Dodadi 20:5 - Ma Jou ai Demo-demo o Totobelohoka

⁵ Ngohi tato bote todiai dika abe itiai, ho tato bote ko tahowonua. Abe o nyawa gea wato muna gea ngoi firanga, de sarakia ko tagoungua abe muna ma hirete motemo mato, ‘O Abarahaama gea ahi iranga.’ Ngohi tagoungu muna hokogea motemo hiadono tomile de ahi hininga ma hohailoa dika. De nagali ngohi tato ahi giama ko ahowonua abe muna gea ko tomigagaoua.”

Dodadi 20:5 ပူးပေါင်းရင်းမြစ်များ

Dodadi 12:13

Ho ngona nahingahu onangika nato, ‘O Abaraama, una ahi iranga.’ Hokogea notemo onangika la gea ahao ngohi ko ihitomaua masara ihiao irahai dika la ato inisanangi ngonaika.” Hokogea o Abaraama ai hininga womidotoko ngoi fekatika.

Dodadi 20:13

Ho adonoka ma oraha abe Ma Jou wohiaturu la ngohi totagi-tagi taika taino de ngohi tomihingahu ngohi fekatika tato, ‘Sara, hokonaa kiani nohiduhunu ani rokatika, ngaro o kiaika dika hoiki ma ka idadi o nyawa nahingahu abe ngohi ani iranga.’ Hokogea o Abarahaama womaademo o koanoika gea.”

Dodadi 20:16

Hokogea wihibehehongo de ahao wotemo o ngo Saraikali, wato, “Abeika, naa ahi hidoaka moioli tihidoaka ani irangika, naa o haaka ma dubuho ngade-ngade o kilo ngimoi de hinooto. De hokogea kohaamoko tihidoaka la duru itararono o nyawaika abe ngohi dika tahowono abe toniaoino, ma, to ngona ani howono ko iwa. Ho ngaro ona ani tauoka ma, ko idadiokaua inihiade-ade ato naga ani howono.”

1 Kokoano 9:4

De naa tonihibehehongo ngonaika tato ngona kiani ka ihikaika nohileleani Ngohino de ani hininga ma gahumu abe imaketero hoka ani baba o Dautu wohileleani. Abe to Ngohi ahi pareta de ahi huhuloko ma demo mata-mata kiani naga ani hingounu ma demoika gea la ka ihikaika natobaniiki enangika.

1 Tawari 29:17

De ahi Jou ngohi naa tohioriki o nyawa manga hininga natailako, Ngona nakokitailako abe to ngomi mia hininga mata-mataika, de nohioriki nako naga itiai abe midiai, De Ngona minihisanangi abe ma oraha mia wowango miao itiai. Ngohi de ahi garago tohidoaka ma kiahonanga naa abe ani himangoka, Ngohi de ahi hininga tagou-goungu tohidoaka ani tauika, Abe ona yomatoomuinoka nenangoka to Ngona ani nyawa mata-mata, De onangoo duru yososanangi dika yomahidoaka Ngonaika, De duru ngohioo togarago tamake to ona manga hidoaka naa.

Higiriiri 24:4

De gea ka ona dika abe manga datorino de ko yahowonua, ona abe manga hininga ka itebi-tebini dika, ho ona ko yomahinganonua o popangaoika, de ko yoelu-elukua.

2 Korintusu 1:12

De ma titi o kia hiadono ngomi mimagahoko ti ngini nia niniata de duru mionganono abe ka ihikaika nimiduhunu nia niniatino? De gea ma titi abe to ngomi mia hininga mimatailakoka de gea ko imakalawanua de Ma Jou ai mau masara mia hininga gea imakiniiki dika de to Unangoli ai hininga. Abe ma titi to ngomi mia wowango ma datorino de miwango mitotiai, abe ngaro o dunia ma nyawa masara ona miao irahai, de hongoli ngini, duru miniao irahai nginika. De gea ko iwa mia hiningaka mia hidee o dorouika, masara gea duru mimahingahu mia hininga ma dola ma gahumu nginika la ngini nihioriki mia hininga ma dumutu hokokia. De ngomi ko mimahinganonua o dunia ma sosawaroika la imihihira-hira, masara ngomi mimahinganono ka Ma Jou ai hininga ma owaika dika. Ho mangale ma titi to ngomi mia hininga ma rorahai gea hiadono duru mionganono abe ngini ka ihikaika nimigahoko Unangika ma titi ngomi.

1 Tesalonika 2:10

De gea ngini nihiorikoo to ngomi mia hininga de mia wowango ma oraha abe ngomi ka nginiokahi. Abe gea miniao ngini niwingaku-ngakuoka gea de mia hininga ma medebini, de itaana de to Una ai mau hiadono moioo de ko iwa abe ka idadi o nyawa imitae ngomino de hiadono imihitaana. De gea ngaro ngini eko ngaro Ma Jouoo ma hirete masara ngini de Una mata-mata nihikokioriki abe ahi hininga ma dumutu de ahi demoo ma nihioriki gea ma gou-goungu.

1 Timotiusu 1:13

De gea wohihigunoa tileleani ngaro ma dihira ngohi tingelo Unangika, de to Una ai nyawa duru tahikangela, de ma titi ahi sade hiadono ngohi duru tihitipokouku Una. De ngaro hokogea ma dihira ngohi todiai, masara ka tamakeohi Ma Jou ai hininga ma mobole ngohino hiadono Una ko wohihohowonua ngaro ma dihira gea ngohi ko tingakuahi Unangika. Ho gea mata-mata todiai de duru ko tohiorikua abe talawana Ma Jou ai mauika.