Dodadi 22:5 - Ma Jou ai Demo-demo o Totobelohoka

⁵ De o Abarahaama wahuloko ai gilaongika wato, “Ngini inihinooto de o keledai naa, nimahiainohi nenangoka. Ngohi de ahi ngofaka miloikohi dokea o lokuika gea, la ngomi mimahubahi Ma Jouiye. Mimahuba ibooto de ahao milioli nginino.”

Dodadi 22:5 ပူးပေါင်းရင်းမြစ်များ

Dodadi 22:19

De ipaha o Abarahaama de o Isaka yolio manga gilaongika de ahao yosoboli yaiata gea yolio manga tauika o Bereseba ma tonakika de genangoka yogogerohi ma dekana.

Dodadi 22:4

Ho yoikoka de yomaidu o homoaka manga futu hinooto ho o wange hangeino manga dodagi. De o Abarahaama wolega-lega kohagurutikahi de o loku wohidotelega, de wamakeoka ma loku gea abe Ma Jou wihingahuoka unangika.

Dodadi 22:6

Wotemo ibooto de o Abarahaama wagoraka o gota o keledai ma poretoka abe ahao yapake la yomahidaulu manga huhuba. De manga gota gea wihimoku o Isakika, masara o Abarahaama una ma hirete wao o uku de o gakana. Ho yoiki yotagi-tagi yomakiniiki ai ngofaka de ai baba.

Huhupu 24:14

De wahibehehongo o Isiraele manga hihira yamoritumidika gea wato, “Ngini naangokahi nimagoo-gogere hiadono miboali nginino naa. Abeika o Harunu de o Huuru naga nginioka ho nako naga o kadatoro idadi nia hidogoronaka de ona ka idadi iniduhunu.” Hokogea o Musa ko wodoauahi de wahibehehongo onangika abe yamoritumidika.

Ibarani 11:19

Angamoi doka o Abarahaama ai hiningaka una wato nako o Isaka kiani wohonenge, gea naga Ma Jou ai kuaha la wihimomikoli ai honengino. De gea ngade-ngade hokogea ka idadi hohiromanga, angamoi gea imaketero hoka o Isaka wohonengoka de Ma Jou wihimomiki ai honengino la wowangoli. Ho gea o Abarahaama ai hiningaka wato ka idadi ai ngofaka o Isaka wihidadi ai huhuba angamoi wingaku Ma Jouika.

Ibarani 12:1

De naa o hiketero moi ka idadi todiai abe tonahiketero to ngone nanga wowango de o roreebe abe ngone o nyawa nanga biaha homapopaata homaketeroreebe. De ona ma dodihiraino abe duru iwingaku-ngakuoka de to ona manga ade-ade niihenoka, ona gea yomahiadonikaka ma roreebe ma batingika ho ma oraha naa ona ko yomaketeroreebeokaua masara gea inawuni-wuningoli ngone naa abe ko homahiadonuahi ma batingika. Ho mangale ma titi ona gea ko manga ngoe inawuni-wuningi, ho abeika ngone hanoaka o kia dika naga ngoneoka abe ena gea inahikokapaanga hiadono ko hotai-taitua, masara koaho gea ena hanoaka la ka idadi homapopaata de houwini. De o howono o kia dika naga ngoneoka abe biaha ena gea inatobatukoro, enangoo ma kiani hanoa la ka idadi ka ihikaika hoaguru nanga himangika de homapopaata de nanga dongohono ka hiadono nanga roreebe ma batingika homahiadonika.