Dodadi 19:8 - Ma Jou ai Demo-demo o Totobelohoka

⁸ Abeika, to ngohi ngohi ora yahinooto abe yomoholehoka naga o tau ma goronaka, de ona ko ma moiuahi yomakitigi de o nauru. Ho sarakia nako ona tahihupuino de nidiai iti ka ti ngini dika nia mau, iti ufa o nauru yahinooto gea niaruwae. Ona ihirekatino ahi tauoka naa ho kiani ngohi tagoana itiai.”

Dodadi 19:8 ပူးပေါင်းရင်းမြစ်များ

Dodadi 18:5

De ngohi duru toigo nihihigunoa la tinihidiai la niolomohi. Abe ngohi tato ngaro ahi inomo ma hohutulu dika, ma iti niolomokahi la ka idadi inihiputurungoli. Ho gea togahoko la nimahiaini ibootino de ahao ka idadi nigila-gila. Duru tosanangi niboa ngohino ho hokogea toigo tinidafongo.” De ona yopaluhu unangika ato, “Tarimakase. Gea ngona nodiai abe ngomino irahai.”

Dodadi 19:7

De wataere onangika wato, “Ahi dodiawo, ngone duru homahikogogere moi nenangoka, ho ngohi togahoko ufa ngini niahidee duru itorou onangika hokogea!

Dodadi 42:37

De ahao o Rubene manga babaika wihibehehongo de o koboto ma demo, wato, “Baba, ngohi o Benyamini titagongo abe nako nohihigunoa la ngohi tiao de tonihibehehongo de ahao tihigilio ngonaika. Abe nako una wobodito de ka idadi to ngohi ahi ngofaka o nauru yahinooto gea natoma.” Hokogea o Rubene wihibehehongo ai babaika.

Huhupu 32:22

De o Harunu wopaluhu wato, “Ufa nohingamo ka ngohi dika. Ngona nahioriki nanga nyawa naa abe ka ihikaika manga hininga ma dumutu o howonika! Ona yoboa ngohino de manga gogahoko ngohino ato,

Sosawaro 9:7

Onagona dika abe yataere onangika abe yotobahohedu de manga dodaere ma demo gea ko yaduhunua. De ona yamake dika o kokangela de o himaleke ma amoko yotobahoo-hoheduino. De onagona dika abe yataere onangika abe yotobatualono ahao manga hasilino ka o kangelaino dika yadaene abe o hibalahino.

Maruku 9:6

O Peturusu ka hokogea dika wotemo angamoi yakokitomomonoka de duru yohawana de o kiahi wato wotemo ma ko wohiorikokaua.

Roma 3:8

Masara nako hoka to ona manga hininga gea ngone hanii-niiki, gea imaketero abe hoka hadotoko o nyawaika hato, “Abeika homahitorou dika la ma bahauku de ihiboa ma rorahai, abe ahao o nyawa duru iwihigiriiri Ma Jouika angamoi duru ka Unangohi duru wototiai nako inahikohowono ngone de Una.” Hokogea to ona manga hininga, de gea manga demo eko manga hininga duru ko itiaiua. De tanu naga utu o nyawa abe ihitae ngohino ato, “O Paulusu una gea ai dodotoko ma goronaka de wahigaro o nyawaika la ona yahowo-howono de wato bari genangino de Ma Jou ai hininga ma owa utuohi ma amoko ona yamake manga wowangoka.” Hokogea ihitae ngohino, masara naa tomahingahu tato duru hokogenangua to ngohi ahi dodotoko ma dumutu. De hongoli ngohi tato onagona dika abe hokogea to ona manga dodotoko, gea duru itiai abe ahao to Ma Jou ai hohowono yadaene onanguku. Ho tohidotoomuino ahi demo ma titi hokonaa. Abe ngaro ngone o Yahudi ma nyawa abe inahiromanga Ma Jou ai nyawa, masara nako hiadono ngone hahowono Unangika, gea kiani Una wonahohowono ngone. De ai hohowono de ai dodotoko ngoneino, gea duru itotiai dika angamoi Una gea watobagou-goungu dika ai demoika.

Hihira 9:15

De ma gota gea ipaluhu ato, “Nako ngini niagou-goungu nihiiriki ngohi la niato tinihikoano nginika, gea ngini kiani nikokiboa ngohino de nimahitatoko ahi jaga-jaga ma timiuku. De ahao ngohi duru tinigoa-goana irahai. Masara nako hokogenangua nia hininga de ahao ngohi tinihibinaaha. De gea ahao imaketero hoka o uku ka idadi iharabaka / ihupu ahi jaga-jagaka de aino la o semara ma gota o Libanonoka youkuoka hiadono ihibinaahaka!’ Hokogea ahi hiketero ma ade-ade.”