Dodadi 21:28 - Ma Jou ai Demo-demo o Totobelohoka

²⁸ De ahao o Abarahaama watingaka ai domba utuohi abe o domba ma ngofaka ma beka o gahumu tumidi. De ma domba tumidi gea ko wohisapurua de ai hidoaka utu.

Dodadi 21:28 ပူးပေါင်းရင်းမြစ်များ

Dodadi 21:27

Ho gea o koano o Abimeleke de o Abarahaama yomahiketehibehehongo la yomakao irahai de o dame. De o Abarahaama wahuloko ai nyawaika la yairikino muruono naga ai hapi ai duduonino de ai dombaoo ai duduonino de ahao ena gea wihidoaka o Abimelekika. De o Abarahaama ai hidoaka gea idadi manga behehongo ma dodunguu yagou-goungu.

Dodadi 21:29

De ahao o koano o Abimeleke wileha o Abarahaamika wato, “O kia ma titi o domba ma ngofaka tumidi naa abe natingakino? Kiani nohihitararono la tohioriki ma titi.”

Dodadi 21:30

De o Abarahaama wipaluhu wato, “Ma titi ahi humu. Abe ngohi toigo o domba tumidi naa idadi o dodunguu abe ngona nohingaku tagoungu o humu naa ngohi tofaiti. Ho o domba tumidi naa kiani nomale la gea ahi demo nohitunguu ma gou-goungu. Hokogea todiai angamoi toigo la ngona nohingaku de nosanangi ngohino de ahi nyawaika nato itiai o humuino naa ngomi mimahionoko.” Hokogea o Abarahaama ai hininga womahingahu.