Dodadi 22:14 - Ma Jou ai Demo-demo o Totobelohoka

¹⁴ De o Abarahaama wato, “O ngi naa tohiromanga Ma Jou o Yawe Wohidodailako.” Ho gea ma titi hiadono ma oraha naa o nyawa ka ihiromangohi ato, “Ma Jou o Yawe ai lokuoka ahao ka wohidodailakokali.”

Dodadi 22:14 ပူးပေါင်းရင်းမြစ်များ

Dodadi 22:13

Ka de o malaekata wotemo ibooto de o Abarahaama womadogilioro ai poretoko de wamake o domba ma nauru o takeoka, ma tataduku ilaketika. Ho waleino ma domba gea de ahao womahihuba, angamoi ai ngofaka ai duruuru o domba gea.

Dodadi 22:15

De Ma Jou o Yawe ai malaekata daku o dihanguku wiahokoli o Abarahaamuku abe naa ma hinooto wiahoko.

Dodadi 22:8

De o Abarahaama wopaluhu wato, “Ahi ngofaka, Ma Jou ahao Una dika wonahidailako o domba ma ngofaka abe ka idadi homahihuba Unangiye.” De yogila-gila yomakiniikoli.

Dodadi 28:19

De ma ngi gea wohiromangoli, “Ma Jou ai Tau,” abe to ona manga demo o Betele. Hokogea wohiromanga ngaro ma dihiraino de ma kota gea nagau moi ma romanga o Luusu.

Dodadi 32:30

De ahao o Yakubu wato, “Ma ngi naa tohiromanga, ‘Ma Jou ai Himanga’ angamoi abeika, ngohi naa de Ma Jou mimarihimanga de ngaro hokogea masara ngohi ka towangohi!” O hiromanga Ma Jou ai Himanga, nako to ona manga demo, gea “o Penuele.”

1 Kokoano 17:8

De ahao Ma Jou o Yawe wihingahu o Eliaika wato,

Huhupu 17:15

De o Musa ahao o huhuba ma ngi wodiai genangoka de manga huhuba ma ngi gea wohiromanga: “Ma Jou o Yawe, Una to ngohi ahi Hilaku ma Bendera.”

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

Higalioli 32:36

De ahao Ngohi Ma Jou o Yawe tahibalaha la ahi nyawa ka idadi o totiai yamake, de ahi hininga ma dora ma hiokoo itagi ahi nyawaika. Abe ma oraha gea Ngohi tomalega onangika de tamake abe ko yomangakunokaua, de ona gea duru yohutuloka, abe ngaro o gilaongo ma nyawa eko ona abe ko o gilaongua, masara ngade-ngade yohotumoka mata-mata.”

1 Timotiusu 3:16

De naa o nyanyianga moi abe to ena ma demo o nyawa ko moiua la yodimoaka. Abe ma nyanyianga naa inahitararono hokokia ma hohailoa Ma Jou ai dodotoko abe naa ma duru wonahimatoko ngoneino. De hokonaa ma nyanyianga ma demo. Ai rupa o nyawa woboaino, De ai wowango o malaekata yolega-lega, Ai totiai Ma Jou o Womaha wihitaana, De ai abari ihihora onangika ko iwihiorikuahi Ma Jou la onangoo ka idadi yoihene, Ai dodotoko o dunia ma nyawa yangaku, De wosobo daku o Horogaiye wogoraka.

Hihira 6:24

De o Gideono wodiai o huhuba ma ngi genangoka de widingakika Ma Jou o Yaweika. De o huhuba ma ngi gea wohiromanga “O Dame Ma Jou o Yaweoka de Aino.” De ma oraha o ade-ade naa yatulihi o huhuba ma ngi gea nagahi o Ofara ma kapongoka abe ona yomahidutu o Abiesere ai doomuika.

1 Samuele 29:10

Ho koaho itebini duru o ngoru-ngorumino abe ko itawangeuahi de ngini nimahidiai la nisobo. De ipaha ka de itawangeoka de ahao ngona de ani nyawa mata-mata nisobo nilio nia dumutika.”

1 Samuele 7:12

De ahao o Samuele wairiki o hakaru ma amoko moi de ena gea wohibelohuku la imaokoiye o kota hinooto ma hidogoronaka abe o Misapa ma kota de o Sene ma kota ma hidogoronaka la idadi o hohininga moi ma titi Ma Jou o Yawe ai duduhunu onangika. De o hohininga ma hakaru gea wohiromanga o Eben-Haesara abe ma titi wohitararono, wato, “Ma Jou o Yawe wonaduhunu ka hiadono ma oraha naa!”