Masara manga demo gea o Loti ko wosanangiua ho ona waribuutu wato, “Duru ko idadiua nimaidu o loaka. Ngini kiani nihiniiki ngohi la nimaidu ahi tauoka.” Ho ona ahao iwiniiki o Loti ai tauika de genangoka ai nyawa wahuloko la o roti ko iwa ma ragi yahinaanga de o inomo utu yahakai. Ho naga manga inomo duru ma ngoe wahidiaiuku de ahao yolomo.
Dodadi 21:8 - Ma Jou ai Demo-demo o Totobelohoka8 De o ngofaka gea wolamoko hiadono ko mihuhuokaua. De ma titi wolamokoka gea o Abarahaama wohirame-rame ho wahuloko ai nyawaika la o inomo duru kohaamoko yohakai. Abe o wange gea o Isaka o ngo Sara mitingakoka. အခန်းကိုကြည့်ပါ။ |
Dodadi 21:8
16 ပူးပေါင်းရင်းမြစ်များ
Sarakia, ma dihira naga o nyawa iwilaru o Abarahaamika ato, ‘O ngo Sara ahao naga ami ngofaka abe muna ma hirete ka idadi mihuhu.’ Duru ko moiua ka idadi yofikiri ahao idadi hokonaa! Masara abeika, ahi rokata naa iwiperekioka de ngohi ma hirete ka idadi tihidoaka ai ngofaka abe tihuhu naa.” Hokogea o ngo Sara ami garago ma demo.
De idadi duru imaketero hoka o Yusupu wahingahuoka abe o wange hange ipaha de adonoka ma hohininga ma wange gea abe o Firaunu womaboa de wato ai wange gea wohirame-rame. Ho o inomo duru iwoe yodiai de ahao ona abe yokarajaanga ai tauoka de ona yokokurutiye mata-mataika abe iwiduhunu manga kokawaaha yahipareta, ona gea wakokiahokino la yolomo yorame-rame. De wahuloko ai gogoanika la yahinooto abe yahibaluhu ona iwileleani to una ai akere de ai inomo, onangoo kiani naga ai rame-rameoka ho o bui ma tauoka yale.
De gea Ma Jou o Yawe wotemo ibooto de ahao o Saloomo womamaoino de wohioriki abe Ma Jou witemo unangika ai buluhara ma goronaka. Ho una wolio o Yerusaleeme ma kotaiye de wale o huhuba ma ngoe. De ma huhuba gea wao Ma Jou ai Petika de gea ma himangoka womaokoino de womahihuba ai huhuba gea. Abe utu ma huhuba iharo-harongo de utuoli ai dame ma huhuba. De gea ipaha de ahao una wahokino ai nyawa mata-mata abe iwileleani unangika de wodiadi o ngolo-ngolomo ma amoko la ona mata-mata yomakutuono yolomo.
De ahao o Simsono ai baba woiki o ngofeka ami tauika la yomakoketemo o Simsono ai gogilaka. De yomahikaaturu ibooto de ahao o Simsono wodiai o ngolo-ngolomo ma amoko de yorame-rame o wange tumidi ma dekana. De hokogea o Simsono waniiki angamoi ma oraha gea manga biaha nako o nauru woila-ilaka kiani wodiai o rame-rame hokogea.
De o Simsono ahao wahingahu ai dodiawoika gea wato, “Abeika naga o gogule ma demo moi abe ngohi toigo tinihingahu nginika de ena gea ahi budi-budi ma demo abe kiani ngini niolingiri ma titi. De ngohi tinihidoaka ma oraha ka hiadono nanga ngolo-ngolomo ma bahaika ho naga o wange tumidino ma dekanino nimafikiri hiadono niamake ahi budi-budi ma demo ma titi. De nako niomakeoka to ena ma titi abe duru niataanoka de ngohi ahao tinihidoaka nginika o baju ma lawe ma alu-aluhu moruange de utuohi o rame-rame ma baju ma rorahai enangoo moruange abe tinihidoaka nginika la hiadono ngini mata-mata niamake nia baju ahohinooto homoi-homoiika.
De o ngo Hana momagoo-gogere dika manga tauoka angamoi muna mihingahu ami rokatika mato, “Ekana, marai ngohi ko toikuahi hiadono ma oraha adono nanga ngofaka naa tihipidilokahi ahi huhuino de ahao ngohi tiao Ma Jou o Yawe ai himangika ai tauoka. De genangoka ahao kiani o Samuele naa wogogere ka hiadono ai wowango ma bahaika.” Hokogea ami hilooa ma demo ami rokatika.
Ho ipaha o Samuele ai lamoko adono abe ka idadi womatingaka ngoi memeino de ahao o ngo Hana miao Ma Jou o Yawe ai Tauika ngaro una duru ka o ngofakohi. De manga huhuba ma kiahonanga utuoli yao abe naga manga hapi ma nauru ma taongo hange ibooto, de naga o gandumu ma ngedere abe idadioka o tarigu ma alu-aluhu ngade-ngade o supa monaoko de hinooto. De nagali o angguru ma teongo o ngi moi iomanga de manga ngi gea abe manga biaha yodiai o kabingi ma kaiino. De mata-mata gea yao ma oraha ona yoiki Ma Jou o Yawe ai Tauika abe o Silo ma kotaka.
Ho yomakoketemo ipahaino de muna molio ami tauika. De momahiadono de mamake abe ami rokata wodiai o rame-rame ma amoko manga tauoka, de gea duru wohirame-rame imaketero hoka una o koano ma nyawa. De una duru wososanangi de duru iwidalukoka. Ho ma futu gea de ngoi fekata ko kia-kiaua moade-ade unangika.
ကြော်ငြာတွေ