Dodadi 15:12 - Ma Jou ai Demo-demo o Totobelohoka

¹² De adonoka o wange ngade-ngade itumunu de o Abaraama duru iwikiookoka de ka itodokanino wamao hoka iwihidutufutukuholi. De gea wamao ma fufutu o fara moi hiadono ai hawana iboa abe duru ko wapoaua.

Dodadi 15:12 ပူးပေါင်းရင်းမြစ်များ

Dodadi 15:11

De ahao naga o totaleo muruono naga iboa abe to ena ma inomo o aewani ma honenge. De o totaleo gea ikokitangi o aewani ma honenguku gea la aolomo masara o Abaraama wogoana, ho o totaleo mata-mata gea wakiniiki la iloara.

Dodadi 2:21

Ho o Adama Ma Jou o Yawe wihidoaka o honenge ma ngidu de ahao wafelenga o Adama ai kai de wagoraka moi ai kobongo ai gumurukino de ahao wohitamunikali de ai roehe.

Dodadi 28:11

De o wange moiuku womahiadono o ngi moiika abe wato, “Naa o wange itumunoka ho ngade-ngade yofutu de koaho naangoka dika tomaidu.” Ho womaleino o hakaru abe naga genangoka de womahipangini. Ho de ahao womaidu o ngioka gea.

Hidingoto 20:9

De naga genangoka o goduuru womatengo ai romanga o Yutikusu, de una gea wogogeruku o jendela moioka abe idateke ma hoanika. De una wohitaili wotoihene o Paulusu ai demoika, masara ino ino abe o Paulusu ko womatogu-togumua de o Yutikusu ko wapoakaua angamoi duru iwikiooko. De ahao una duru iwikiookoka ho hiadono ka itodokanino de iwiotaka ma lape hangeoka de wauku. De ona yauku unanguku de iwigoraka masara una wohonengoka.

1 Samuele 26:12

De yomaketemo ibooto de ahao o Dautu wagoraka ma kuama de ma boto abe o Saulu ai pea ma datekoka de ka yosobo. De ona yahinooto ka idadi yohupu ma tentara gea ma dodogumu ma ngioka de yaika de ko moi-moiua yahioriki eko yomamaoino. Angamoi Ma Jou o Yawe wokarajaanga manga badanga homoi-homoioka la duru yakokikiookoka.