Dodadi 17:6 - Ma Jou ai Demo-demo o Totobelohoka

⁶ Ngohi tonihiketero hoka o gota abe duru itotohofoko angamoi hokogenangoo ani totofora ahao duru ko manga ngoe de manga gogeroo o tonaka ma ngoeoka. De hiadono naga utu ani totoforaukuino abe ahao yodadi o kokoano ma nyawa.

Dodadi 17:6 ပူးပေါင်းရင်းမြစ်များ

Dodadi 13:16

De to ngona ani totoforauku tahidadi la yolape-lapeuku hiadono duru ko manga ngoe-ngoeuku. Abe hiadono ona hoka o tonaka ma kafo manga ngoe, ho ko moiua yapoa yaetongo ani totoforauku manga ngoe.

Dodadi 17:16

De Ngohi ahao tomihiakunu la muna de ami badangoka la gea Ngohi tonihidoaka ani ngofaka o nauru munangino. Hokogea o ngo Sara Ngohi tomihiowa la hiadono muna tomihidadi o kapongo ma ngoe manga meme. De ngaro o nyawa yomakokitingakika o nuuhu homoi-homoioka hiadono manga demo imalolihowono de manga gogeroo o tonaka ma ngoeoka, ma, yomeme munangika. De naga utu yodadi o kokoano abe ami totofora ahao yomaregu-regu hiadono o dutu homoi-homoiika de manga kokoanoka.” Hokogea Ma Jou ai behehongo abe ma titi o ngo Sarai.

Dodadi 17:20

De naa tonihingahu abe ma titi ani ngofaka o Isimaele. Abe ani gogahoko kangano tonigihenoka de igoungu ahao unangoo tihiowa abe tihidadi la ai ngofaka manga ngoe de ka ihikaika yowoe-woeuku. To una ai ngofa-ngofaka o nau-nauru yangimoi de yahinooto de ona yodadi o nyawa manga dutu homoi-homoiika. De yomahiromanga de o romanga moi dika ngaro manga dutu yangimoi de yahinooto o Isimaele ai totoforauku gea.

Dodadi 17:4

De wato, “Hokonaa to Ngohi ahi behehongo ngonaika. Ahao ani totoforauku onangoli homoi-homoi yodadi o nyawa yowoe-woe manga dutu. Ho ika-ika de ahao ngaro o nyawa abe yomahikabarihoka ho yogogere o tonaka ma ngoeoka masara ona ko manga ngoe yobaba ngonaika.

Dodadi 26:22

Ho yomaturuuruoli o Isaka, de ai nyawa, de ai duduono mata-mata yomaturuuru. Ho ahao o humu moioli yofaiti de ma moioli o akere yamake. Masara ko yaiwa ma nyawa genangoka abe yahikangela ma titi manga humu gea ho o Isaka wohiromanga o Rehoboto ma humu abe ma titi o gupa kohaamokika. Abe wotemo wato, “Nenangoka Ma Jou o Yawe wonahidailakoka o tonaka naa abe inawedono hiadono nanga kuranga ko iwa de ka idadi nanga datomo de nanga dofo de ma hasiloka.”

Dodadi 28:3

De naa tonigahoko la ahao Ma Jou Wopoputurungu wonihiowa hiadono duru nifaa-faatuku hiadono wonihidadi o nyawa manga ngoe manga dutu ho ani totoforauku duru yowoe-woeuku.

Dodadi 35:11

De Ma Jou wohigila-gila wotemo o Isiraelika wato, “Ngohi Ma Jou Tokokurutiye abe mata-mataika naga ahi kuahaka de naa tonihibehehongo la ngini nifaa-faatuku la o dunia niaomangoka de o nyawa. To Ngohi ahi mau la ngini abe nimahiromanga o Isiraele ma nyawa nidadi o dutu moi ma amoko o duniaka. De ahao ngona o Isiraele naga o dutu manga ngoeoli yomaboa de hiadono naga o kokoano abe yomaboa to ngona ani totoforaukuino.

Dodadi 41:52

De ai ngofaka o dodoto wihiromanga, “o Totohofoko,” abe to ona manga demo “o Efaraimi” angamoi ma oraha womaboa o Yusupu womahingahu ai hiningaka wato, “Ma Jou wohiaturu la ahi wowango de ma utumoka ngaro ahi kangela ma ngoe o tonakoka naa.”

Dodadi 47:27

Ho naa o Isiraele ma nyawa yogogere o Mesiiri ma tonaka ma honongaka o Gosene ma romanga. De yamake manga tonaka ma rahai genangoka hiadono manga wowango duru de ma utumoka. De yofaa-faatuku hiadono itaiti manga ngoe.

Dodadi 48:3

Ho gea yowohama o Yakubika de witemo o Yusupika wato, “Ahi ngofaka, naa moi kiani toniade-ade ngonaika ma titi Ma Jou ai behehongo ngoneino. Abe ngohi ma moiuku o Beteloka abe ma ngi gea naga ma romanga moioli o Luusu de genangoka Ma Jou Wokokurutiye womahimatoko ngohino.

Dodadi 48:4

De Una wohihibehehongo ngohino wato, ‘Ngohi naa tonihiowa ngonaika la duru nofaa-faatuku hiadono ani totoforauku yodadi o nyawa manga dutu ko manga ngoe. De naa Ngohi Ma Jou tonihibehehongoo ahao tahidoaka o Kanani ma tonaka naa onangika la yomahitoonangoka ka hiado-adonika. De ngaro ngona nohonengoka masara nako ma tonaka ma behehongo gea ko ihihangua.’ Hokogea Yusupu, abe Ma Jou Wokokurutiye ai hiowa ma demo ngohino.”