Dodadi 22:16 - Ma Jou ai Demo-demo o Totobelohoka

¹⁶ De wato, “Abarahaama, Ngohi naa tagou-goungu ahi demoino abe Ngohi naa tomafetongo Ngohi Ma Jou o Yawe de ahi kuaha naga mata-mataika. Ho ahi behehongo ngonaika naa duru tagou-goungu mangale ani ngofaka ko nomadumungua ngaro ka womatengo dika, masara nato nohihidoaka dika Ngohino.

Dodadi 22:16 ပူးပေါင်းရင်းမြစ်များ

Dodadi 12:2

Ngohi ahao tonihidadi la ngona o nyawa manga ngoe manga dutu, Ho ani totoforauku duru yowoe-woeuku, De tonihidoaka ma owa ngonaika. Todiai la o nyawa manga ngoe inihioriki de inihigiriiri, De ngonaino o nyawa utu ahao yamake ma owa.

Dodadi 22:12

De o malaekata wihingahu wato, “Abarahaama, ufa nitoma ani ngofaka gea, de ufa nidodoaika naga angamoi naa de tonihiorikoka abe ani horomati naga Ma Jouika hiadono duru nihingounu. Abe ngaro ani ngofaka ka womatengo dika, masara ko nitumungua nato nohihidoaka dika Ngohino.”

Dodadi 22:15

De Ma Jou o Yawe ai malaekata daku o dihanguku wiahokoli o Abarahaamuku abe naa ma hinooto wiahoko.

Dodadi 22:2

De Ma Jou wihibehehongo wato, “Abarahaama, Ngohi togahoko la ngona nile ani ngofaka o Isaka, ani ngofaka o goduuru ka womatengo dika, abe ngona duru nidora. De ahao ngona dika niao o Moria ma tonakika, de naga o loku moi genangoka ahao tonihidumutu. De o lokuoka gea niaika de ahao ma tubuoka ani ngofaka nihihuba Ngohiye iharo-harongo.” Hokogea Ma Jou ai behehongo o Abarahaamika.

Dodadi 26:3

De Ngohi toigo la nenangoka dika nogogere de Ngohi toniniiki de tonihiowa o tonakoka naa. Angamoi o Kanani ma tonaka mata-mataika naa ahao tonihidoaka ngonaika de ani totoforaukuikaoo tahidoaka abe ahi behehongo ani baba o Abarahaamika kiani idadi imaketero abe hoka ma dodihiraka tihibehehongoka de o dodunguu ma gou-goungu.

Dodadi 26:5

De ma owa gea yamake angamoi ani baba o Abarahaama wohihingounu Ngohi. Abe ngaro ahi hiaturu, de ahi huhuloko, de ahi behehongo unangika, de ahi pareta mata-mataika ma una woigo waniiki abe iti to Ngohi ahi demo mata-mata de una ka wohihigihene.” Hokogea Ma Jou ai demo o Isakika.

Higiriiri 105:9

De naga Ma Jou ai behehongo moi nanga toforaika o Abarahaamika, De ai behehongo gea womahitaana de o koboto ma behehongo o Isakika,

Huhupu 17:16

De wotemo wato, “Hokogea tohiromanga mangale ma titi naga nanga giama hagorakiye de o gogahoko Ma Jou o Yawe ai kaderaiye. De Ma Jou o Yawe waparangi o Amaleke ma nyawaika ka hiadono de manga lape-lapeuku ahao waparangi.” Hokogea o Musa ai horomati ma demo Ma Jou o Yaweiye.

Huhupu 2:24

De manga gogahoko gea Ma Jou wagihene de ko wawohangua manga gogahoko. De ai behehongoo ko wawohangua abe ma dihira wahibehehongoka o Abarahaamika, o Isakika, de o Yakubika.

Huhupu 32:13

Kiani Ngona nahininga ma dihiraino ona ani dodiawo abe inileleani Ngonaika gea o Abarahaama, o Isaka, de o Yakubu. Onangika nahibehehongokau, nato ahao nahidoaka onangika manga totoforauku duru ko manga ngoe hiadono hoka o murumu o dihangoka manga ngoe. De nahibehehongoli onangika o tonaka abe nato o Kanani ma tonaka enangoo nahidoaka manga totoforauku de gea idadi to ona manga tonaka ka hiado-adonika. Ho done sarakia ani behehongo onangika nawohanga dika?”