Dodadi 18:25 - Ma Jou ai Demo-demo o Totobelohoka

²⁵ Abe done sarakia itiai Ngona Ma Jou nahidobinaaha o totiai ma nyawa de o dorou ma nyawa ka ma moi? Ngona gea ko idadiua! Abe nako hokogea nodiai gea hoka o totiai ma nyawa de o dorou ma nyawa nahidotelega de nato yomaketero dika. Ho gea Ngona ko idadiua! Ngona Ma Jou abe o dunia ma nyawa napareta de nahohowono itiai ho duru igoungu ma totiai dika Ngona naniiki.” Hokogea o Abarahaama wotemo-temo Ma Jouika.

Dodadi 18:25 ပူးပေါင်းရင်းမြစ်များ

Dodadi 18:24

Done bote naga o nyawa yamoritoa yogogere o kotaka gea abe manga datoro hatoli itiai, marai ona gea ko nahibinaahaua e? Ho ma titi yamoritoa gea abe manga datoro itotiai hiadono ka idadi o kota gea ko nohibinaahakauali.

Tobadotoko 7:15

Ngohi naa ngaro ahi wowango o duniaka ko iwa ma titi, masara naga ahi hininga ma dadaoko muruono abe tamakeoka. Abe ma moi ma moi tamake o totiai ma nyawa abe ko yaperekiuahi de ka yohonenge ngaro yowango yototiai dika. De nagali ma moi ma moi abe o dorou ma nyawa duru youmuru ngaro manga wowango ma datoro ma dorou yotobadiai.

Maleaki 3:18

De ma wange gea de ma moioli idadi itararono nginika abe hokokia tahikohowono o totiai ma nyawa de o dorou ma nyawa, de abe duru yomakohowono ona ihitobaleleani Ngohino de ona abe ko yolegaikaua ahi mauika.” Hokogea Ma Jou o Yawe ai demo onangika.

Gegetongo 16:22

Masara o Musa de o Harunu duru yomangumo yomamotumuku o tonakoka de duru manga gogianongoru gea yagahoko Ma Jouika ato, “Ma Jou, o wowango mata-mata ihititi Ngonaka de aino ho o nyawa mata-mataika manga nyawa to Ngona. Ho done sarakia Ngona nato nangamo ona mata-mataika naa ma titi womatengo dika ai howono?” Hokogea manga niniata ma demo.

2 Korintusu 5:10

Angamoi ngone homoi-homoi ahao kiani homakokiokoino o Yesusu Kristusu ai himangoka abe ma oraha wonatailako nanga datoro homoi-homoi abe nanga badangokahi hodiaioka. De ma oraha gea wonahibalaha ngoneino de ma rorahai ma titi nanga datoro ma rorahai abe hodiaioka. Masara abe nanga datoro ma dorou abe ngone hodiaioka, de gea ahao wonahibalaha de ma dorou ngoneino. De gea ma titi hiadono ngomi ka ihikaika mia hininga ma dumutu la miato wiwihisanangi Unangika dika.

Higalioli 1:16

“Ho ma oraha gea tahuloko o tobauru-urusu ma nyawaika gea tato, ‘Ngini naa naga nia tagongo la niaurusu de niatailako o nyawa manga gurubungu. Abe ngaro nia gogianongoru o Isiraele ma nyawa de ngaro o homoa ma nyawa abe yomadionikino dika nginioka, masara gea kiani niaurusu onagona dika abe naga de manga gurubungoka. De kiani nia putuhu mata-mata ka itotiai dika,

Higalioli 1:17

abe duru ko idadiua niairiki o nyawa. Ho ngaro o hu-huha ma nyawa naga manga gurubungu eko o kaya ma nyawa, masara ona mata-mata kiani niaurusu de niatailako itiai manga gurubungu. De ufa hiadono ngini inimodongo o nyawa onagonaika dika, angamoi ahao ti ngini nia putuhu gea ihititi Ma Jouoka dika. De nako ma moi ma moi naga o nyawa manga gurubungu abe ngini niamao ihuhaholi niamake ma gou-goungu ho ko nihiorikua ma putuhu koaho hokokia, gea de ahao ka idadi niboa ngohino. De ngohi ahao tinituruuru la ngohioli taurusu manga gurubungu gea.’

Higalioli 32:4

De nanga Jou Una hoka o lokuhakaru moi abe ai datorino de duru ko iwa ma howono, de to Una ai hidee mata-mata ka ma totiai dika. Ho duru ka idadi homahinganono nanga Jouika, angamoi duru ko ma iwa abe waputuhu ihowono masara watobagou-goungu de wotobatotiai dika.

Ibarani 12:23

De ngone naa homaketero hoka ngone homoi-homoi hodadioka to Ma Jou ai ngofa-ngofaka ma riaka homoi-homoiika. Abe ma titi to ngone nanga utumu de nanga behehongo ma owa Ma Jouino gea duru ilamoko ngoneino abe imaketero hoka womatengo o ngofaka ma riaka abe ka to unangohi ai utumu unangika duru ilamoko. Masara ngone naa mata-mata hamakeoka ma utumu ma amoko Unangoka abe ngone homoi-homoiino, de gea ngone homoi-homoi ai gareja ma doomu hodadioka, de to ngone nanga roma-romanga akokitulihukuoka o Horogaka. De ngone naa homahitiginoka Ma Jou ai himangino abe Una o nyawa mata-mata o duniaka naa to Una ai kuahaka la Una gea wonatobauru-urusu. De nanga doomuoka naa nagali Ma Jou ai totiai ma nyawa manga jiwa abe ma dodihirainohi de ona yohonengoka ho naa to ona gea manga kuranga ko iwaka, masara ona duru yongodumoka.

Hihira 11:27

Ngohi, o Yefata naa, ko ma moiuahi tahowono ngonaika masara ngona, o koano, nahowonoka abe nato nohiparangi ngohi abe tahihira o Isiraele ma nyawa. Naga Ma Jou o Yawe abe ngone o nyawa mata-mataika ai kuahaka de Una wonahohowono itiai ho kiani ngone mata-mata hihigunoa la ka Una dika waputuhu onagona yolaku ma oraha homaketeparangi, o Amono ma nyawa eko o Isiraele ma nyawa.” Hokogea o Yefata ai demo o Amono ma nyawa manga koanoika.