Dodadi 16:4 - Ma Jou ai Demo-demo o Totobelohoka

⁴ De o Abaraama womaidu de o ngo Hagara de hiadono muna ahao de ami badangoka. Masara ka de o ngo Hagara de ami badangoka de muna momahigiriiri mato, “Ngohi dika o ngofaka tomamake. Muna ko mamakeua!” Hokogea momihohedu o ngo Saraiika abe duru momihitipokouku.

Dodadi 16:4 ပူးပေါင်းရင်းမြစ်များ

Dodadi 16:5

De o ngo Sarai ami huha gea momahingahu ami rokatika mato, “Ma titi ngona ho abe naa ahi huha tamake. Muna gea ngohi tomihidoaka ngonaika de abeika, ka de muna de ami badangoka de mohidohata ngohino. De gea ma titi to ngona ani howono. Marai Ma Jou unangoo wato nako ngona de ngohi ma ka ngonahi de ani howonoka.” Hokogea o ngo Sarai ami howono midaparihi ami rokatika.

Dodadi 19:31

De o wange moiuku ngoi ora o riaka ami hininga momahingahu ngomi dodotika mato, “Ngaro o dunia ma amokika ma o nyawa manga biaha yoilaka de yamake manga ngofa-ngofakuku de manga dano-danonguku naga. Masara hiokoo ngone! To ngone nanga baba iwiperekioka de ko iwa ai danongo. Nako ngona de ngohi, igoungu hoigo la nanga ngofaka naga. Masara o kiaino hamake nanga rokata? O nyawa utu ko yaiwa abe yogogere o loku-lokuoka naa. Ho naa ma ngekomo hodiai: Abeika, nanga baba hihiokere o angguru ma gohaka la duru iwidalukoka hiadono ai hininga wawohangoka, de ahao ka idadi homakitigi de una la nanga ngofaka hamake. Hokogea hodiai la nanga totoforauku naga nanga babaino.”

Dodadi 21:9

Masara o ngo Sara ikuranga ami garago o rame-rameoka gea angamoi muna mimake o Isimaele widumu o Isakika de ko mapoaua mimake wigiete ami ngofaka o Isaka. O Isimaele gea o Abarahaama ai ngofaka o riaka abe wimake o Mesiiri ma nyawaino, abe una o ngo Hagara ami ngofaka.

Dodadi 30:4

Hokogea o ngo Rahele ami hininga ho o ngo Bilaha momihidoaka ami rokatika de o Yakubu womihigihene ho yomaidu de o ngo Bilaha.

2 Samuele 6:16

Masara o Dautu ngoi fekata, abe o Saulu ngoi ora o ngo Mikala, naga ami jendelaka abe muna mowuni-wuningi ma oraha yowohama o kota ma goronaika de Ma Jou o Yawe ai Peti. De muna mimake ami rokata o Dautu abe una womapaa-paatiye de woselo-selo Ma Jou o Yawe ai himangoka de muna duru ami hiningaka mihitipokouku ka hiadono midohata unangika.

1 Korintusu 4:6

De ahi gogianongoru, ahi huratoka naa abe tapake to Apoloso ai romanga de to ngohi ahi romanga, gea mia romanga tapake de tohitulihuku dika la tinidotoko nginika. Abe ngohi tato tinidotoko la ngini Ma Jou ai Demo-demo duru nianiiki de ufa hiadono o nyawa onagona dika de ngini niagorakiye de niahigiriiri ona gea, done utu duru niagorakiye de naga utuikali duru niadohata.