Dodadi 23:10 - Ma Jou ai Demo-demo o Totobelohoka

¹⁰ Masara o Eforono naga onangoka manga doomu ma ngioka o kota ma ngoranoka gea. Ho ka de o Abarahaama wogahoko hokogea de unangoo wigihene, ho naa una dika wopaluhu o Abarahaamika. De ka idadi o Hete ma nyawa genangoka mata-mataika ai demo yoihene hiadono manga dimo-dimonoo ma, yokokiihene.

Dodadi 23:10 ပူးပေါင်းရင်းမြစ်များ

Dodadi 23:18

De o tonaka ma hurata moi yodiai o Hete ma nyawa manga dimo-dimono manga himangoka.

Dodadi 23:9

Abe o Eforono ai redi ma batingoka naga o aruku moi ma romanga o Makapela ma aruku. De o aruku gea ngohi toigo tomaija. Ho gea togahoko la ngohi nihihidemo unangika niato, ‘O Abarahaama woigo o Makapela ma aruku womaija de wofangu abe ma ija itiai ngonaika nanga dimo-dimono manga himangoka. Hokogea o Abarahaama ai gogahoko ngona o Eforonika la ani aruku idadi to una ai ngi abe ka idadi ngoi fekata ami honenge wohingohama o aruku gea ma goronaika.’ Hokogea ahi gogahoko ma demo o Eforonika.”

Dodadi 24:10

Ho o Abarahaama ai duduhunu gea wato wosobo ho womahidiai woiki. De ihira ai dutu ai unta ngimoi wale o duduonino de ahao waleoli ai dutu ai kiahonanga irupa-rupa, abe duru ma rorahai de duru ihali, de mata-mata gea wohibarene o untauku. Ho gea womahidiai ibooto de wosobo de naga ai dodiawo yamuruono naga iwiniiki. De yoiki manga dumutu o Nahoro ai kotaika abe naga o Arama-Mesopotamia ma tonaka ma honongaka.

Dodadi 34:20

Ho una de ai baba yoiki manga kota ma ngoranika de yomakoketemo de o kota ma dimo-dimono abe ona biaha yomatoo-toomuino genangoka.

Dodadi 34:24

Hokogea manga demo de manga kota ma dimo-dimono yomaputuhoka la o huhuna gea yaniiki ho o nau-nauru mata-mata manga kotaka gea ahao yomakokihunaka.

Matiusu 9:1

De o Gadara ma nyawa ona yogahokoka la o Yesusu wanoa manga tonaka gea de ahao Una de iwinii-niiki yosobo ho yofarenoli manga ngotiroko de yomahihorali o Galilea ma akere ma ngooto ma honongaikali. De manga dumutu gea to Una ai kapongo o Kapenaumika.

Ruutu 4:11

Ho ka de manga dimo-dimono de ona utu abe yomatoomuinoka genangoka yoihene ai demo gea de yotemo ato, “Ngomi midadioka o hakihii ma nyawa abe miamake ma gou-goungu abe ngona o Boasa o wange naa nodiaioka. Ngaro Ma Jou o Yawe wonihidadi ngonaika la ani gogianongoru, o Efaraata ma nyawa, inigoraka la ngona nodadi manga dimono. Angamoi itiai o nyawa manga horomati ilamoko ngonaika o Beteleheeme ma kotaka la ka ihikaika ona duru ko iniwohangua. De ma ngofeka gea abe nomile la nigogere moi ani tauoka duru mimigahoko la muna modadi imaketero hoka nanga be-be o ngo Lea de o ngo Rahele abe ma titi manga ngofaka manga ngoe hiadono ngone o Isiraele ma nyawa hofaa-faatuku nanga totoforaino gea.