Dodadi 19:19 - Ma Jou ai Demo-demo o Totobelohoka

¹⁹ Ngini ma ngoeoka nia dora itagi ngohino de nihiduhunu hiadono ka towangohi. Masara ngohi naa ko taboaikaua tomapopaata hiadono o loku-lokuika gea. Done ahao o bobinaaha ihidaene de tohonenge.

Dodadi 19:19 ပူးပေါင်းရင်းမြစ်များ

Dodadi 12:13

Ho ngona nahingahu onangika nato, ‘O Abaraama, una ahi iranga.’ Hokogea notemo onangika la gea ahao ngohi ko ihitomaua masara ihiao irahai dika la ato inisanangi ngonaika.” Hokogea o Abaraama ai hininga womidotoko ngoi fekatika.

Dodadi 19:18

De o Loti wopaluhu wato, “Ahi balu-baluhu, ufa nihihuloko hokogea!

Dodadi 19:20

De abeika naga o kapongo ma eteteke ko ikurutikaua de ngohi ka taboaika. De duru ma eteteke ma kapongo gea e? Ho togahoko nihihigunoa genangika toara la tomahirehene o bobinaahaino.”

Dodadi 19:30

De ipaha o Loti wohawana wogogerohi o Soara ma kapongoka, ho una de ngoi ora yahinooto gea yomaturuuru o loku-lokuiye de yogogere o aruku moioka.

Dodadi 39:4

Ho o Yusupu duru wihisanangi o Potifarika ma titi ai karajaanga duru wao irahai. De o Potifara wigoraka de wihidadi o hibaluhu moi ai tauoka abe duru de ai kuahaka. Ho gea idadioka to Yusupu ai tagongo mata-mataika ngaro o Potifara ai tau ma goronaka eko ai redioka, ma, gea to una ai kuahaka.

Dodadi 6:8

Masara naga womatengo ai romanga o Nuhi abe wihisanangi Ma Jou o Yaweika.

1 Kokoano 9:9

De ahao manga dodiawo marai yopaluhu ato, ‘Maraioka wohirusaka mangale ma titi o Isiraele ma nyawa iwiporete Unangika. Abe ngaro ma dihiraino de Una waduhunu de wahihupu o Mesiiri ma nyawa manga giamoka de yaino masara ipahaino de o jou-jou ma homoa yomahijou enangika hiadono yaleleani de yomahihuba-huba o jou utuoli gea. Ho duru ma titi gea ena ho hiadono Ma Jou o Yawe wahihohowono ai nyawaika hokonaa.’” Hokogea Ma Jou ai hingahu ma demo o Saloomoika ma oraha womahimatoko unangika.

Maruku 9:19

De ahao o Yesusu wataere onangika wato, “Adoo, ngini naa totokia? Ka muruonoka de ahao ngini naga de nia ngongakuoka Ngohino? De hokokiahi ma dekana abe Ngohi de ngini homahidogogere moi la hiadono ngini niakunu nimaaduru hoka to Ngohioli ahi datoro? Ho ibooto. Ai ngofaka gea niwiaoino Ngohino!”

Lukasa 1:58

De ami dutu de abe ami date-datekoka ona yoihene ma abari gea abe Ma Jou womihimatoko ai dora kohaamoko o ngo Elisabetika, ho yomatoomuino munangoka la ona de muna ka yomataigaragoika ma titi ami ngofaka womihidoaka munangika.

Roma 8:31

De naa abeika honganonoli abe ma titi Ma Jou ai duduhunu kohaamoko de kohangoe abe ngoneino. De ai duduhunu gea mata-mata duru itaana abe Una ai hiningaka de duru wosanangi wonaduhunu ngone naa. De naa tonaleha, nako Ma Jou Una ma hirete wonatobaduhunu de ai hiowa gea mata-mata, done ka onagona yakunu inalawana de hiadono inahikala?

Higalioli 31:17

De ma oraha gea ahao ahi ngamo duru ifae ma amokiye ho hiadono Ngohi ka taporete dika onangika de tanoaika, de ma bahauku de ona o bobinaaha yadaene onanguku. Abe manga kokangela de manga huha ma ngoe ahao yaohana hiadono yomakoketemo manga dodiawoika ato, ‘Boteua nanga kokangela naa inadaene mangale ma titi nanga Jou wonanoaika ho ko iwiwaka nanga hidogoronaka!’

1 Samuele 27:1

De ipahaino de o Dautu womatemo wato, “Marai nagahi o Saulu ai hiningaka abe wohihidee ngohino wato wohitoma. Ho koaho ngohi toara o Filistina ma nyawa manga tonakika la tomanoa genangokahi. De ahao ngaro o Saulu wohilingi-lingiri ai dekana o Isiraele ma tonakoka masara ko wakunua wohimake, de ika-ika ahao womatogumu dika wohilingiri.”