Dodadi 2:24 - Ma Jou ai Demo-demo o Totobelohoka24 De Ma Jou o nauru de o ngofeka wahidadi o dodadi moiino la gea yomakuduhunu, de gea ma titi ho hiadono o nauru yomatingaka manga baba de manga memeino la gea yogogere moi de manga fekata la ona yodadioka moi. အခန်းကိုကြည့်ပါ။ |
De o Baranabasa una womahiadonoka de wamake abe Ma Jou ai hidoaka ma owa ona ko o Yahudi ma nyawaua yamakeoka. De gea wamake abe hokokia Ma Jou womahitaana abe wokarajaangoka ona gea manga kokihiningaka, ho o Baranabasa una duru wogogaragoka. De una wahigaro ona abe ahao iwingaku-ngaku nanga Baluhika la ona ka ihikaika yatobaniiki nanga Baluhu o Yesusu dika ai mau onangika.
De naa tohiketero de nanga pareta abe ma titi o giaberekioka manga gogao ma pareta. Abe nako o fekata momatengo, muna gea kiani mitobagou-goungu ami rokatika ka hiadono wohonenge, angamoi hokogea to ngone nanga pareta itemo. Masara abe nako ami rokata wohonengoka, gea de ahao ma pareta ko imihidapakitokaua ami rokatika, ho muna ka idadi moilaka de o nauru moioli.
Gea ho hiadono ngohi tomihigaro munangika tato, koaho muna moilakoli la ka idadi o ngofaka momamakeoli, de hiadono to muna ma hirete ami tauokahi ka idadi mohikaaturu. De nako hokogea modiai, ahao ona abe inatobalawana ko yamakeua ma titi hiadono ka idadi inahohowono ngoneino ma titi o ngofeka yofao-faoino gea.