Dodadi 15:4 - Ma Jou ai Demo-demo o Totobelohoka

⁴ De ahao Ma Jou o Yawe wopaluhu o Abaraamika, wato, “Ko o Elieserua abe ahao wamake ai oara ma amoko ngonaino ma oraha nohonenge masara womatengoli, abe to ngona ani ngofaka idodutu, ahao una dika wamake.”

Dodadi 15:4 ပူးပေါင်းရင်းမြစ်များ

Dodadi 15:1

Mata-mata gea ipaha de ahao naga moi o himatoko Ma Jou o Yaweoka de aino abe wihimatoko o Abaraamika. De ai himatoko gea imaketero hoka duru yomarihimangino, de Ma Jou wihingahu wato, “Abaraama, ngaro o kia dika naga ma ufa nohawana, Ngaro naga ani musu ma Ngohi todadi ani dadatoko, De ani utumu o kiahonangino abe Ngohino ahao namake kohaamoko, Mangale ngona nosanangi nohiniiki Ngohi naa.”

Dodadi 17:16

De Ngohi ahao tomihiakunu la muna de ami badangoka la gea Ngohi tonihidoaka ani ngofaka o nauru munangino. Hokogea o ngo Sara Ngohi tomihiowa la hiadono muna tomihidadi o kapongo ma ngoe manga meme. De ngaro o nyawa yomakokitingakika o nuuhu homoi-homoioka hiadono manga demo imalolihowono de manga gogeroo o tonaka ma ngoeoka, ma, yomeme munangika. De naga utu yodadi o kokoano abe ami totofora ahao yomaregu-regu hiadono o dutu homoi-homoiika de manga kokoanoka.” Hokogea Ma Jou ai behehongo abe ma titi o ngo Sarai.

Dodadi 21:12

De ahao Ma Jou wihingahu o Abarahaamika wato, “Ngaro ufa ani hininga ihuha, de ngaro ufa nato gea duru itorou abe ngoni fekata monihuloko nodiai ani ngofaka o goduuruika gea de ngoi memeika. Ngona nomihigihene dika o ngo Sara ami demoika, abe muna mato ani gilaongo o ngofeka gea de ani ngofaka munangino kiani yahinooto nahihupu nginioka. Angamoi ngona ahao o Isakino dika namake ani dano-danonguku abe tahiromanga ani totoforauku idodutu.

2 Samuele 7:12

Ho ma oraha ngona nohonengoka de inihitoomuika de ani totofora manga lungunoka de ahao naga ani ngofaka womatengo wodadi ani duruuru o koano abe una duru de ai kuahaka. De Ngohi todiai la una de ona abe wahikoano duru de manga buturungoka.

Galatia 4:28

De ngini naa, ahi gogianongoru, ngini tinihiketero de hoka o Isaka abe una o ngo Sara ami ngofaka, angamoi una womaboa gea ma titi Ma Jou ai behehongino. De nginioo naa nidadioka Ma Jou ai behehongo ma ngofa-ngofaka, angamoi ngini niangaku to Una ai behehongika.

Filemono 1:12

De una gea abe naa tihigilio ngonaika, ngaro ngohi naa tamao hoka to ngohi ahi hininga ma hirete tohidingoto ngonaika, angamoi hokogea ma amoko ahi dora abe tidora ahi ngofakika gea.