Dodadi 18:14 - Ma Jou ai Demo-demo o Totobelohoka

¹⁴ Sarakia, naga moi abe Ma Jou ko wakunua wodiai? Ko iwa moi! Ngohi tagoungu abe o taongo moiohi ipahaika de adonoka ma oraha tohikaaturoka abe Ngohi tinitutumoli de gea o ngo Sara ami ngofaka momamakeokau.” Hokogea Ma Jou ai hitararono o Abarahaamika.

Dodadi 18:14 ပူးပေါင်းရင်းမြစ်များ

Dodadi 17:16

De Ngohi ahao tomihiakunu la muna de ami badangoka la gea Ngohi tonihidoaka ani ngofaka o nauru munangino. Hokogea o ngo Sara Ngohi tomihiowa la hiadono muna tomihidadi o kapongo ma ngoe manga meme. De ngaro o nyawa yomakokitingakika o nuuhu homoi-homoioka hiadono manga demo imalolihowono de manga gogeroo o tonaka ma ngoeoka, ma, yomeme munangika. De naga utu yodadi o kokoano abe ami totofora ahao yomaregu-regu hiadono o dutu homoi-homoiika de manga kokoanoka.” Hokogea Ma Jou ai behehongo abe ma titi o ngo Sarai.

Dodadi 17:21

Masara abe ngona de Ngohi homahiketehibehehongoka, ahi behehongo gea tangodumu o Isakika abe o taongo doka nanga himangoka de womaboa o ngo Saraino.”

Dodadi 18:10

De ahao Ma Jou o Yawe wihingahu o Abarahaamika wato, “O taongo moiohi ipahaika de ahao Ngohi toboali ngonaino. De ma oraha tonitutumoli de ngoni fekata momangakunokau de ami ngofaka o nauru.” De ma oraha Ma Jou wotemo hokogea de o ngo Sara naga ai poretoka, abe ona yopore-poretika o Abarahaama ai tau de muna naga o tau ma goronaka. Abe duru o tau ma ngorana ma datekoka muna momahidutukika matotoihene manga demo.

Dodadi 18:13

De ahao Ma Jou o Yawe wotemo o Abarahaamika wato, “Adodoa ho o ngo Sara mogiete? De adodoa ho moleha mato, ‘Done sarakia tamakeohi o ngofaka abe ngohi naa ihiperekioka?’

Dodadi 18:15

Ka de Ma Jou ai demo gea moihene de o ngo Sara mohawanoka ho momahipongono mato, “Masara ko togietua.” Masara Ma Jou womihiree-reeika wato, “Masara Ngohi tagoungu tato, ngona noietoka.”

Dodadi 21:1

Ma dihira Ma Jou o Yawe womihingahuoka o ngo Saraika wato womihiowa hiadono o ngofaka momamake. De ma oraha adonoka abe ma dihira womihibehehongoka ho naa idadioka Ma Jou o Yawe ai behehongo munangika.

Dodadi 21:2

Ho o ngo Sara igoungu de ami badangoka. De muna ahao momagerewoto de ami ngofaka o nauru. De gea momagerewoto duru ma oraha abe ma dodihiraka de Ma Jou wohiaturoka de abe wihingahuoka o Abarahaamika. De una duru iwiperekioka ma oraha gea ai ngofaka o nauru gea wimake.

2 Kokoano 4:16

Ho muna momaokoino genangoka de o Elisa womihingahu, wato, “O taongo moiohi abe ngade-ngade adonokali ma tanggala naa de ngona nitotirino ani ngofaka o nauru.” Hokogea womihingahu de muna duru imitodokana de mopaluhu unangika, mato, “O ahi baluhu ufa! Ngona o nauru abe duru nileleani Ma Jou ho ufa nohihihuha de o ngeluku hokogea.”

Higiriiri 95:3

Angamoi to ngone nanga Jou o Yawe Una gea duru wokokurutiye, abe ngaro de o jou mata-mataika masara ka Unangohi woloku-loku mangale Una duru wahikoano mata-mataika.

Gegetongo 11:23

De ahao Ma Jou o Yawe Unangoli wileha o Musaika, wato, “Ho sarakia Musa, ngona nato to Ngohi ahi buturungu de ma batingoka? Ahao naa de ngini duru nihikokioriki nako Ngohi tagou-goungu todiai o nyawaika hoka tohibehehongoka. Abe duru de ma oraha nenanga de Ngohi duru tagoungu tinihidailako o roehe gea imakadaene hoka tinihibehehongoka la duru ngini nihihioriki to Ngohi ahi kuaha mata-mataika yadaene. Abe ka de hokogea niamake de duru nihingaku Ngohino abe Ngohi tagou-goungu.” Hokogea Ma Jou wihingahu o Musaika.

Matiusu 14:31

Ka de o Peturusu wopoaka de o Yesusu ai giama widoaka de wiso o Peturusika done wogila-gila iwilutu. De o Yesusu witemo unangika wato, “Ahi dodiawo, marai ani ngongaku Ngohino ko ilamokuahi, e? Adodoa ho hiadono ani hininga ka hinootohi Ngohino?”

Matiusu 19:26

De womalega onangika de wato, “Gea duru niagoungu. Nako o nyawa dika, duru ko yakunua, masara Ma Jou hokogenangua. Nako de Ma Jou, ngaro o kia dika, ma ka wakunu.”

Matiusu 3:9

De ahao o Yohanese ai dodaere ma demo wohigila-gilali onangika wato, “De ngini ufa niataoko ihowono abe ma titi Ma Jou ai hininga ngone o Yahudi ma nyawaino. Abe ufa nimatemo nia hiningaka niato, ‘Ngone naa o Abarahaama ai totoforauku ho ahao Ma Jou Una ko wonahohowonua ngone.’ Ho ufa hokogea nimafikiri angamoi Ma Jou wonadafongo ngone abe gea ko ma titiua nanga tofora o Abarahaamino masara abe ma titi to ngone nanga hininga hokokia Ma Jouika.” “Ho ufa niato bote ngini naa nitotiaioka Ma Jou ai himangoka ma titi ngini o Abarahaama ai totoforauku, angamoi ko genanginoua ma titi hiadono Ma Jou winidafongo. Angamoi nako Ma Jou woigo wodiai, tanu Una ka idadi wapake ka o hakaru dika abe dau nanga louoka naa abe ko kia-kiaua ma titi de genangino wahidadi o Abarahaama ai totoforauku utuoli, ho ufa ngini niataoko ihowono de nimafikiri abe nia gogere ikurutiye Ma Jou ai himangoka.”

Maruku 10:27

De womalega onangika de wato, “Duru niagoungu. Nako o nyawa dika, duru ko yakunua, masara Ma Jou hokogenangua. Nako de Ma Jou, ngaro o kia dika, masara ka wakunu wodiai. Ho naga utu ahao yamake o wowango ka hiado-adonika Unangino.”

Lukasa 1:13

Masara o Gabiriele witemo o Sakariaika wato, “Sakaria, ngaro ufa nohawana, angamoi naa ngohi toboa la tonihingahu abe Ma Jou wohigihenoka ani gogahoko. Abe ma dodihirainohi de ngona nogahoko Ma Jouika o ngofaka, ho Una wohihidingotino la gea tonihingahu ngonaika. Ho ngoni fekata o ngo Elisabete ahao momagerewoto de ami ngofaka o nauru, de ti ngini nia ngofaka gea kiani ngona nihiromanga o Yohanese.

Lukasa 1:18

De o Sakaria wileha o Gabirielika wato, “Ka idadi o dodunguu moi nohihidoaka la tohioriki itaana abe ahao idadi hoka nohihibehehongoka? Angamoi ngohi de ngohi fekata imikokiperekioka ho done sarakia miamake o ngofaka?”

Lukasa 8:50

Masara ka de o Yesusu woihene ma abari ma demo gea de witemo o Yairusika wato, “Ngaro ufa nohawana, ma kiani nohingaku Ngohino. De ahao muna ka idadi motogumu ami panyakeino.”

Roma 4:21

De hokogea to una ai hininga angamoi duru wohioriki de wonganono abe Ma Jou ka wakunu wohingodumu to Una ai behehongo unangika.

Efesusu 3:20

Ho naa koaho ngone hihigiriiri Ma Jouiye! Angamoi Una gea ka wakunu wodiai mata-mataika abe ngone homagahoko eko hafikiri. De gea ngaro o kia dika abe ngone ko homagahokuahi eko nanga hininga ko akunua afikiri genangika, masara Una ka wakunu mata-mataika wodiai. De gea wodiai de wapake de to Una ai kuaha abe itobakarajaanga to ngone nanga hiningaka.

Higalioli 30:3

de ahao ti ngini nia Jou Una gea ka idadi wohikawalimi nia wowango ma kangela angamoi ai hininga ma dora ma hiokoo itagioli nginika. Abe gea ahao Una winihitoomuinoli o homoa ma nyawa manga tona-tonakino la ibootohi ngini nimadioniki onangoka.

Filiipi 3:21

De Una gea woboaka de ahao nanga badanga duru ilolamaana naa wakokituruuruoka la hiadono to ngone nanga badanga de to Una ai badanga, abe de ma dararonoka, duru idadi hoimoi. De gea ka wakunu wodiai angamoi Una de ai kuahaka la mata-mataika ka idadi wohipareta. Ho ngone duru de nanga magaweoka hingano-nganono nanga Duduhunu.

Filiipi 4:13

De ma titi o kia hiadono ka idadi toriidi? Ngohi ka tapoa toriidi angamoi ma buturungu o Kristusoka de aino wohihidoaka. Ho ngaro o kia dika naga iboa ngohino, ma, ngohi ka tapoa tolaku angamoi naga ngohioka ma buturungu gea abe Una wohihidoaka ngohino.

Ibarani 11:19

Angamoi doka o Abarahaama ai hiningaka una wato nako o Isaka kiani wohonenge, gea naga Ma Jou ai kuaha la wihimomikoli ai honengino. De gea ngade-ngade hokogea ka idadi hohiromanga, angamoi gea imaketero hoka o Isaka wohonengoka de Ma Jou wihimomiki ai honengino la wowangoli. Ho gea o Abarahaama ai hiningaka wato ka idadi ai ngofaka o Isaka wihidadi ai huhuba angamoi wingaku Ma Jouika.

Hihira 13:3

De ahao naga Ma Jou o Yawe ai malaekata womahimatoko munangika de womihingahu wato, “Ngona igoungu ma dihirainohi de ko idadiua nodami ho namakeuahi ani ngofaka. Masara ko itedekanokaua de ngona ahao idadi de ani badangoka de ani ngofaka gea o nauru.

1 Samuele 14:6

De genangoka ahao o Yonatana witemo ai dodiawoika gea abe watobaao-ao ai kiahonanga wato, “Abeika ngone hoiki dokaika o Filistina ma nyawa gea manga gogoana ma ngiika. Abe ona gea duru ko iwihiorikua nanga Jou o Yawe, ho marai Una wosanangi wonaduhunu ngone naa. De nako Una gea duru ko iwa abe ka idadi iwihikala Unangika. Abe ngaro ai nyawa ko manga ngoe eko ka manga hohutulu dika masara ko adodoaua angamoi Una gea ka idadi wapake la wahikala nanga musuika!”