Dodadi 19:38 - Ma Jou ai Demo-demo o Totobelohoka

³⁸ De ngoi ora o dodoto munangoo momagerewoto o ngofaka o nauru de mihiromanga o Ben-Ami. De una gea wodadi to ona manga tofora abe ma oraha naa yomahiromanga o Amono ma nyawa.

Dodadi 19:38 ပူးပေါင်းရင်းမြစ်များ

Dodadi 20:1

De ahao o Abarahaama woikoli ho ai gogere o Mameroka wosoboka, woiki o Negebe ma tonakika. De genangoka naga o tonaka ma kakaahaka ma ngi hinooto. Abe moi ihiromanga o Kadese, de moioli ihiromanga o Siuru. De o tonaka hinooto gea ma hidogoronaka una de ai nyawa yotulu-tulu yomahidodogumu. Genangoka de ahao o Abarahaama de ai nyawa yoikoli o Gerara ma tonakika de genangokali womahidodogumu.

Higalioli 2:19

Masara ahao ma oraha nimahitigi o Amono ma nyawaika de ko idadiua ngini niaruwae onangika. Abe ona gea o Loti ai totoforauku de ma dihira Ngohi tahidoakoka manga tonaka gea onangika la idadi manga oara ma tonaka. Ho ufa hiadono nimaketeparangi de ona angamoi ngaro hoka niahikala masara duru ko tinihidoakua manga tonaka nginika.’ Hokogea Ma Jou ai demo ngohino ma oraha gea.”

Higalioli 2:9

De genangoka Ma Jou wotemoli ngohino wato, ‘Ufa ngini niaruwae o Moaba ma nyawa abe ona gea o Loti ai totoforauku. De ufa hiadono ngini de ona nimaketeparangi, angamoi ngaro hoka ngini niahikala masara ko tinihidoakua manga tonaka nginika. Angamoi ma dihiraino de tahidoakoka o Ara ma kota la idadi to ona manga oara ma tonaka.”

Hihira 10:6

De ipahaino de o Isiraele ma nyawa ma moioli yodiai itorou Ma Jou o Yawe ai himangoka. Abe ona yomahuba-huba o jou-jou ma homoaika. Ho gea naga o homoa ma nyawa o Siria de o Sidono de o Moaba de o Amono de o Filistina, de to ona mata-mata manga jou-jouika o Isiraele ma nyawa yomahuba-huba enangika. De nagali o Baala de o ngo Asitorete abe enangikaoo yomahuba-huba. Ho ona duru iwiporete Ma Jou o Yaweika de ko yomahubakaua Unangika.

1 Samuele 14:47

Ma oraha o Saulu wodadioka o Isiraele ma nyawa manga koano de duru iwimagawe waparangi o Isiraele ma nyawa manga musu arihononga. Waparangi o Moaba ma nyawaika, de o Amono ma nyawaika, de o Edomo ma nyawaika. De o kokoano abe yahikoano o Soba ma tonakoka o Saulu wakokiparangi de ka ihikaika kiani waparangi o Filistina ma nyawa abe duru manga datekoka. De o nyawa mata-mataika abe yamusu o Isiraele ma nyawaika o Saulu waparangi onangika de wahikala ree-ree.