Dodadi 19:15 - Ma Jou ai Demo-demo o Totobelohoka

¹⁵ Ahao ma ngoru-ngorumino abe ngade-ngade o wange ipotokaiha, de o malaekata gea o Lotika iwitataiti ato, “Nimataiti o kotaino naa ngini nihupuoka ngona de ngoni fekata de ngoni ora, done inihidotadaene de ka ma moi inihibinaaha de o kota naa abe bootino ihibobaha.”

Dodadi 19:15 ပူးပေါင်းရင်းမြစ်များ

Dodadi 19:14

Ho o Loti womataiti wohupu de wahingahu ngoi ora manga darunu yahinootoika wato, “Ahi totoroa kiani nimataiti o kotaino naa nikokihupuoka! Ngade-ngade Ma Jou o Yawe wohibinaaha o kota naa de ma nyawa ka ma moi! Ho nimataiti!” Masara ona ato bote o Loti hoka wahawaliti dika ho ko yoikua.

Dodadi 19:16

Masara o Loti ka wokapaangohi ho o malaekata yomataiti o Loti de ngoi fekata de ngoi ora manga gia-giamika yaso de yaliara hiadono yahihupu ma kota ma poretika. De gea yahihupu angamoi Ma Jou ka wadorahi o Loti de ona ai tauoka.

Dodadi 19:17

Ho ona yahihupuoka ma kotaino de o malaekata womatengo witemo o Lotika wato, “Naa ngini niloara done nihonenge! De ufa nimadogilioro! Nimataiti nimapopaata hiadono nidoa dakena ma loku-lokuiye de ufa nimatogu-togumu o kiaka dika ma dolaka naa la ufa nginioo nihonenge.”

Dodadi 19:22

Masara kiani nimataiti nimapopaata genangika angamoi kiani o kapongika nikokiwohamoka de ahao ka idadi o Sodomo tohibinaaha.” Hokogea o Loti woodemo ma kapongo gea. De manga kapongo gea ihiromanga o Soara angamoi ma romanga gea ma titi ma eteteke.

2 Korintusu 6:2

De mia demo gea imakiniiki de Ma Jou ai demo abe ihitulihukuoka ai Demo-demoka. De Una wotemo wato, “Ma dodihiraino de Ngohi tairikoka ma wange abe muruonoka de ahao duru itiai ma oraha la gea tiniduhunu nginika. De nako adonoka ma oraha gea de ahao tinipaluhu nia gogahoko ma demo de tiniduhunu.” Hokogea itemo Ma Jou ai Demo-demoka. De naa abeika ngini nitotoihene mia hingahu ma demoino. Angamoi naa naga ma oraha adonoka abe Ma Jou winiduhunu nginika. De ma oraha naa ka idadi hohiromanga o duduhunu ma oraha. Ho ufa ngini nimahiaka-aka masara koaho nimataiti niodafongo Ma Jou ai hininga ma owa abe wato winihidoaka nginika.

Himatoko 18:4

De ahao o ilingi moioli toihene o Horogaka de aino, itemo ato, “To Ngohi ahi nyawa, ngini kiani nimatingaka gea ma kotaka de aino la ufa to ona manga howono nginioo nianiiki, done ahao manga kokangela ma hohowono ka ma moi inihidotadaene nginiukuoo.