Dodadi 21:11 - Ma Jou ai Demo-demo o Totobelohoka

¹¹ Masara o Abarahaama ai hininga ihuha ma titi ami demo gea angamoi o Isimaele unangoo ai ngofaka.

Dodadi 21:11 ပူးပေါင်းရင်းမြစ်များ

Dodadi 17:18

De ahao o Abarahaama wihininga ai ngofaka o ngo Hagarino de wogahoko Ma Jouika, wato, “Ahi Jou, duru ahi ngofaka o Isimaele tigahoko la wonihisanangi hiadono unangoo nihiowa.”

Dodadi 21:12

De ahao Ma Jou wihingahu o Abarahaamika wato, “Ngaro ufa ani hininga ihuha, de ngaro ufa nato gea duru itorou abe ngoni fekata monihuloko nodiai ani ngofaka o goduuruika gea de ngoi memeika. Ngona nomihigihene dika o ngo Sara ami demoika, abe muna mato ani gilaongo o ngofeka gea de ani ngofaka munangino kiani yahinooto nahihupu nginioka. Angamoi ngona ahao o Isakino dika namake ani dano-danonguku abe tahiromanga ani totoforauku idodutu.

Matiusu 10:37

De Una wotemohi iwinii-niikika wato, “De onagona dika yoigo ihitobanii-niiki Ngohi, ona gea kiani manga dora duru ilamoko Ngohino. Abe ngaro manga dora abe itagi manga dimonika, masara manga dora abe Ngohino kiani ka enangohi ilamoko. De hokogenangoo manga hininga ma dora manga ngofakika. Abe nako manga dora manga ngofakika de manga dora Ngohino masara kiani ka enangohi ilamoko abe itagi Ngohino. Ho nako Ngohino manga dora ko ilamokua nako de manga dutuika, gea ko yagou-goungua ihiniiki Ngohi.”

Ibarani 12:11

De igoungu nako Una wonadotoko ho ngone naga ai dodotoko ma goronaka, gea ngone hamao ko iuwinua masara ma dubuho dika hamao. Masara ma dodotoko gea ipahaino de ahao ihofoko nanga wowangoka o totiai ma datoro abe gea inahidoaka ngoneino o hininga ma miriidi. De gea ena ma hofoko ma rorahai ka idadi hamake nanga dodotokino iti homahigunoa la homadotoko genangino de ufa ko hohigihenua Ma Jou ai dodotokika.