Dodadi 18:5 - Ma Jou ai Demo-demo o Totobelohoka

⁵ De ngohi duru toigo nihihigunoa la tinihidiai la niolomohi. Abe ngohi tato ngaro ahi inomo ma hohutulu dika, ma iti niolomokahi la ka idadi inihiputurungoli. Ho gea togahoko la nimahiaini ibootino de ahao ka idadi nigila-gila. Duru tosanangi niboa ngohino ho hokogea toigo tinidafongo.” De ona yopaluhu unangika ato, “Tarimakase. Gea ngona nodiai abe ngomino irahai.”

Dodadi 18:5 ပူးပေါင်းရင်းမြစ်များ

Dodadi 18:6

Ho gea o Abarahaama womataiti wowohama ai tau ma goronaika de womitemo o ngo Saraika wato, “Nomataiti o tarigu irahai nale ngaro o litere monaoko de ahao nadedetahi de nohisapuru la gea ka idadi o roti nahinaanga.”

Dodadi 19:8

Abeika, to ngohi ngohi ora yahinooto abe yomoholehoka naga o tau ma goronaka, de ona ko ma moiuahi yomakitigi de o nauru. Ho sarakia nako ona tahihupuino de nidiai iti ka ti ngini dika nia mau, iti ufa o nauru yahinooto gea niaruwae. Ona ihirekatino ahi tauoka naa ho kiani ngohi tagoana itiai.”

Dodadi 33:10

Masara o Yakubu wato, “Hokogenangua ahi hininga, ngohi duru togahoko la ahi hidoaka naa nodafongo angamoi duru ahi hininga ma huha ihihangoka ma oraha tonimake abe ani himanga de ma gietoka. Abe ka de ani giete tamake de ahi garago hoka Ma Jou ai himanga ma giete tamakeoka!

1 Kokoano 17:11

De muna gea mosobo mato mile ai akere gea, de o Elia womagahokoli munangika wato, “De hobata, nako ka idadi, iti ani roti ma belaka enangoo nohigaoino.”

Higiriiri 104:15

Abe manga datomino ona yamake o angguru ma teongo, De ena gea ka idadi o nyawa manga hiningaka ihihisanangi. De manga datomino yamake manga minya abe ka idadi yapake, Abe o inomoka eko manga kaioka hiadono manga himanga ijaa-jaanga, De manga datomino yamake manga badanga ma hiputurungu.

Matiusu 6:11

De ngomi mimagahoko la Ngona o wange naa nomihidailako to ngomi mia inomo abe ka idadi imiwedono.

Hihira 13:15

De ahao o Manoa witemoli Ma Jou o Yawe ai malaekatika, wato, “Ngohi togahoko la ngona bole-boleohi nolio, nomihigunoa la minitumungohi la ka idadi minihakai o kabingi ma ngofaka moi.” Hokogea witumungu.

Hihira 13:16

Masara Ma Jou o Yawe ai malaekata wipaluhu o Manoaika wato, “Ngaro ngona nohitumungu masara ani inomo gea ko taolomua. Masara nako noigo nomahidiai o huhuba iharo-harongo gea irahai de ahao ani huhuba gea nomahihuba Ma Jou o Yaweika.” Hokogea wihingahu angamoi o Manoa ko wohiorikuahi ma gou-goungu nako witemo Ma Jou o Yawe ai malaekatika.

Hihira 6:18

De naa ngohi tale ahi huhuba abe tomahihuba Ngonaika. Ho togahoko la ufa noikoka ma nohidamaa dika nenangoka hiadono toboali de takelenga ani himangoka ahi huhuba gea.” Hokogea o Gideono wogahoko de Ma Jou o Yawe wopaluhu wato, “Ngohi duru nenangokahi tonidamaa ka hiadono noboali.”

Hihira 6:19

De o Gideono womataiti wolio ai tauika. De genangoka waleino ai kabingi moi ka ma goohi de watoma la wahakai. De o gandumu ma ngedere waleino abe o litere monaoko de wodiai o roti ko iwa ma ragi. Gea mata-mata ibooto de ahao o roehe ma teongo woguhe o manyilauku de ahao ma roehe wohingohama o karaanjauku de ma inomo gea mata-mata wao wigilio Ma Jou o Yaweika abe naa nagahi o tarabatini ma timiuku. De ai huhuba ma inomo gea wihidoaka Ma Jou o Yawe ai malaekatika.