Dodadi 22:4 - Ma Jou ai Demo-demo o Totobelohoka

⁴ Ho yoikoka de yomaidu o homoaka manga futu hinooto ho o wange hangeino manga dodagi. De o Abarahaama wolega-lega kohagurutikahi de o loku wohidotelega, de wamakeoka ma loku gea abe Ma Jou wihingahuoka unangika.

Dodadi 22:4 ပူးပေါင်းရင်းမြစ်များ

Dodadi 22:3

De ma dawangeino ka o ngoru-ngoruminohi o Abarahaama womomiki de ai keledai wohidiai la ka idadi o huhuba ma gota wohibarene ma poretuku. De ai gilaongo yahinooto de ai ngofaka o Isaka wahokino. De ahao o gota wapelaka abe ahao wapake la ai huhuba wohiharongo. Ho mata-mata gea wodiai ibooto de ahao yosobo, o Abarahaama, o Isaka, de ai gilaongo yahinooto gea. De yoiki genangika abe Ma Jou wihingahuoka wato kiani genangoka womahihuba ai ngofaka.

Dodadi 22:5

De o Abarahaama wahuloko ai gilaongika wato, “Ngini inihinooto de o keledai naa, nimahiainohi nenangoka. Ngohi de ahi ngofaka miloikohi dokea o lokuika gea, la ngomi mimahubahi Ma Jouiye. Mimahuba ibooto de ahao milioli nginino.”

Estere 5:1

O wange hange ko yolomua de ko yokerua gea ipaha abe o ngo Estere de o Yahudi ma nyawa o Susana ma kotaka yaniiki ami behehongo itiai de ahao o ngo Estere momahidiai mitutumu o koano ho momahinoauku ami pakeanga abe o koano ngoi fekata dika ka idadi mapake de moiki o koano ai tau ma goronaika la mitutumu. De ma oraha gea ami rokata o Ahasi-weroso wogogeruku ai kaderaka. Ho o ngo Estere moiki ai tau ma goronaika de mogila-gila hiadono mowohamika ai ngoranika abe genangoka una wogogeruku ai kaderaka.

Huhupu 15:22

De ahao o Isiraele ma nyawa o Bongo-bongo ma gahi yoporete de o Musa wahihira-hira o Siuru ma dolaika. De manga wange hange yotagi o tonaka ma kakaahaka gea de o akere ko amakeua.

Huhupu 19:11

Ho de ma wange hangeoka de gea ona mata-mata yomahidiaioka angamoi duru o wange gea Ngohi touti o Sinai ma lokuku naa. De ona mata-mata yohimanga o lokuino la ihimake ma oraha touti o lokuku naa.

Huhupu 19:15

De wahingahu onangika wato, “Kiani ngini mata-mata nimatingaka Ma Jouika la ma wange ma hangeoka ka idadi nimahuba Ma Jouika ho ngaro niilakoka ma ko tinihigunoauahi nimaidu de nia fekata.” Hokogea wahuloko ho ona yomahidiai.

Huhupu 5:3

De manga horomati o Harunu de o Musa ihigalioli unangika ato, “Mia koano hokonaa, Ma Jou gea abe ngomi o Ibarani ma nyawa mimahuba-huba Unangika. De gea Una ma hirete abe woboa womihuloko ngomino. Ho naa mimagahoko ngonaika la ngaro o wange hangeino dika ma dodagi iti ngomi o tonaka ma kakaahaika mihihononga miloikoka angamoi hokogea Ma Jou o Yawe womihuloko la mimahuba Unangika genangoka. Abe nako ngomi ko wiwihingounua ai huhulokika gea done womihohowono de o panyake eko de o humaranga.” Hokogea de manga horomati yomagahoko o Firaunika.

Gegetongo 10:33

Ho hokogea o Isiraele ma nyawa Ma Jou o Yawe ai loku yanoa de gea yoiki o wange hangeino ma dekana. De manga dodagi ma hiaturu kiani ona abe yao Ma Jou ai Behehongo ma Peti ona ma himangoka yahihira-hira manga dodagi ma ngekomika. De ona abe yatobamoku-moku Ma Jou ai Behehongo ma Peti Ma Jou o Yawe wapake ona la yahidumutu onangika abe o kiaka ma ngi yomatogumu la yomahiaini.

Matiusu 17:23

De gea ihihohonengoka masara ma futu hange ipahaika de ahao tomomikoli ahi honengino.” De ona iwinii-niiki duru to ona manga hininga ihuha ma titi ai demo gea abe womahingahuoka.

Lukasa 13:32

De o Yesusu wapaluhu onangika wato, “Ngini niloiki o Herodesika gea abe wotobabudi o nyawa de niwihingahu unangika abe Ngohi nagahi ahi karajaanga nenangoka. Ho ma oraha naa de tohigila-gilahi abe o tokata takokititoko de o nyawa manga popanyakeino tahitogumu. De ahao naga ma oraha ahi gahe adono de ahi karajaanga ka idadi tamata, de ahao ma oraha gea de tanoa o Herodese ai tonaka.

1 Korintusu 15:4

De Una wohonengoka de ahao iwilungunu, de ipaha ai wange hange de womomiki ai lungunino, de genangoli idadi hoka ma dihira Ma Jou ai Demo-demoka ihitulihukuoka.

Yosua 1:11

Ho wahuloko onangika wato, “Ngini o dimo-dimono kiani niatutumu ti ngini nia kokawaaha mata-mataika nia doomu homoi-homoiika. De niahingahu onangika hokonaa, niato, ‘Itigioka hosobo ho mata-mata abe ngini niperelu nimahidiai. Ho ngini kiani ma oraha naa nimahidiaioka hiadono nia bilaonoo ibooto angamoi hangeoka dika de ngone hosobo o Yorodani ma akerika la ahao ka idadi homahihora hotobongo doka ma honongaika! Naa adonoka ma oraha abe ngini ka idadi nimahitingini ma tonaka gea abe Ma Jou o Yawe, ti ngini nia Jou, winihidoakoka nginika.’ Hokogea ngini o dimo-dimono niahingahu nia nyawaika la ma oraha hosobo de ona mata-mataika kiani yomahidiaioka.” Hokogea o Yosua ai behehongo o Isiraele ma nyawaika abe kiani ona manga dimo-dimonoli yadofangoli manga doomu homoi-homoiika.

1 Samuele 26:13

Ho o Dautu de o Abisai yohupuikaka de ahao yodoa o lokuiye abe ma dodogumu ma ngi ma daanoka, ho yomakitingaka hatoli ma gurutika.