Dodadi 18:2 - Ma Jou ai Demo-demo o Totobelohoka

² De o Abarahaama womaboaiye de iwitodokana abe naga ko yokurutikaua Ma Jou o Yawe de o malaekata yahinooto masara manga rupa duru hoka o nyawa o nauru yahange yomaokoino genangoka. Ka de yahange gea wamake de o Abarahaama ai ngoranoka wosoboka la womataiti wabuhuku. De gea wabuhuku de ai horomati ho manga himangoka de womaponuku hiadono ai pea itiki ma tonakuku.

Dodadi 18:2 ပူးပေါင်းရင်းမြစ်များ

Dodadi 17:3

Ka de Ma Jou ai demo gea woihene de o Abaraama duru ai horomati itagi Ma Jouika hiadono womatilabukuku hiadono ma tonakuku itiki ai pea la gea wohitunguu de ai hininga ma gahumu Ma Jouika wihingounu. De ahao Ma Jou wotemoli o Abaraamika.

Dodadi 18:16

De ahao yahange gea yomahilooa ato yosobo de yomalega daenanguku abe manga dumutika o Sodomo ma kotaika abe naga daena ma dolaka. De gea yosobo de o Abarahaama ma ngekomika wangotaka.

Dodadi 18:22

Ho gea Ma Jou wotemo ibooto o Abarahaamika de o malaekata yahinooto gea yomadogilioro de yogila-gila manga dumutika o Sodomo ma kotaika. Masara o Abarahaama duru wihimanga Ma Jou o Yaweika. Ho ona yahinootokahi yomaboriokoino o ngekomoka, de o Abarahaama duru o Sodomo ma nyawa wademo Ma Jouika. Ho ihira wileha Unangika wato, “Ho ona gea abe manga datoro itotiai de ona abe manga datoro itotorou, ona gea ka ma moi nahidohohowono?

Dodadi 18:3

De wotemo unangika abe wahihira-hira wato, “Ahi Baluhu, naa nomahiadonoka ahi tauino ho nako nosanangi duru toigo nenangoka ngona de ani dodiawo naa tinitumungohi, wahiohi ngini nigila-gila.

Dodadi 19:1

Duru o wange ilobioka de ahao o malaekata yahinooto gea yomahiadono o Sodomo ma kotaika. De o Sodomo ma kota yakurungaka abe ma dadaduhu yodiai o hakaruino la ihigilolitino. Ho ona yahinooto yoboa o kota ma dadaduhu ma ngoranino. De o Loti naga wogogeruku o ngoranoka gea ma datekoka abe genangoka o kota ma dimo-dimono biaha yogogeruku. Ho o Loti wamake o malaekata yahinooto gea yoboaino. De womaokoino de wabuhuku de ai horomati abe womaponuku hiadono ma tonakuku itiki ai pea.

Dodadi 23:12

O Eforono wotemo ibooto de ma moioli o Abarahaama womaponuku manga himangoka abe yogogere o kotaka gea.

Dodadi 23:7

De o Abarahaama duru wosanangi manga demoika gea de womaponuku manga himangoka la wohitunguu ai horomati onangika.

Dodadi 24:63

Ho ma oraha naa woboaka ai tauino o Negeboka gea de o wange moi duru o bobimaowaka o redika woiki de genangoka wotagi-tagi womahohininga. De duru ma oraha gea ona yoboa abe o ngo Ribeka imiao de naa ona yotigioka. Ho ka de o Isaka womaboaiye de wamake o unta-unta gea iboainoka de woiki ona wabuhuku.

Dodadi 32:24

Ho o Yakubu ka womatengokahi naga abe manga dingiiokahi. De ahao naga womatengo wingino o Yakubino de yomakataoko yomahiketehilolumomiki hiadono ngade-ngade yahidetebiniye.

Dodadi 42:6

De mangale naa o Yusupu wodadioka o Mesiiri ma tonakoka manga hidimono wokokurutiye ho una dika wofuku-fukunu ma inomo o nyawa mata-mataika. Ho o Yusupu ai ria-riaka o Mesiirika yomahiadonoka de yoboaino o Yusupino de manga horomatioka yomaponu-ponuku ai himangoka.

Dodadi 43:26

Ho ka de o Yusupu woboaino de yatilabukuku ai himangoka hiadono manga pea itiki ma meheluku de manga hidoaka yakelenga ai himangoka.

Dodadi 43:28

De ona iwipaluhu ato, “Marai una nagahi gea doka mia tonakoka abe ma oraha ngomi wiwinoa de una ka woputurungohi.” Hokogea yotemo ibooto de ahao yomaponukokali o Yusupu ai himangoka hiadono manga pea itiki o tonakuku.

Dodadi 44:14

De o Yusupu nagahi ai tauoka ma oraha yoboainoli de o Yehuda wahihira-hira ai roria-dodoto de ona yatilabukuku ai himangokali hiadono manga pea itikiuku ma meheluku.

Dodadi 48:12

De ahao o Yusupu ai ngofa-ngofaka wahirehene manga ete ai himangino de ahao de ai horomati ma gahumu womaponuku ai baba ai himangoka ka hiadono ai pea itiki o meheluku.

2 Kokoano 2:15

De ma oraha gea nagahi Ma Jou ai uru ma dodofanga manga ngoe abe o Yerikoka de yaino yoboa, de ona nagahi hatoli manga gurutika ho yamake gea abe idadioka. De yamake ipaha de ahao yotemo ato, “Abeika, Ma Jou ai hiakunu gea abe ma dihiraino imanoa o Elia ai badangoka ma oraha naa imanoali o Elisa ai badangokali!” Ho ona mata-mata yokokiloiki la iwitutumu de ahao yomaponuku ai himangoka hiadono manga pea itiki ma tonakuku.

Roma 12:13

De nako naga nia gogianongoru o Yesusoka abe yohu-huha, ona gea ngini niaduhunu la manga perelu niahidailako onangika. De nako yoperelu la yomahidodogumu nia tauoka, ona gea niadafongo nia tauino.

Ibarani 13:2

Abe nako naga o nyawa yoboa manga gurutoka de aino de ona yotulu nia tauino, ona gea ufa niaoluku masara ka idadi niadafongo nia tauino la yomahidodogumu nginioka. De gea ufa niawohanga abe hokokia ma dodihiraino idadioka, abe o nyawa yadafongo manga tauino ona abe yotagi-tagi, masara gea ipahaino de ahao ona o tau ma dutu yahioriki ona gea abe yomahidodogumika gea tanu ko o nyawa biahaua masara o malaekata. Ho marai nginioo ahao niadafongo bote Ma Jou ai malaekata.

Yosua 5:13

De o Yosua woiki womahitigi o Kanani ma nyawa manga kota o Yerikoika. De gea womalega ai himangika de wimake o nauru womatengo womaokoino ai himangoka de una gea wasoino ai humaranga ma doto arihononga. De ahao o Yosua womahitigi-tigika o naurika gea de wileha wato, “Ngona naa to ngomi mia dodiawo eko mia musu?”

1 Peturusu 4:9

De nako nia gogianongoru inirekata nginika, gea kiani nimakokadafongo de nimakao irahai, de ufa niahigurubungu onangika abe ona inirekatino.

Hihira 13:3

De ahao naga Ma Jou o Yawe ai malaekata womahimatoko munangika de womihingahu wato, “Ngona igoungu ma dihirainohi de ko idadiua nodami ho namakeuahi ani ngofaka. Masara ko itedekanokaua de ngona ahao idadi de ani badangoka de ani ngofaka gea o nauru.

Ruutu 2:10

Ka de ai demo gea moihene de o ngo Ruutu momaponuku ai himangoka hiadono ami pea itiki o tonakuku de motemo mato, “Ahi baluhu, adodoa ho ngona nohilegaika ngohino de ani dora ngaro ngohi o homoaino ma nyawa dika?”