ngoi fekata ami honenge wohingohama o aruku gea ma goronaika.’ Hokogea ahi gogahoko ma demo o Eforonika.”
De o Isaka de o Isimaele ai ngofaka yahinooto gea ahao manga baba ai honenge iwingotaka o Makapela ma arukika abe imakitingaka ko ikurutikaua de o Mamere ma ngi. Ma dihiraka o Abarahaama womaijaka o aruku gea. Abe ma oraha o ngo Sara mohonenge de womaija o Hete ma nyawaino abe ma tonaka gea ma dihira o Sohara ai ngofaka o Eforono ai redi. Ho o aruku ma goronaka gea o Abarahaama iwilungunu duru yomahingi moi de ngoi fekata o ngo Sara.
De una womitemo munangika wato, “Ngohi tomagahoko la ngona noiki nanga koano o Saloomoika de nohihidemo unangika ma titi o ngo Abisaga abe o Sunemoka ma ngofeka gea. Angamoi nako ngona nohihidemo ani ngofaka o Saloomoika de ahao bote una wonihigihene. Abe ngohi toigo la o ngo Abisaga gea tomihidadi ngohi fekata.”
De abeika ngone hafikirohi to Yesusu ai hininga hokokia. Angamoi Una gea duru wotebi-tebini ho hiadono Ma Jou wisanangi Unangika, angamoi to Una ai hiningaka duru ko iwa ma dorou eko o howono o kia dika. De Una gea iwihikitingakoka ngoneino o howo-howono ma nyawaino, de ma oraha naa duru iwigorakiyeoka ho nako o Horogaka ma gogere mata-mataika, gea ka to Unangohi ai gogere duru ikurutiye. Ho o Yesusu ai wowangoino gea ka idadi ngone hohioriki de itararono abe Una dika ka idadi duru wonahingodumu to ngone nanga perelu mata-mataika.
ကြော်ငြာတွေ