De watumungu onangika wato, “Ahi Baluhu, marai ma gurutoka de niaino ho tinidafongo duru de ahi hininga ma hohailoa. Ho o futu naa ka idadi nimahidodogumu ahi tauoka. Genangoka ka idadi nimaihoro de nimaidu de ahao itebini o ngoru-ngorumino ka idadi nigila-gila nia dodagioka.” Hokogea o Loti ai hininga wahingahu onangika. Masara o malaekata yahinooto gea yopaluhu ato, “Tarimakase hobata, ma ngaro ufa hokogea, ngomi marai mimaidu o loaka dika abe ma kota ma hidogoronaka.”
Dodadi 19:3 - Ma Jou ai Demo-demo o Totobelohoka3 Masara manga demo gea o Loti ko wosanangiua ho ona waribuutu wato, “Duru ko idadiua nimaidu o loaka. Ngini kiani nihiniiki ngohi la nimaidu ahi tauoka.” Ho ona ahao iwiniiki o Loti ai tauika de genangoka ai nyawa wahuloko la o roti ko iwa ma ragi yahinaanga de o inomo utu yahakai. Ho naga manga inomo duru ma ngoe wahidiaiuku de ahao yolomo. အခန်းကိုကြည့်ပါ။ |
Dodadi 19:3
18 ပူးပေါင်းရင်းမြစ်များ
O Totilakuru ma wange ipaha de ma dawangeinoli nihirame-rameoli ma titi o roti ko iwa ma ragi. De ma titi gea nihirame-rame ka hiadono o wange tumidino ma dekana abe nia roti ko idadiuahi niaolomo de ma ragioka. De nia hidiai ihira gea nia ragi niakokiumo. Abe o wange ihira gea kiani ti ngini nia tau homoi-homoiika niakokitebini ka hiadono o ragi o mui moioo de ko iwa nia tau ma goronaka. De o wange tumidino gea ngaro onagona dika abe yolomo o roti de ma ragioka ona gea ko niaetongokaua o Isiraele ma nyawa manga doomuoka.
De ma oraha manga dodagi ma goronaka de yomahiaini la yolomo de ahao yomagoraka manga bobaruhaino manga tarigu ma goo ko iwa ma ragi de genangoka de ahao yahinyoleohi la gea idadi manga inomo. De manga roti ma goo dika yomahibilaono abe ko iwa ma ragi angamoi yomatataiti yohupu o Mesiiri ma tonakino.
Masara naa Ngohi tinihingahu nginika abe nako ngini nihigila-gila niwiaho-ahoko nia dodiawoika gea, ika-ika de ahao una womomiki de winihidoaka nginika nia perelu gea. De gea ko ma titiua winihidoaka ai hininga ma sanangioka de aino nginika, masara mangale ma titi ngini ko nimatogu-togumua nimagahoko, de gea ena ma titi hiadono ma bahauku de niamake.”
“De ahao ma dutu wato, ‘Nako gea ngona o kotaino nohupu ma hoanika de nahoko o nyawa onagona dika abe nimakamake. Abe kiani nalingiri o nyawa abe ngaro o ngeko-ngekomoka de o dadaduhu ma timi-timiuku la mata-mataika nakokiahokino. Angamoi ngohi toigo la o nyawa duru ko manga ngoe yaniiki hiadono ahi tau ma goronaka de ko iwaka ma ngi.
De ahao o Matiusu wodiai o ngolo-ngolomo ai tauoka la wato wohitunguu ai horomati o Yesusika. De genangoka naga o Yesusu de iwinii-niiki, de nagali o Matiusu ai dodiawo manga ngoe abe onangoo o pajaka ma tiwi yogaho-gahoko de hiadono yatobarusi-rusi o nyawaika. De nagaoo o nyawa utuoli yaniiki ma ngolo-ngolomo gea, ho ona mata-mata yomakutuono yolomo o Matiusu ai tauoka.
De imaketero hoka o Totilakuru ma rame-rameoka de duru ko yapakeua o ragi, ho ngoneoli naa tonahigaro tato ufa hapake nanga ragi ma dekanoka gea ma dorou de gea ena abe ko itiaiua. Masara koaho ma roti abe ko iwa ma ragi, de gea hohiromanga hato ma roti abe ma rorahai de ma gou-goungu, koaho ma roti gea hapake nanga wowangoka.
De to ngomi mia hiningaka naa de o Yesusu ai dora ka ihikaika imihigaro la mimaaduru hoka to Unangoli ai hininga. Ho ngaro o kia dika ngomi midiai mia wowangoka naa, masara gea mia datoro mata-mata ihititi o Yesusu Kristusu ai doraka de aino. De gea ngomi mihioriki abe Una wohonenge la ka idadi ngone mata-mata wonaturuuru. De mangale ma titi Una wonaturuuru ngone mata-mata, ho genangino de ka idadi hohioriki abe ngone mata-mata imaketero hoka hohonengoka abe ma titi nanga wowango ihira-hiraika. De gea idadi abe ma oraha Una wohonenge o gotaka.
Abe nako naga o nyawa yoboa manga gurutoka de aino de ona yotulu nia tauino, ona gea ufa niaoluku masara ka idadi niadafongo nia tauino la yomahidodogumu nginioka. De gea ufa niawohanga abe hokokia ma dodihiraino idadioka, abe o nyawa yadafongo manga tauino ona abe yotagi-tagi, masara gea ipahaino de ahao ona o tau ma dutu yahioriki ona gea abe yomahidodogumika gea tanu ko o nyawa biahaua masara o malaekata. Ho marai nginioo ahao niadafongo bote Ma Jou ai malaekata.
De o Gideono womataiti wolio ai tauika. De genangoka waleino ai kabingi moi ka ma goohi de watoma la wahakai. De o gandumu ma ngedere waleino abe o litere monaoko de wodiai o roti ko iwa ma ragi. Gea mata-mata ibooto de ahao o roehe ma teongo woguhe o manyilauku de ahao ma roehe wohingohama o karaanjauku de ma inomo gea mata-mata wao wigilio Ma Jou o Yaweika abe naa nagahi o tarabatini ma timiuku. De ai huhuba ma inomo gea wihidoaka Ma Jou o Yawe ai malaekatika.
ကြော်ငြာတွေ