Dodadi 22:13 - Ma Jou ai Demo-demo o Totobelohoka

¹³ Ka de o malaekata wotemo ibooto de o Abarahaama womadogilioro ai poretoko de wamake o domba ma nauru o takeoka, ma tataduku ilaketika. Ho waleino ma domba gea de ahao womahihuba, angamoi ai ngofaka ai duruuru o domba gea.

Dodadi 22:13 ပူးပေါင်းရင်းမြစ်များ

Dodadi 22:12

De o malaekata wihingahu wato, “Abarahaama, ufa nitoma ani ngofaka gea, de ufa nidodoaika naga angamoi naa de tonihiorikoka abe ani horomati naga Ma Jouika hiadono duru nihingounu. Abe ngaro ani ngofaka ka womatengo dika, masara ko nitumungua nato nohihidoaka dika Ngohino.”

Dodadi 22:14

De o Abarahaama wato, “O ngi naa tohiromanga Ma Jou o Yawe Wohidodailako.” Ho gea ma titi hiadono ma oraha naa o nyawa ka ihiromangohi ato, “Ma Jou o Yawe ai lokuoka ahao ka wohidodailakokali.”

Dodadi 22:8

De o Abarahaama wopaluhu wato, “Ahi ngofaka, Ma Jou ahao Una dika wonahidailako o domba ma ngofaka abe ka idadi homahihuba Unangiye.” De yogila-gila yomakiniikoli.

1 Korintusu 10:13

Ho ngini koaho nimahinganono abe ma dadaili mata-mata niohimanga, de gea duru imakadaene dika abe hoka ngone o nyawa mata-mata hohimanga. Moioo de ko iwa ma dadaili abe ka ngini dika inidaene. De ngini ka idadi nimahinganono Ma Jouika, angamoi Una gea watobagou-goungu de Una wohibehehongoka wato winiduhunu. Abe wato nako o dadaili o kia dika niohimanga, gea ko wohigunoaua ma dadaili gea inihikala done ko niakunua nimatongohono. De ma ngekomo ma hoanika ahao winihidailako la ngini ka idadi nihupu nia dadailino la ufa genangoka de niruba.