Dodadi 19:30 - Ma Jou ai Demo-demo o Totobelohoka

³⁰ De ipaha o Loti wohawana wogogerohi o Soara ma kapongoka, ho una de ngoi ora yahinooto gea yomaturuuru o loku-lokuiye de yogogere o aruku moioka.

Dodadi 19:30 ပူးပေါင်းရင်းမြစ်များ

Dodadi 13:10

De ma oraha gea ona naga o lokuoka yomaokoino, ho o Loti wolega-lega o Yorodani ma tonaka ma dola mata-mataika, ka hiadono Soara ma kotaika. De ma dola gea wamake duru irahai abe naga o akere de ma ngairi ma ngoe imaketero hoka ma dodihiraka naga Ma Jou o Yawe ai redioka. Ngade-ngade o tonaka gea ma rahai imaketero hoka hamake o Mesiiroka. De ka irahaiohi o tonaka gea angamoi Ma Jou o Yawe ko wohibinaahauahi o kota hinooto genangoka ma romanga o Sodomo de o Gomora.

Dodadi 14:22

Masara o Abaraama wipaluhu o Sodomoka manga koanoika wato, “Ngohi naa kanganoinohi tihibehehongokau ahi Baluhu o Yaweika, Una Ma Jou Wokokurutiye, Una abe o Horoga de o dunia wotulaada, gea Unangika ahi giama tagorakiyeoka la tohitunguu ahi behehongo ma gou-goungu naa.

Dodadi 19:17

Ho ona yahihupuoka ma kotaino de o malaekata womatengo witemo o Lotika wato, “Naa ngini niloara done nihonenge! De ufa nimadogilioro! Nimataiti nimapopaata hiadono nidoa dakena ma loku-lokuiye de ufa nimatogu-togumu o kiaka dika ma dolaka naa la ufa nginioo nihonenge.”

Dodadi 19:19

Ngini ma ngoeoka nia dora itagi ngohino de nihiduhunu hiadono ka towangohi. Masara ngohi naa ko taboaikaua tomapopaata hiadono o loku-lokuika gea. Done ahao o bobinaaha ihidaene de tohonenge.

Dodadi 49:4

Masara ani horoodo hoka o moku-moku abe ko iwa ma hiaini, Ho ngona ahi ngofaka o riakika ko namakeokaua o riaka ma horomati, Angamoi ngona nomaidu de ngohi fekata momatengo, Hiadono ani horomati ngohino ihonenge ahi koi ma lokuoka.

Higalioli 34:3

De daku wamakeoli o Negebe ma tonaka ma kakaahaka de ai himangoka naga o Yorodani ma dola abe o Yeriko ma kotaka ka hiadono dau o Soara ma kotauku. De ma oraha gea o Yeriko ihiromanga o Giwatu ma kota angamoi iwangoiye o giwatu ma ngoe genangoka.

Yakobusu 1:8

Angamoi to ona gea manga hiningaka de ika yomahinganono Ma Jouika, masara ika ko yomahinganonokauali, de ngaro manga wowango ma datorokaoo ma ahao ma hononga manga datorino de yataana de Ma Jou ai mau Unangika, masara utuoli ko yataanua. Ho nako ngone homagahoko Ma Jou ai sosawaro, iti ufa nanga hininga ka hinootohi ma titi Unangika done gea ko hamakeuali ai sosawaro.