Dodadi 20:6 - Ma Jou ai Demo-demo o Totobelohoka

⁶ De Ma Jou wipaluhu ai buluhara ma goronaka gea wato, “Ngohi tonihioriki abe ngona nagoungu gea nodiai de ani hininga ihohailoa dika. De gea ma titi Ngohi tohiaturu hiadono ko nahowonua Ngohino abe ko tonihigunoaua nomigagao munangika.

Dodadi 20:6 ပူးပေါင်းရင်းမြစ်များ

Dodadi 20:18

Angamoi gea ma dihira Ma Jou o Yawe wodiai manga kokibadangoka la ko idadiokaua manga ngofaka yomamake. De gea mata-mata mangale ma titi hokokia yodiai de o Abarahaama ngoi fekata o ngo Sara.

Dodadi 26:11

Ho ahao o Abimeleke duru wataere ai kokawaahaika abe hokonaa ai demo ona mata-mataika wato, “Onagona dika iwihikangela una abe wonadionikino naa eko ngaro ngoi fekata imihikangela ma gea ahao ona tahohonenge abe yahowono onangika de gea tagou-goungu tahohonenge.” Hokogea o koano wapareta la o Isaka de o ngo Ribeka wadatoko la ufa ai kokawaaha yaruwae.

Dodadi 3:3

Masara igoungu Ma Jou womihibehehongo wato, ‘Bowahu naga o gota moi dika imatotogoronaiye iwango o redioka naa, abe ngini ko idadiua to ena ma hofoko niaolomo done nihonenge. De ngaro niaso ma, ufa done nihonenge.’”

Dodadi 31:7

Masara wohibudi dika abe ngaro wohihibehehongo wato ahi hewa hokonaa de hokonaa wohihidoaka masara hokogenangua wohihidoaka. Abeika, ma ngimoiokau ahi hewa wohigali-gali waturuuru ho ngaro wohihibehehongoka ngohino ma, ko watobagou-goungua. Masara Ma Jou ko wihigunoaua wohihikangela hiadono tohuhaholi.

Dodadi 35:5

De genangoka ona yosobo ma, ko moiua yaparangi. Abe ngaro o tonakoka gea naga ma kota ma ngoe masara o nyawa mata-mataika genangoka Ma Jou duru wahimodongo o Yakubika ho hiadono ko yamoroinua yaparangi.

Dodadi 39:9

Ko iwa moi o tauoka naa manga kuaha abe hoka ngohioli hiadono ai kiahonanga mata-mataika ahi kuahaka. Masara ngona abe ngoi fekata duru ko idadiua toniso. Ho done sarakia ani hininga taniiki hiadono ngohi todiai hokogea duru itorou? Gea duru o howono ma amoko Ma Jouika.” Hokogea o Yusupu womioluku.

Higiriiri 51:4

De angamoi tahowono Ngonaika, duru nomatengoika ngohi tahowonoka. Ani himangoka Ma Jou, ngohi todiaioka abe duru itorouholi. De ahao Ngona Ma Jou nomahitaana abe Ngona duru nototiai, Abe ani hohowono ma demo ngohino duru itaana.

Huhupu 34:24

Nako ngini duru nihidodiai nianiiki o rame-rame ma hangeino gea, de ahao ngini nigogere nisosanangi dika nia tonakoka. De ti ngini nia tonaka ma batingi Ngohi tohiwoata. De o tao-taongiye ko moiua yamoroini yohafini nia tonakika ngaro ma oraha niloiki de nianoaika nia tonaka la nianiiki ma rame-rame hange abe tinihibehehongoka ma ko yamoroinua iniora.”

Sosawaro 21:1

Ma koano ai hininga tanu imanoa Ma Jou o Yawe ai giama ma hoatoka, abe gea imaketero hoka Ma Jou wahidumutu o akere ma dodagi la ma dumutu imakiniiki de to Una ai hininga, hokogenangoo Una wahihira-hira ma koano ai hininga la ufa irehene Ma Jou ai hiningaka de aino.

Sosawaro 6:29

De duru imaketero hokogea o nauru ai hasili nako womaidu de o nyawa utu ngoi fekata. Ngaro onaguna dika ma nako una wahowono munangika hokogea de ahao naga ai hohowono iwidaene.

Gogao 6:2

“De nahingahu o Isiraele ma nyawaika abe manga howono o nyawaika gea igoungu o howono Ma Jou o Yaweika. Abe hoka naga o nyawa abe to ona manga kiahonanga ihidodogumika de manga dodiawo manga datekoka la gea yogoana manga kiahonanga gea. Masara ma bahauku de ona abe yogoana ma kiahonanga gea yahingahu ma dutuika ato ihihangoka, eko ona ato ena gea o nyawa yatohikoka. Masara manga demoino gea de yoeluku dika hiadono manga dodiawo yarusi. De naga o howono o fara moioli abe o nyawa yodiai manga dodiawoika abe ona manga datekoka yadohiki. Ekola naga o nyawa ato to ona ma hirete manga kiahonanga yofukunu de ma ija yahingahu o nyawaika. De ahao naga o nyawa abe yomaija masara ka yofangu ma hononga dika. De ahao ma oraha yoboali la ato ma ija ma hou yofangu o kiahonanga ma dutuika, masara ona abe yofukunu yogahokoli ato kiani utuohi ihidogo ma ija. De hokogea manga rusi yodiai manga dodiawoika. Ekola ihira yofukunu manga kiahonanga yapake ma ija ko itiaiua ka hiadono yaribuutu la kiani yofangu utuohi ilamoko ho ihifoloi manga utumu de enangoo ihititi o rusino. Ho o nyawa manga howono o nyawaika mata-mata hokogea o howono duru Ma Jou o Yaweika.

Matiusu 27:19

De o Pilatusu naga wogogeruku ai pareta ma kaderaka de una walehaka o kokawaahaika masara ona ko yopaluhuahi de naga iboaino o behehongo ma demo abe o Pilatusu ngoi fekatoka de aino mohidingoto. De ami demoka gea de mihibehehongo mato, “Ufa nihohowono Una gea abe ko iwa ai howono, angamoi o futuika de ngohi ahi buluharino de duru ihiruwae ahi hiningaka ma titi Una gea!”

1 Korintusu 7:1

De naa marai ti ngini nia leleha abe nengokadau nihidingoto ngohino, naa ngohi topaluhu. Gea ngini nitulihi niato, “Irahai nako o nauru ko yomakitigiua de o ngofeka, eko sarakia nako ngona?” Hokogea ti ngini nia leleha ngohino. De gea ngohioo topaluhu tato, iya, tanu irahai hokogea. Abe mangale ma titi ma oraha naa naga o kokangela nanga wowangoka, ho tanu irahai nako ka idadi yomatongohono de ko yomakitigiua.

2 Korintusu 6:17

De naga moioli abe Ma Jou wotemo ai nyawaika la wato ona yomatingaka o dorou ma nyawaino, wato, “Ngini kiani nihupu o nyawa gea manga hidogoronaino la nimatingaka onangoka de aino. De ufa nimahitigi to ona manga kiahonangika abe ipeseke to Ngohi ahi himangoka. De nako hokogea nimatingaka Ngohino, de gea Ngohi ahao tinidafongo.”

2 Tesalonika 2:11

Ho mangale ma titi ona gea yaolukoka ma gou-goungu ho hiadono Ma Jou wahidiai manga hiningaka la duru igapanga yongaku o nyawa manga budi ma demoika. De gea ipahaika de ahao ona angaku una ai wowango itotorou ai hingahu ma demoika, abe ai demo gea duru o ngeluku moi.

2 Tesalonika 2:7

Abe igoungu o tobalawana ma kuaha ngaro ma oraha naa ena imulaengokau ikarajaanga o duniaka, masara ena gea ka imatohi-tohikohi dika ikarajaanga. De hokogenangohi dika ikarajaanga angamoi ma oraha naa naga womatengo abe ka watumungohi o tobalawana ma kuaha gea. De Una gea ka wogila-gilahi watumungu ka hiadono Ma Jou wigoraka Una abe watobatumungu. Ho nako hiadono Ma Jou wigorakoka, de ahao o tobalawana ma kuaha gea ko imatohikokaua ikarajaanga o duniaka, ma gea ka idadi itagi-tagi o kiaika dika abe genangika yoigo.

1 Samuele 25:26

De naa ngohi tamake duru itararono abe ani Jou o Yawe Una duru wonidatoko la ufa hiadono ngona natoma o nyawa, de ufa hiadono ngona ma hirete nomahibalaha onangika. De ngohi naa duru toigo de tonganono la ani musu mata-mata abe inihidee itorou ngonaika ahao manga hohowono duru itubuho yadaene onanguku. De gea kiani o Nabala unangoo iwidaene de ai hohowono duru itubuho gea.

1 Samuele 25:34

Abe gea Ma Jou o Yawe wohiduhunu la ufa tonihikangela ngonaika. De nako hoka ngona ko nomasikaaua de ko noboaua ahi himangino, gea tagou-goungu tonihingahu abe ngohi togila-gila dika o Nabala ai nyawaika de tahikokibinaaha. Abe itebini o ngorumino adonoka de ona gea duru ko moiokaua. Masara ngona natukoro ahi hidee la ko idadiuali.”