Dodadi 16:5 - Ma Jou ai Demo-demo o Totobelohoka

⁵ De o ngo Sarai ami huha gea momahingahu ami rokatika mato, “Ma titi ngona ho abe naa ahi huha tamake. Muna gea ngohi tomihidoaka ngonaika de abeika, ka de muna de ami badangoka de mohidohata ngohino. De gea ma titi to ngona ani howono. Marai Ma Jou unangoo wato nako ngona de ngohi ma ka ngonahi de ani howonoka.” Hokogea o ngo Sarai ami howono midaparihi ami rokatika.

Dodadi 16:5 ပူးပေါင်းရင်းမြစ်များ

Dodadi 16:4

De o Abaraama womaidu de o ngo Hagara de hiadono muna ahao de ami badangoka. Masara ka de o ngo Hagara de ami badangoka de muna momahigiriiri mato, “Ngohi dika o ngofaka tomamake. Muna ko mamakeua!” Hokogea momihohedu o ngo Saraiika abe duru momihitipokouku.

Dodadi 31:53

De naa ahi koboto ma demo tapake la tonagahoko o kangela Ma Jouino nako hatilakuru nanga behehongo naa. De Ma Jou gea Una abe to ngona ani ete o Abarahaama de to ngohi ahi ete o Nahoro yomahijou Unangika, gea Una ahao wonahohowono nako hatilakuru nanga batingi.” Hokogea o Labana ai koboto. Ho o Yakubu unangoo wokoboto wato “Ngohioo duru de ahi horomati ahi baba o Isaka ai Jouika ho ngohioo totemo to Una ai himangoka ka idadi wohihohowono nako ngohi nanga batingi naa tatilakuru.”

Huhupu 5:21

Ho ka de o Isiraele ma nyawa manga balu-baluhu gea yomakamake de o Musa de o Harunu de yahigurubungu onangika, ato, “Ngaro ngini inihinooto Ma Jou o Yawe winitailako de winihohowono angamoi ngini ma titi hiadono o kangela naa imiohana ngomi! Ngini nimihidadi hoka o mela dika o Firaunu de ai popareta ma nyawa manga himangoka! Ma titi ti ngini nia demo hiadono ngomi yoigo imitoma!” Hokogea manga gurubungu ma demo o Musaika de o Harunika.

Hihira 11:27

Ngohi, o Yefata naa, ko ma moiuahi tahowono ngonaika masara ngona, o koano, nahowonoka abe nato nohiparangi ngohi abe tahihira o Isiraele ma nyawa. Naga Ma Jou o Yawe abe ngone o nyawa mata-mataika ai kuahaka de Una wonahohowono itiai ho kiani ngone mata-mata hihigunoa la ka Una dika waputuhu onagona yolaku ma oraha homaketeparangi, o Amono ma nyawa eko o Isiraele ma nyawa.” Hokogea o Yefata ai demo o Amono ma nyawa manga koanoika.

1 Samuele 24:16

De o Saulu wipaluhu de ai ilingi ma amokiye wileha wato, “Igoungu, ngona ahi ngofaka o Dautu?” Hokogea o Saulu wiboaka o Dautika de womulaenge woari.