Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Dodadi 21:23 - Ma Jou ai Demo-demo o Totobelohoka

23 De o Abimeleke wotemo wohigila-gila wato, “Hobata, ngona nomanoa ahi tonakoka naa hoka o homoaino ma nyawa de ngomi miniao irahai. Ho ngohi togahoko la ngona nohihibehehongo ngohino, de kiani Ma Jouikaoo nihibehehongo. Abe ani demo hokonaa nato, ‘Ngohi o Abarahaama tagou-goungu tihibehehongo o Abimelekika tato una de ai ngofa-ngofaka hiadono ai totoforauku ka ihikaika ko tabudiua de tao irahai abe imaketero hoka onangoo ma dihirainohi de ihiao irahai ngohi naa.’” Hokogea o Abimeleke ai demo o Abarahaamika.

အခန်းကိုကြည့်ပါ။ ကော်ပီ




Dodadi 21:23
19 ပူးပေါင်းရင်းမြစ်များ  

Ho ai demo gea woihene ibooto de ahao o Abimeleke waleino o domba de o hapi ma ngoe de wihidoaka o Abarahaamika. De naga to una ai huhuloko o nau-nauru de o ngo-ngofeka de onangoo wihidoaka unangika la ona iwileleani o Abarahaama dika. O koano ai hidoaka ma amoko hokogea de ahao o ngo Sara womihigilio o Abarahaamika.


De o Abarahaama wipaluhu wato, “Ngohi ani behehongo hokogea tohimoteke todiai.”


De kiani notemo de Ma Jou o Yawe ai romanga napake, abe Una o dunia de o Horoga mata-mataika wapareta. Abe kiani nohihibehehongo ngohino ahao ahi ngofaka o Isaka kiani nilingiri ngoi fekata. De ngaro ngone hogogere o Kanani ma tonakoka ma, ko idadiua o Kanani ma nyawaino nilingiri ngoi fekata.


De ona yopaluhu o Isakika ato, “Hokonaa mia dodiawo, ngaro ma dihiraino ma, duru itararono Ma Jou o Yawe ka ihikaika woniniiki. Ho ngomi naa minitutumu miato kiani ngone homahiketehibehehongo de ma dodunguu abe haborigou-goungu ngomi de ngini la ko iwa ma oraha homaketeruwae la o dame dika hapaliara.


Ho kiani ngone naa homakadame de kiani de nanga behehongo ma dodunguu la gea ko hawohangua abe homahiketehibehehongokau ngaro hokokia ma dekana howango ma ko hawohangua.”


De naa ahi koboto ma demo tapake la tonagahoko o kangela Ma Jouino nako hatilakuru nanga behehongo naa. De Ma Jou gea Una abe to ngona ani ete o Abarahaama de to ngohi ahi ete o Nahoro yomahijou Unangika, gea Una ahao wonahohowono nako hatilakuru nanga batingi.” Hokogea o Labana ai koboto. Ho o Yakubu unangoo wokoboto wato “Ngohioo duru de ahi horomati ahi baba o Isaka ai Jouika ho ngohioo totemo to Una ai himangoka ka idadi wohihohowono nako ngohi nanga batingi naa tatilakuru.”


De itararono o Potifarika abe Ma Jou o Yawe naga o Yusupoka de ma titi widuhunu o Yusupika hiadono ngaro ai karajaanga o kia dika ma duru irahai.


Masara o Yakubu wotemoli wato, “Masara, kiani nohihibehehongo nagou-goungu de ma dodunguuoka!” Ho o Yusupu duru wihibehehongo ai babaika de o behehongo ma demo ma gou-goungu ma dodunguu. De ahao o Yakubu womaponuku abe ma oraha womaokoino womatukunuku.


De abe nengokadauino de igoungu naga ahi hidee la tinitutumu, ho naa tinihingahu nginika ma titi o kia idadi ngohino hiadono ko tinitutumua. De naa ngohi tohibehehongo de tafetongo Ma Jou ai romanga abe Una ma hirete wodadi to ngohi ahi hakihii abe ngohi ko tinielukua. Ho ngohi duru tagou-goungu abe ahi demo nginika. Ho naa tomahingahu tato ngohi ko tolioua nginika angamoi tato done ngohi duru tinitaere nginika de o dodaere ma dubuho. Angamoi ngohi tomahioriki abe nako ma oraha gea toboa nginika de ahao duru tinitaere, ho tomaputuhu la ngarouahi toboa tinitutumu ngini o Korintusoka done tinihitubuho nginika. De abe ma titi gea duru ko tinielukua.


De hokogenangoo de Ma Jou ai behehongo abe wonahibehehongoka ngoneino. De ngone ka idadi duru hohioriki abe Una ahao wohingodumu ai behehongo gea ngoneino. De gea ka idadi tohitararono hokonaa. Abe nako hoka ngone o nyawa homahiketehibehehongo, gea to ngone ma hirete nanga romanga ko homafetongua, masara abe hofetongo, gea kiani o romanga abe enangohi duru ikurutiye. De nako ma romanga abe ikokurutiye de gea ena hofetongoka, de gea ibootokau ma behehongo angamoi gea ena ko idadiokaua haturuuru eko hawohanga ma behehongika.


Ho naa ngohi duru tomagahoko nginika la nihihibehehongo ngohino de nia koboto ma demo la ufa nihieluku ngohino. Abe kiani nimagahoko Ma Jou o Yaweika la ngini niamake o hohowono Unangino nako ngini nihieluku ngohino. Hokogea ngohi tomigahoko ngohi de ahi tau ka ma moi la nimiduhunu. De abeika ngohi ahi dora ma hiokoo itagi nginika hiadono tiniduhunu la ufa inibodito ho hiadono itiai nginioo de nia dora ma hiokoo nimiduhunu ngohi de ahi baba de ngohi meme de ahi ria-dodoto de to ona manga ngofa-ngofaka. Iti ka to ngohi ahi dutu de ngini nimiduhunu la ma oraha ngini o Isiraele ma nyawa niboa de ufa hiadono ngomioo nimitoma! Ho ngohi duru tomagahoko la nihihibehehongo de o behehongo ma gou-goungu ma dodunguu.” Hokogea o ngo Rahaba momagahoko o nauru yahinootoika gea.


Masara nako una ahao duru wongamo de ahao tihioriki woigo wohiaturu ma ngekomo la wapake o nyawa utuino la ona inihohonenge. De nako hokogea ai hininga ngohi duru tagou-goungu ahao tonihitiari la ka idadi noara la ufa nohonenge. De ahi behehongo ma demo naa ka idadi ngona nangaku angamoi ngohi naa tomahikoboto abe tomagahoko la Ma Jou o Yawe wohihohonenge ngohi nako ko toniduhunua tonihitiari. De naa tonigahoko la Ma Jou o Yawe ka ihikaika woniniiki ngona imaketero hoka ma dihira Una winiiki ahi baba.


De ahao o Yonatana womagahokoli o Dautika wato, “Olo, done ngone ko homakamakeokauali ho naa togahoko la ngona nohihibehehongoli de ani dora ngohino la ani behehongo ma demo imaketero hoka ma dodihiraka ngone homahiketehibehehongoka.” Hokogea o Yonatana angamoi widora o Dautika imaketero to una ma hirete ai roehe wodora.


De ma bahaika o Yonatana wihingahu o Dautika wato, “Ngaro naa noiki ma tonigahoko la ani hininga Ma Jou o Yawe wonihiriidi. De ngohi hokogea tonigahoko ma owa angamoi ngone ma dodihiraino homaketedodiawo homahiketehibehehongoka de Ma Jou o Yawe ai romanga. Abe nanga behehongo ma demo naga la nanga ngofa-ngofaka de nanga dano-danonguku ka imahikauku yaniiki nanga behehongo gea.” Hokogea manga dodiawo ma behehongo ihigalioli de ahao o Dautu wosobo woara de o Yonatana wolio ai tauika o kotaka.


Ho o Dautu wilehali unangika wato, “Sarakia, ka idadi ngona nohihihira-hira la ka idadi tadaene ona gea abe yatobabaata o nyawaika?” De una ma goduuru wopaluhu wato, “Iya, ka idadi, iti ngona nomahikoboto de napake Ma Jou ai romanga abe nohihibehehongo la ufa nohitoma de ufa hiadono nohihigilio ahi dutuika. De nako hokogea nomahikoboto de ahao ka idadi ngohi tonihihira-hira hiadono hadaene ona gea.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ