Dodadi 23:19 - Ma Jou ai Demo-demo o Totobelohoka

¹⁹ De ahao o Abarahaama ngoi fekata ami honenge womingotaka o Makapela ma arukika, de womikelengauku o aruku ma goronaka. De ma aruku gea naga o Kanani ma tonakoka abe imahitigi-tigino o Heborono ma kapongo de ko ikurutikaua de manga ngi abe ihiromanga o Mamere.

Dodadi 23:19 ပူးပေါင်းရင်းမြစ်များ

Dodadi 23:18

De o tonaka ma hurata moi yodiai o Hete ma nyawa manga dimo-dimono manga himangoka.

Dodadi 23:20

Hokogea o redi de o aruku gea duru itaana de ma hurata abe o Hete ma nyawa iwihidoaka o Abarahaamika la idadioka to unangoli ai lungunu ma ngi.

Dodadi 3:19

De ngona ahao nomakarajaanga hiadono ani gahauku ma amoko de duru nokangelaka de ahao ani inomo namake. Ho ka ihikaika hokogea hiadono nohonenge de gea nolio o tonakuku, angamoi ngona nodadi o tonakino de ahao o tonakukuoli nolio.” Hokogea Ma Jou ai hohowono o nyawaika.

Dodadi 37:14

De ai baba wato, “Irahai noiki la natutumohi done naga manga kuranga. De nanga duduonoo kiani hohioriki hokokia ma kangela eko ma rahai ho gea natutumu ibooto de nolioli ngohino de nohihingahu.” Hokogea o Isiraele wihidingoto o Yusupu o Sikeme ma dolaika. Ho manga gogere o Heborono ma dolaka gea wosoboka o Yusupu la woiki ai ria-riakika.

Dodadi 47:30

Ho ma oraha ngohi tohonengoka de ngona kiani nohihihupu o Mesiirino de kiani nohingotaka ahi tofora manga lungunika la nohilungunu onangoka.” Hokogea o Yakubu ai behehongo o Yusupika. Ho o Yusupu wato hokogea ahao wodiai.

Dodadi 50:13

Abe manga baba ai peti yagoraka la iwingotaka ai honenge o Kanani ma honongaika de iwihingohama o Makapela ma arukika de genangoka iwilungunu. O aruku gea abe ma dodihiraka o Abarahaama womaijaka o Hete ma nyawaino la idadi manga lungunu ma ngi o Eforono ai redioka abe imakitingaka ko ikurutikaua de o Mamere ma ngi.

Dodadi 50:25

Hokogea wahingahu ibooto de ahao o Yusupu wahibehehongo o Isiraele ai totoforaukuika gea wato kiani onangoo iwihibehehongo unangika la ahao iwilungunu o Kanani ma tonakoka wato, “De ma oraha Ma Jou woboa la wonahihira wonahigilio o Kanani ma tonakika de kiani ahi honenge ngini niao la ngohioo nihihigilio nanga tonakika abe o Kananioka.” Hokogea wogahoko de ahao hokogea ona iwihibehehongo o Yusupika.