Dodadi 19:7 - Ma Jou ai Demo-demo o Totobelohoka

⁷ De wataere onangika wato, “Ahi dodiawo, ngone duru homahikogogere moi nenangoka, ho ngohi togahoko ufa ngini niahidee duru itorou onangika hokogea!

Dodadi 19:7 ပူးပေါင်းရင်းမြစ်များ

Dodadi 19:4

Gea yolomo ibooto ma ko yomaiduahi de o Sodomoka ma nau-nauru o kota ma amokino yokokiboaino abe o balu-baluhu de o goo-goduuru, de o Loti ai tau ihigilolitoka.

Dodadi 19:6

Masara o Loti wabuhuku o nau-nauru gea ai tau ma himangoka, de ma ngorana ai poretoka wahidatatokoka.

Dodadi 19:8

Abeika, to ngohi ngohi ora yahinooto abe yomoholehoka naga o tau ma goronaka, de ona ko ma moiuahi yomakitigi de o nauru. Ho sarakia nako ona tahihupuino de nidiai iti ka ti ngini dika nia mau, iti ufa o nauru yahinooto gea niaruwae. Ona ihirekatino ahi tauoka naa ho kiani ngohi tagoana itiai.”

Gogao 18:22

‘Ko idadiua ngini o nauru nimahikokanauru abe nimakitigi imaketero de o ngofekali. Gea o howono ma dorou abe Ngohi duru taemono enangika.’

Hidingoto 17:26

De Una duru ma dodihiraka de witulaada o nyawa womatengo, de ipahaino de o nyawa de o dutu mata-mataika o dunia ma amokika de wonatulaada abe womatengoino gea. De ma dodihiraka gea de womaputuhokau abe ahao ma nyawa de ma dutu o kiaka wagorakiye la naga to ona manga kuaha o nyawa utuika, de abe o kiaka wahiguti la manga kuaha ko iwaka. De ngaro o nyawa manga tonaka ma batingi homoi-homoi ma gea mata-mata ko idadiuahi de Una wohiaturokau.”

Roma 1:24

De abeika to ona manga hininga ma dorou. Abe ona yaturuuru de ma gou-goungu ma titi Ma Jou la yangakuoli o ngelukika. De ona yomahingahu ato manga popangao gea igou-goungu o jou. Ho ona yomatobahuba-huba de yatobaleleani o kiahonangika abe gea ena Ma Jou wotulaadauku, masara ko yomahubaua Ma Jouika abe mata-mataika wotobatulaada. De tanu Una dika abe itiai wamake o higiriiri de o horomati naa de ka hiado-adonika. De duru hokogea igoungu. Amin. De mangale ma titi o nyawa manga hiningaka de ko iwihoromatiua Unangika, ho hiadono Ma Jou wahidoaka la ona yomahikangela dika ma titi manga hininga ma hafini ma dorouika. Abe ngaro hokokia ma himaleke abe yadaene manga hiningaika de ona ato yomahiketehidadidorou de manga badangino, masara gea Ma Jou wahigunoa la ena gea yanii-niiki. Abe Una wahidoaka wato, “Mangale ngini duru nioigo o howono niatobaniiki, ho naa tinihidoaka la nigila-gila dika nia howono ma goronaka, la nia datoro de nia hafini gea idadioka ti ngini nia hohowono.” De hokogea Ma Jou wahihohowono onangika de wapake to ona ma hirete manga howono.

Yudasa 1:7

De naga ma ade-ade moioli tinihihohininga, de gea ma titi ma dodihiraino o Sodomo de o Gomora de naga ma kota utu abe ihigilolitino ma kota hinooto gea. Abe ma nyawa ma dodihiraino yogoo-gogere ma kota-kotaka gea to onangoo manga datoro hatoli imaketero abe hoka o malaekata ma dorouoli ma datoro, angamoi onangoo yomakitigi ko itiaiua de nagali yohafini utuika abe ko imakiniikua de Ma Jou ai hininga de ai hiaturu ai dulaadaino. De gea ma kota ma nyawa onangoo ma bahauku de Ma Jou wahibinaaha de o uku ka hiado-adonika. De igoungu ona gea ka ma dodihirainohi de hidutu ka ma oraha naa de ka wahihohowonohi de o uku. Ho ona gea yodadioka o dodotoko de o hitiari ngone mata-mataino abe ma titi hokokia ma mogiria Ma Jou ai hohowono onangika abe ko iwinii-niikua.

Hihira 9:26

De ma oraha gea naga womatengo ai romanga o Gaala woboa o Sikeme ma kotaino de ai ria-dodoto yomakiniiki de una. De o Gaala una o Ebede ai ngofaka. De ko itedekanuahi de o Sikeme manga balu-baluhu gea duru iwihoromati ho yomahinganono unangika la unangoli wahipareta.