Dodadi 19:16 - Ma Jou ai Demo-demo o Totobelohoka

¹⁶ Masara o Loti ka wokapaangohi ho o malaekata yomataiti o Loti de ngoi fekata de ngoi ora manga gia-giamika yaso de yaliara hiadono yahihupu ma kota ma poretika. De gea yahihupu angamoi Ma Jou ka wadorahi o Loti de ona ai tauoka.

Dodadi 19:16 ပူးပေါင်းရင်းမြစ်များ

Dodadi 19:15

Ahao ma ngoru-ngorumino abe ngade-ngade o wange ipotokaiha, de o malaekata gea o Lotika iwitataiti ato, “Nimataiti o kotaino naa ngini nihupuoka ngona de ngoni fekata de ngoni ora, done inihidotadaene de ka ma moi inihibinaaha de o kota naa abe bootino ihibobaha.”

Dodadi 43:10

Kiani itaiti ngomi misobo. Abeika, nako ma dihiraino de nihigunoa la una wominiiki tanu naa abe ma hinooto ibooto miaika miaino de nanga inomo minale.” Hokogea o Yehuda ai babaika wiribuutu.

Higiriiri 103:13

De Ma Jou o Yawe ka idadi to Una ai hininga hohiketero Abe imaketero hoka o ngofa-ngofaka manga baba ai hininga onangika. Abe Ma Jou o Yawe ai hininga ka ihikaika duru ibole ngoneino, Abe iti ka ihikaika nanga horomati ma modongo naga Unangika.

Higiriiri 106:1

Kiani ngone o nyawa hihigiriiri Ma Jou o Yaweika! De nanga hininga ma gahumu hotarimakase Ma Jou o Yaweika! De angamoi Una mata-mataika ai hininga ma owa! To Una ai dora ko itoa-toakua ka hiado-adonika.

Higiriiri 106:8

De masara Una woigo la wahihupu manga boditoino la ai romanga wodatoko, Una waduhunu de o heheranga la ai bobuturungu wahimatoko o nyawaika.

Higiriiri 107:1

Kiani ngone o nyawa hihigiriiri Ma Jou o Yaweika! De nanga hininga ma gahumu hotarimakase Ma Jou o Yaweika! De angamoi Una mata-mataika ai hininga ma owa! To Una ai dora ko itoa-toakua ka hiado-adonika.

Higiriiri 32:10

Abe o dorou ma nyawa o kangela de o huha ma ngoe yadaene, masara o nyawa abe yomahinganono o Yaweika, ona gea ka idadi yamake abe to Una ai dora ka ihikaika yahihawo-hawoino.

Higiriiri 33:18

Ho koaho ufa hawohanga abe ma titi nanga Jou o Yawe ai hininga ma lako, abe ka Una dika wonagoa-goana ngone onagona dika hitobanii-niiki Unangika. De Una gea wonaduhunu ngone abe homahinganono ai doraika abe ko ihoa-hoanua.

Higiriiri 33:19

Abe gea wonaduhunu la ufa hobodito, de ngaro o hafini ma amoko ma ka idadi wonahidailako.

Higiriiri 34:12

Sarakia naga nginioka abe duru nioigo la nia wowango ikurutu? Igoungu, nioigo la nia wowango ikurutu abe o duniaka nigogere e? De nisanangi nako ka ihikaika niamake ma owa nia wowangoka e?

Huhupu 34:6

De witilakuru o Musa ai himangino de o lobi gea de womahingahu-ngahu wato, “Ngohi Ma Jou o Yawe, Ngohi Ma Jou o Yawe abe duru ahi hiokoo itagi ahi nyawaika hiadono duru toigo taduhunu. De to Ngohi ahi dora gea ngaro ufa dika o nyawa yomaija angamoi Ngohi tahidoaka dika. Ngohi Ma Jou abe ko itai-taitua ahi hininga yatohata o nyawaika. Ngohi Ma Jou abe duru kohaamoko ahi dora itagi o nyawaika. De mata-mata Ngohi Ma Jou tohibehehongoka tato todiai gea ahao todiai.

Huhupu 34:7

Ho to Ngohi Ma Jou o Yawe ahi dora ko itoa-toakua itagi o nyawaika abe duru yasana. De ngaro ahi pareta yatilakuru ma ka idadi Ngohi tahiapongo de hiadono manga howono de manga dorouoo enangoo ma, taofi. De ngaro ihitobalawana Ngohi Ma Jouino masara manga howono enangoo ma, ka idadi Ngohi taofi. Masara ona abe manga datoro o howonika yahitaanoka de kiani Ngohi Ma Jou tahohowono. De ko ma titiua onangika dika tahohowono masara to ona manga ngofa-ngofakuku hiadono manga lape hangeuku eko iatuku manga tofora manga hohowono yadaene manga danongika.” Hokogea Ma Jou o Yawe wihitararono o Musaika.

Gegetongo 14:18

Abe nato Ngona Ma Jou o Yawe ani hininga ko itai-taitua yatohata o nyawaika de duru kohaamoko ani dora itagi o nyawaika de duru ko itoa-toakua. Ho ngaro ani pareta o nyawa yatilakuru masara Ngona ka idadi nomatongohono de manga howono nahiapongo. De ngaro yotobalawana Ngonaika masara manga howono enangoo ma ka idadi Ngona naofi. Ho nako o nyawa de manga datoro o howonika yomahitaanoka hiadono kiani Ngona nahohowono onangika de ahao manga hohowono gea adaene manga ngofa-ngofakukuoo ka hiadono manga lape hangeuku eko iatuku.

Lukasa 18:13

“Masara una wotobagaho-gahoko o pajaka ma tiwi, to una ai hininga imakohowono. Abe una womatingaka hatoli ma gurutika de ma oraha womaniata de ko iwimoroinua womamatagaiye o Horogaiye ma titi womahioriki ai howono Ma Jouika. De una womapoha-poha ai aluoko la womahimatoko ai hininga ma huha de wotemo wato, ‘Ahi Jou, duru togahoko la ani dora ma hiokoo itagi ngohino naa, angamoi ngohi o tobahowo-howono ma nyawa!’ Hokogea una womaniata.”

Yohanese 6:44

O Baba wohihidingoto Ngohi naa. Ho o nyawa ko moiua yoboa Ngohino nako ko o Babaua waoino Ngohino. De ona abe yoboa Ngohino ahao tahimomiki o wange ma bahaika gea.

Roma 9:18

Ho ai demoino gea de hohioriki abe Ma Jou ka idadi waputuhu la o nyawa utuika wapake de ai hiokoo ma doraino, de nagaoo o nyawa utuoli abe Ma Jou wahitogowini to ona manga pea abe hoka o Firaunoli ai pea.

2 Korintusu 1:3

De ngone kiani hihigiriiri nanga Jouika, abe Una gea to nanga Baluhu idodutu o Yesusu Kristusu ai Baba. Ho mangale ma titi gea ho duru itaana abe ngone hihigiriiri Ma Jouika. De Ma Jou Una gea ai dora duru itagi ngoneuku ho o hininga ma dora ma titi naga Unangoka. De Unangoo abe duru wonatobalaru ngoneino ho o lalaru ma titi enangoo naga Unangoka.

Higalioli 4:31

Angamoi ti ngini nia Jou o Yawe gea ai hininga duru aomanga de ai dora ma hiokoo, ho Una duru ko wininoaua de ko winihibinaahaua. De Una ko idadiua wawohangika ai behehongo abe Una de ti ngini nia totofora yomahiketehibehehongoka ma dihiraino, abe Una womahikoboto wato ka ihikaika waniiki ma behehongo gea.”

Titusu 3:5

De duru ma oraha gea abe Ma Jou wonaduhunu nanga howo-howonino. De gea Una wonaduhunu ko ma titiua to ngone nanga datoro ma totiai naga, masara wonaduhunu gea mangale ma titi to Una ai hininga ma doraka dika de aino ngoneino. De abe wonaduhunu, gea Ma Jou o Womahino wonaduhunu abe Una wonahidoaka ngoneino o wowango ma hungi de wonahitebini nanga howonino. De abe imaketero hoka nanga ngofaka haohiki la manga tonaka iofi, hokogenangoo de Ma Jou o Womaha hoka wonaohiki ngone nanga hiningaka hiadono wonahitebinoka la nanga howono ko iwaka. De gea ma oraha abe Una wonahiwangoli de o wowango ma hungi de abe nanga wowango waturuuru la gea nanga wowango ma ngekomo ma hungioli.

Yosua 6:22

Masara kanganoinohi o Yosua wahuloko o nauru yahinootoika abe ma dihira yatailako manga kotaika gea, wato, “Ngini kiani nimataiti ami tauika abe ami badanga momatobafukunu la muna de ami dutu niahihupu ona mata-mata la duru nia behehongo munangika nianiiki.” Hokogea o Yosua wahulokokau.

2 Peturusu 2:7

Masara ma oraha genangoo de o Loti Ma Jou widuhunu to ona manga hidogoronaino angamoi una gea wototiai Ma Jou ai himangoka. Abe una ai hininga duru ihuhaholi ma titi ma nyawa ma kotaka gea abe ona duru ko yolegaikaua ma paretaika gea masara ona duru ka yanii-niiki dika manga wowango ma datoro ma dorouika.

2 Peturusu 2:9

Ho nako ngone hongano-nganono ma ade-ade gea abe hokokia ma titi nanga Baluhu idodutu waduhunu o Nuhi de o Loti o hohowono ma goronaka de aino, ho gea itararonoka abe ngaro ma oraha naa ma ka wakunohi Una wonaduhunu abe ngone hingaku-ngakuoka ma oraha o kangela haohana. De naga moioli abe ka idadi hamake itararono to ona gea manga ade-adeino, de gea ma titi abe Ma Jou Unangoo ka wakunu wahiaturu o nyawa utu abe ko yototiaiua la ufa hiadono manga hohowono ko amakeua. Masara gea nako o hohowono ma wange adonoka de ahao kiani Una wahohowono onangika gea.