Dodadi 21:13 - Ma Jou ai Demo-demo o Totobelohoka13 De angamoi ani gilaongo ami ngofaka o Isimaele gea, unangoo to ngona ani ngofaka, ho ahao unangoo tihidadi o nyawa utu ko manga ngoe manga dutu.” Hokogea Ma Jou wihigaro o Abarahaamika la waniiki o ngo Sara ami hininga. အခန်းကိုကြည့်ပါ။ |
De naa tonihingahu abe ma titi ani ngofaka o Isimaele. Abe ani gogahoko kangano tonigihenoka de igoungu ahao unangoo tihiowa abe tihidadi la ai ngofaka manga ngoe de ka ihikaika yowoe-woeuku. To una ai ngofa-ngofaka o nau-nauru yangimoi de yahinooto de ona yodadi o nyawa manga dutu homoi-homoiika. De yomahiromanga de o romanga moi dika ngaro manga dutu yangimoi de yahinooto o Isimaele ai totoforauku gea.
Ho duru o ngoru-ngorumino o Abarahaama womomiki de wahidiai manga bilaono de manga akere ma ngi o aewani ma kaiino, ho o ngo Hagara ami belekauku wohilaketuku. Hokogea wahibilaono onangika de ahao wahingahu wato, “Kiani naa ngini niloiki.” Ho yosoboka o ngo Hagara de o Isimaele de ahao manga dodagi ma goronaka yaino yaika o tonaka ma kakaahaka abe ihiromanga o Bereseba ma tonaka ma kakaahaka.