De ona gea wahiowa wato, “Ngohi toigo la ngini ningofa-ngofakuku de nidano-danonguku la duru ko nia ngoe nigogere o dunia ma amokika la o dunia de ma dola mata-mataika niapareta. Ho o nawoko o gahioka de o akeroka, de o totaleo ihoo-hoho, de o aewani mata-mataika ngaro o dofo, de o fuhuku, de imalia-liara, ma, gea mata-mata tinihidoaka nginika la ti ngini nia kuahaka la ka idadi nihiaturu.”
Dodadi 17:16 - Ma Jou ai Demo-demo o Totobelohoka16 De Ngohi ahao tomihiakunu la muna de ami badangoka la gea Ngohi tonihidoaka ani ngofaka o nauru munangino. Hokogea o ngo Sara Ngohi tomihiowa la hiadono muna tomihidadi o kapongo ma ngoe manga meme. De ngaro o nyawa yomakokitingakika o nuuhu homoi-homoioka hiadono manga demo imalolihowono de manga gogeroo o tonaka ma ngoeoka, ma, yomeme munangika. De naga utu yodadi o kokoano abe ami totofora ahao yomaregu-regu hiadono o dutu homoi-homoiika de manga kokoanoka.” Hokogea Ma Jou ai behehongo abe ma titi o ngo Sarai. အခန်းကိုကြည့်ပါ။ |
Dodadi 17:16
17 ပူးပေါင်းရင်းမြစ်များ
De Ma Jou wopaluhu o Abarahaamika wato, “Ani gogahoko todafongo masara ngoni fekata o ngo Sara ahao munangino ngona nimake ani ngofaka abe tonihibehehongoka, tato ani ngofaka ahao namake, de una gea kiani nihiromanga o Isaka. De abe tonihibehehongo ngonaika gea idadi ahi behehongo o Isakikali, de itagi to una ai totoforauku mata-mataikali abe gea o behehongo ka hiado-adonika onangoka.
Ho momaniata Ma Jou o Yaweiye de Una womipaluhu wato, “O ngo Ribeka, ani ngofaka ma ngioka naga o nyawa manga dutu yahinooto, De ani totoforauku o doomu hinooto gea ahao yomakokitingakika, De o doomu hinooto gea naga moi abe onangohi duru de manga buturungoka, Abe o riaka to una ai totoforauku ahao o dodoto ai totoforauku yaleleani.”
De Ma Jou wohigila-gila wotemo o Isiraelika wato, “Ngohi Ma Jou Tokokurutiye abe mata-mataika naga ahi kuahaka de naa tonihibehehongo la ngini nifaa-faatuku la o dunia niaomangoka de o nyawa. To Ngohi ahi mau la ngini abe nimahiromanga o Isiraele ma nyawa nidadi o dutu moi ma amoko o duniaka. De ahao ngona o Isiraele naga o dutu manga ngoeoli yomaboa de hiadono naga o kokoano abe yomaboa to ngona ani totoforaukuino.
Abe hoka o ngo Sara muna gea mihigihene ami rokata o Abarahaamika, de gea ka idadi hohioriki abe to muna ami hingounu naga ami rokatika angamoi muna miahoko mato “Ahi baluhu” unangika. De tanu nginioo naa nimaketero abe hoka to munangoli ami hininga. Ho iti nginioo ma rorahai dika nitobadiai de ko nihawanua abe ma titi niohimanga nia kangelaika, de gea ka idadi tinihiromanga tato ngini hoka to o ngo Sara ngomi ora-ora angamoi gea nia hiningaka de duru imakiniiki de hoka to munangoli ami hininga.
ကြော်ငြာတွေ