De Ma Jou wopaluhu o Abarahaamika wato, “Ani gogahoko todafongo masara ngoni fekata o ngo Sara ahao munangino ngona nimake ani ngofaka abe tonihibehehongoka, tato ani ngofaka ahao namake, de una gea kiani nihiromanga o Isaka. De abe tonihibehehongo ngonaika gea idadi ahi behehongo o Isakikali, de itagi to una ai totoforauku mata-mataikali abe gea o behehongo ka hiado-adonika onangoka.
Dodadi 22:2 - Ma Jou ai Demo-demo o Totobelohoka2 De Ma Jou wihibehehongo wato, “Abarahaama, Ngohi togahoko la ngona nile ani ngofaka o Isaka, ani ngofaka o goduuru ka womatengo dika, abe ngona duru nidora. De ahao ngona dika niao o Moria ma tonakika, de naga o loku moi genangoka ahao tonihidumutu. De o lokuoka gea niaika de ahao ma tubuoka ani ngofaka nihihuba Ngohiye iharo-harongo.” Hokogea Ma Jou ai behehongo o Abarahaamika. အခန်းကိုကြည့်ပါ။ |
Dodadi 22:2
18 ပူးပေါင်းရင်းမြစ်များ
De ahao Ma Jou wihingahu o Abarahaamika wato, “Ngaro ufa ani hininga ihuha, de ngaro ufa nato gea duru itorou abe ngoni fekata monihuloko nodiai ani ngofaka o goduuruika gea de ngoi memeika. Ngona nomihigihene dika o ngo Sara ami demoika, abe muna mato ani gilaongo o ngofeka gea de ani ngofaka munangino kiani yahinooto nahihupu nginioka. Angamoi ngona ahao o Isakino dika namake ani dano-danonguku abe tahiromanga ani totoforauku idodutu.
De ma dawangeino ka o ngoru-ngoruminohi o Abarahaama womomiki de ai keledai wohidiai la ka idadi o huhuba ma gota wohibarene ma poretuku. De ai gilaongo yahinooto de ai ngofaka o Isaka wahokino. De ahao o gota wapelaka abe ahao wapake la ai huhuba wohiharongo. Ho mata-mata gea wodiai ibooto de ahao yosobo, o Abarahaama, o Isaka, de ai gilaongo yahinooto gea. De yoiki genangika abe Ma Jou wihingahuoka wato kiani genangoka womahihuba ai ngofaka.
Gea yokokihupu ibooto de o Nuhi womahohiningaiye wato womahuba Ma Jouiye ho wodiai manga huhuba ma ngi. Ho o huhuba ma ngi gea wodiai ibooto de ahao o aewani de o totaleo abe ka ma dihirainohi de Ma Jou o Yawe wato ka idadi yomahihuba, enangino naga wairikino o fara amomoiino. De o totaleo de o aewani mata-mata abe wairikino de gea ahao waharongo ka hiadono itinoka la ena gea womahihuba Ma Jouiye.
De ahao o Moaba manga koano wile to una ma hirete ai ngofaka o riaka abe tanu una ahao wituruuru ai baba de wodadi manga koano. Ho wiao ai ngofaka gea o kota ma dadaduhu ma lokuiye de genangoka wihidadi o huhuba iharo-harongo. De ma koano ai ngofaka gea wohonenge ipahaino de ahao naga o dohata duru ma amoko abe ihidumutu o Isiraele ma nyawaika. Ho ona yomadohuku dika de yogilio to ona ma hirete manga tonakika.
De ma dihiraino de o Dautu, abe o Saloomo ai baba, Ma Jou ai Tau ma ngi wairikoka de wohidiaioka. Ma ngi gea naga o Yerusaleeme ma kota ma goronaka abe o loku ma tubuoka de gea ma romanga o Moria ma loku. Abe duru genangoka Ma Jou o Yawe womahimatoko o Dautika. De duru ma oraha gea naga o Yebusi ma nyawa ai romanga o Arauna wapake ma ngi gea la genangoka ai gandumu warero.
Ekola o domba ma nauru abe o dutu duru isana, marai gea ka idadi homahihuba la ahao wonasanangi ngoneino? De o saitunu ma minya kohaamoko ka idadi hogopoauku o huhuba ma ngiuku hiadono ihahurika ngade-ngade hoka o nguihi ma tonakika. De marai kiani nanga ngofaka duru ma riaka hahidoaka Unangika la yodadi nanga ngongoluku ma hibalaha, abe nanga badanga ma hofoko gea kiani haturuuru la nanga howono Unangika waofioka. Bote hokogea kiani homahihuba Unangika la ahao nanga Jou wonadafongoli.
De ngone ka idadi hohioriki abe Ma Jou Una duru ko womadumungua ma utumu eko ma duduhunu o kia dika ngoneino abe gea ena hoperelu la howango Unangika. De gea hohioriki abe Una ko womadumungua angamoi barikua to Una ma hirete ai Ngofaka ma ko womadumungua. Masara ai Ngofaka gea wahidoakika o nyawaika la iwihohonenge la wonaturuuru ngone mata-mata. Ho nako ai Ngofaka de ko womadumungua, gea iwihitaanoka abe o duduhunu eko ma utumu utuinoli o kia dika ma wosanangi la genangoo ka wonahidoaka dika ngoneino.
De mangale o Abarahaama wingaku Ma Jouika ho wihidoaka ai ngofaka o Isaka la wato wodadi o huhuba Unangiye abe ma oraha Ma Jou witaili o Abarahaamika. De masara ma dihiraino abe ko witailuahi o Abarahaama de Ma Jou wihibehehongokau unangika ma titi ai ngofaka o Isaka, abe Ma Jou wato, “Ahao ani totoforauku idodutu mata-mataika yomakokiboa o Isakino.” De Ma Jou ai behehongo ma demo gea ihidumutu o Abarahaama ai ngofaka womatengoika dika. De gea o Abarahaama wosanangi wodafongo Ma Jou ai behehongo gea unangika. De ahao ngaro Ma Jou wihuloko unangika wato kiani ai ngofaka womatengo gea wihidadi ai huhuba masara ka idadi o Abarahaama wihingounu ma titi ai ngongakuino.
De ngohi tonihibehehongo ahi hidoaka Ngonaika. Abe ka de o Amono ma nyawa tahikalaka de ahao ngohi mia lolaku ma ngioka de taino de ahao tomahihuba Ngonaika ena abe ihira ahi tauino ihupu la ihibuhuku ma oraha toboa. Ho ena gea ihira ihupu ahi tauino idadi ahi huhuba iharo-harongo Ngonaiye.” Hokogea o Yefata ai behehongo ma demo Ma Jouiye.
ကြော်ငြာတွေ