Dodadi 2:14 - Ma Jou ai Demo-demo o Totobelohoka

¹⁴ De o akere ma jaga hangeoka gea o Tigirisi ma romanga, de gea ena abe ihahuru o Asuru ma tonakika o wange ma hiwaroko. De o akere ma jaga iatoka ma romanga o Efaraata. Hokogea ma jaga o akere gea abe ihahuru ma utuoka o Edenoka de aino.

Dodadi 2:14 ပူးပေါင်းရင်းမြစ်များ

Dodadi 10:11

Genangoka de ahao ko manga ngoe o nyawa wahikoano abe woiki o Asuru ma tonakika de genangoka wohigoko o kota utuoli abe o Niniwe ma kota, de o Rehobo-Iri ma kota, de o Kalaha ma kota.

Dodadi 10:22

O Seeme ai ngofa-ngofakuku naga manga romanga hokonaa: o Elama, o Asuru, o Apa-kasada, o Luudu, de o Arama.

Dodadi 15:18

De duru ma oraha gea Ma Jou o Yawe wihibehehongo o Abaraamika wato, “Hokonaa tohitunguu itaana igoungu ahi behehongo abe o tonaka naa tahidoaka ani totoforaukuika. De manga tonaka ma batingi moi o akere ma amoko doka o Mesiiri ma tonakoka, de ma batingi ma honongaka gea o akere duru ma amoko ma romanga o Efaraata ma akere.

Dodadi 2:13

De o akere ma jaga moioli o Gihono ma romanga, de gea ena abe ihahuru ijiko-jiko o Kusi ma tonakika.

Dodadi 2:15

Ho ka de o nauru gea Ma Jou o Yawe wihidadi ibooto de wiao ai redika gea de genangoka wihigogere la ka idadi o redi gea wogoana de wokarajaanga genangoka.

Dodadi 25:18

De to una ai totoforauku yogogere o Hawila ma tonakoka de hiadono o Siurika abe nako o nyawa yoiki o Asurika de gea manga tonaka imahikitigino de o Mesiiri ma tonaka ma batingoka. De ona mata-mata yogogere yomakokitingakika de o Abarahaama ai totoforauku utu. Abe ko yomakigoua hiadono ko yomahikasapurua de manga gogianongoru.

Higalioli 1:7

Ho naa irahai la ibootohi nimahidodogumu naangoka ho koaho nisobo de nitagi-tagi o Amori ma nyawa manga tonakika abe naga ma loku ma ngoe genangoka. De naga ma tonaka utuoli abe kiani nitagi-tagi genangika, abe o Yorodani ma akere ma dola de ma tonaka abe itotoporono de ma loku-loku abe doka o Yorodani ma akere ma honongaka, de ma tonaka abe dakuiye idateke, de hiadono o Gogoronaka ma gahi ma ngigorika nimahiadono. Abe gea o Kanani ma nyawa manga tonaka de nagali o Libanono ma tonaka, de ka hiadono o Efaraata ma akere abe duru ma amoko ma akere gea.

Himatoko 9:14

De ma ilingi gea iwihibehehongo ma malaekata ma butaangika gea abe naga de ai gugulioka wasoino. De gea iwihibehehongo ato, “Noiki nahihoheoka o malaekata iata gea abe ma dihirainohi ena yahidapakitoka o akere ma amokoka abe gea ma romanga o Efaraata ma akere!”