Dodadi 21:14 - Ma Jou ai Demo-demo o Totobelohoka

¹⁴ Ho duru o ngoru-ngorumino o Abarahaama womomiki de wahidiai manga bilaono de manga akere ma ngi o aewani ma kaiino, ho o ngo Hagara ami belekauku wohilaketuku. Hokogea wahibilaono onangika de ahao wahingahu wato, “Kiani naa ngini niloiki.” Ho yosoboka o ngo Hagara de o Isimaele de ahao manga dodagi ma goronaka yaino yaika o tonaka ma kakaahaka abe ihiromanga o Bereseba ma tonaka ma kakaahaka.

Dodadi 21:14 ပူးပေါင်းရင်းမြစ်များ

Dodadi 16:7

De moiki o tonaka ma kakaahaika hiadono mamake o akere abe ipooteke o tonakino. Abe ma dihira o nyawa yobaakino ho gea idadi hoka o humu. De ma akere gea duru ma ngekomo ma datekoka abe o nyawa yaniiki nako yoiki o Siurika. Ho muna naga o akere gea ma datekoka momahiainuku de naga Ma Jou o Yawe ai malaekata womatengo munangino woboa.

Dodadi 19:27

De ma dawangeino duru o ngoru-ngorumino de o Abarahaama womomiki de woiki manga dingiika abe kanugono una de Ma Jou o Yawe yomakoketemo genangoka.

Dodadi 21:13

De angamoi ani gilaongo ami ngofaka o Isimaele gea, unangoo to ngona ani ngofaka, ho ahao unangoo tihidadi o nyawa utu ko manga ngoe manga dutu.” Hokogea Ma Jou wihigaro o Abarahaamika la waniiki o ngo Sara ami hininga.

Dodadi 21:15

Ka de manga akere yamataka de duru o ngo Hagara ami hininga ihuha de o Isimaele mifofongo o ruruubu moi ma timiuku.

Dodadi 21:31

Ho o Abimeleke wodafongo ma domba tumidi gea de ahao una de o Abarahaama yomahiketehibehehongoka la ko yomaketeruwaeokaua. Ho gea ma titi ma ngi gea ihiromanga o Bereseba angamoi ma romanga gea ma titi o demo ma gou-goungu abe de ma dodunguuoka.

Dodadi 21:33

De genangoka o Beresebaka o Abarahaama wodatomo o gota moi ma romanga o Tamarisi la wohitunguu ma ngi genangoka wihigiriiri Ma Jou o Yaweiye, abe ma titi Una Ma Jou Wowango ka Hiado-adonika.

Dodadi 22:19

De ipaha o Abarahaama de o Isaka yolio manga gilaongika de ahao yosoboli yaiata gea yolio manga tauika o Bereseba ma tonakika de genangoka yogogerohi ma dekana.

Dodadi 22:3

De ma dawangeino ka o ngoru-ngoruminohi o Abarahaama womomiki de ai keledai wohidiai la ka idadi o huhuba ma gota wohibarene ma poretuku. De ai gilaongo yahinooto de ai ngofaka o Isaka wahokino. De ahao o gota wapelaka abe ahao wapake la ai huhuba wohiharongo. Ho mata-mata gea wodiai ibooto de ahao yosobo, o Abarahaama, o Isaka, de ai gilaongo yahinooto gea. De yoiki genangika abe Ma Jou wihingahuoka wato kiani genangoka womahihuba ai ngofaka.

Dodadi 24:54

Mata-mata wahidoaka onangika ibooto de ahao wato, “Naa, ka idadi holomo hososanangi.” Ho una de ai dodiawo yolomo de yokere ibooto de ahao yomaidu genangoka. Ka de ma dawangeino yomomiki de una wato yomataiti yosobo yolio ho wahilooa wato, “Ngohi naa tomahilooa, abe tato naa ngomi milio iti nimihigunoa la misobo.”

Dodadi 26:31

De ma dawangeino duru o ngorumino yomahiketehibehehongo la ihitunguu abe duru de manga demo ma gou-goungu. Gea yomahiketehibehehongo ibooto de ahao o Isaka wahigunoa yosobo abe naa manga gogao duru igou-goungu de ma dameoka.

Dodadi 26:33

Ho manga humu gea o Isaka wohiromanga o Seba de hiadono ma oraha naa o kota abe ahao idadi genangoka ihiromanga o Bereseba.

Dodadi 28:18

De una duru o ngoru-ngorumino wagoraka ma hakaru abe gea una womahipangi-pangini de waokoiye la idadi o hohininga ma liate de ahao o minya wale de wogopoa o hakaru ma lokuku la wohitunguu ma hakaru gea watingakoka Ma Jouika.

Dodadi 37:15

Ho o Sikeme ma dolaka womahiadonika de waika waino genangoka walingiri ai ria-riaka ma ko wamakeua. Masara naga womatengo genangoka wimake o Yusupu waika waino de wileha unangika wato, “De ngona o kia nolingiri?”

Dodadi 46:1

Ho o Isiraele wosoboka woiki o Mesiirika ka ma moi de to una ai ngofa-ngofaka. De ai kiahonanga, de ai duduono, de ai nyawa ka ma moi waoka. De gea yotuluikahi o Beresebaka de yomahiaini genangoka. De ai aewani muruono naga wairikino de watoma la womahihuba Ma Jouiye abe ai baba o Isaka to una ai Jouika.

1 Kokoano 19:3

Ka de gea o Elia ami demo woihene de duru womimodongo ho womataiti woara done wohonenge! De ihira woiki Bereseba ma kotaika abe naga o Yehuda ma tonakoka de ai gilaongo winoaika genangoka.

Higiriiri 107:4

Abeika to ngone nanga gogianongoru manga wowango ma dihira, Naga ona abe yaika yaino o tonaka ma kakaahaka, Ko moiua ma kota genangoka abe ka idadi yogogere ma goronaka.

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Yohanese 8:35

Naa o hiketero moi todiai abe o nyawa to ona manga huhuloko de manga ngofaka ma dutu tahikohowono. Abe manga huhuloko gea, nako o tau ma dutu manga hiningaka itemo ato to una ai papakiti manga tauoka atoaka, gea ka idadi atoaka. Masara to ona manga ngofaka ma dutu to una ai papakiti naga abe ko idadiua atoaka angamoi una to ona manga ngofaka ka hiado-adonika.

Yosua 3:1

De duru o ngoru-ngorumino o Yosua de o Isiraele ma nyawa yokokimomiki de ona yosobo ho manga ngi o Sitimi yanoaka de yoiki manga dumutu o Yorodani ma akerika. Masara ko yogila-gilauahi yotobongo o akerika ho yomahitigika dika de genangoka manga tau ihigokokali.

1 Samuele 15:12

Masara ma dawangeino abe ka o ngoru-ngoruminohi de o Samuele wosobo wilingiri o Saulu. De naga o nyawa iwihingahu ato o Saulu wosoboka woiki o Karamelika de wohigoko genangoka o hohininga ma dodunguu la ka idadi o nyawa manga horomati itagi una ma hireteika. De wohigoko ibooto de ahao wogila-gila o Gigalika. Ho gea o Samuele woihene de ahao wogila-gila ai dodagi ma dumutu o Gigalika.