Dodadi 14:7 - Ma Jou ai Demo-demo o Totobelohoka

⁷ Ka de o Kedoro-Lomere de ai tentara o Hori ma nyawa gea yahikokikala ibooto de ahao manga poretino yolio abe manga ngekomo ma marihapongoka aino de ahao yagila-gila o koano yamotoaika yoiki. Masara manga dodagioka naga o nyawa utuohi yaparangi. Abe ka de yomahiadono o Ene-Misipa ma tonakika de yahibinaaha o Amaleke ma nyawa abe yogogere genangoka. De ahao yogila-gila de o Amori ma nyawaoo abe yogogere o Hasesono-Tamara ma tonakoka onangoli yahibinaaha. Ka ihikaika o nyawa yaparangi ho o Kedoro-Lomere de ai dodiawo o koano yahange gea, ona manga taongo moi manga dekanino yotagi-tagi yopoparangi moduku. De ona ika-ika ahao yomahiadonika o Sidimi ma dolaka abe genangoka o Kananioka ma koano yamotoa ato o Kedoro-Lomere iwibuhukino la iwiparangi.

Dodadi 14:7 ပူးပေါင်းရင်းမြစ်များ

Dodadi 16:14

De ami demo gea ma titi hiadono o akere ipooteke genangoka o nyawa ihiromanga o Beeri Lahai-Roi abe ma titi, “To Una Wowango-wango de Womalega ngohino ai humu.” De o akere gea naga o Kadese ma kapongo de o Berede ma kapongo ma hidogoronaka.

Dodadi 20:1

De ahao o Abarahaama woikoli ho ai gogere o Mameroka wosoboka, woiki o Negebe ma tonakika. De genangoka naga o tonaka ma kakaahaka ma ngi hinooto. Abe moi ihiromanga o Kadese, de moioli ihiromanga o Siuru. De o tonaka hinooto gea ma hidogoronaka una de ai nyawa yotulu-tulu yomahidodogumu. Genangoka de ahao o Abarahaama de ai nyawa yoikoli o Gerara ma tonakika de genangokali womahidodogumu.

Dodadi 36:12

De naga ai ngofaka womatengoli ai romanga o Amaleke abe womaboa ngoi gilaongo o ngo Timanino. Ho o ngofaka yabutaanga gea to ngo Ada ami danongo mata-mata.

Dodadi 36:16

de utu yomahiromanga o Kora ma nyawa, de utu yomahiromanga o Gaetama ma nyawa, de utu yomahiromanga o Amaleke ma nyawa. Ho o nyawa mata-mata gea o Esau de ngoi fekata o ngo Ada manga totoforauku.

2 Tawari 20:2

De naga o nau-nauru yoboa o Yosafatino de ma abari gea, ato, “Mia koano, naa naga o tentara duru ko manga ngoe yomatoomuino de manga dumutu yoboa la inaparangi. Ona yoboa o Edomo ma tonakino abe doka o gahi ma honenge ma honongaka de ma oraha naa ona yomahiadonoka o Hasesono-Tamarino. Ma ngi gea naga ma romanga hinooto abe o nyawa utu ihiromanga ato o Ene-Gedi.” Hokogea iwihingahu manga koano o Yosafatika.

Gegetongo 13:26

De yoboa de manga dumutu o Musa de o Harunika de o Isiraele ma nyawa manga doomu ma amokika abe naga o Kadesoka abe o Parana ma tonaka ma kakaahaka. Ho manga gogianongoru yokokiboa yomatoomuino la ka idadi yoihene manga hidimono yangimoi de yahinooto gea manga ade-ade. De manga hidimono gea yoade-ade de manga ilingi ma amokiye manga gogianongoruika la manga doomu ma amokika ka idadi yoihene. De manga dodagi ma hasili yahimatoko onangika abe o tonaka gea ma datomo ma hasili irahai abe yaoino.

Gegetongo 14:43

Abe ka de niaparangi hiadono niahimanga o Amaleke ma nyawa de o Kanani ma nyawa de ona ahao duru initetoruku. Ngini naa niwiporetika Ma Jou o Yaweika ho Unangoo wininoaika dika ma oraha niaparangi onangika.” Hokogea o Musa ai hitiari de ma buturungu o Isiraele ma nyawaika.

Gegetongo 14:45

De o loku-lokuiye ko yodoauahi de o Amaleke ma nyawa de o Kanani ma nyawa abe yogogere o loku-lokuoka gea yaaguti o Isiraele ma nyawauku abe ona yoboaino. Gea yaaguti de yaparangi hiadono yahidodohuku ka hiadono o Hibinaaha ma dolaika yadono.

Gegetongo 20:1

De gea manga taongo ma hungi, abe duru o mede ihira, de ahao o Isiraele ma nyawa manga doomu ma amokika yoboali o Sini ma tonaka ma kakaahaino de ma tonaka ma kakaahaka gea naga ma ngi moi ma romanga o Kadese. De gea yomahiadono o Kadese ma ngioka de manga tau o ngoerino ihigokoli ho genangokali yomanoa. De ma oraha ka yogoo-gogerohi genangoka de o ngo Miriama, abe o Musa ngoi firanga, muna mohonenge de imilungunu o Kadese ma ngioka gea.

Gegetongo 24:20

De ahao o Bileama womalegaoo o Amaleke ma nyawa manga tonakikali de naga ai demo ma betongo o dakoro moioli abe ma dumutu onangika, wato, “Ona ma dihira abe yomahidutu o Amalekika, Ka onangohi o nyawa yagorakiye, Ngaro o nyawa mata-mataika ma ka onangohi manga kuaha ilamoko. Masara o Amaleke ai totoforauku ahao o bobinaaha ahao yadaene onangikaoo.”

Higalioli 1:19

De ahao o Musa wogila-gila woade-ade wahihohininga o Isiraele ma nyawaika wato, “Ma dihiraino nanga Jou, Ma Jou o Yawe, Una wohiaturu nanga dekana ngone hogogere o Sinai ma loku ma timiuku de ahao wonahingahu kiani hogila-gila o Kanani ma tonakika. Ho gea nanga dodagi ma goronaka de nanga dumutu o loku-lokuika abe genangoka naga o Amori ma nyawa yogogere. De angamoi o tonaka ma kakaahaka gea duru kohaamokika ho hiadono o kangela de o hawana kohangoe inadaene. Masara Ma Jou wonahihira-hira ka hiadono homahiadono o Kadese-Baranea ma ngioka.

Higalioli 1:46

Ho ipahaino de ngini duru nia dekana nimanoa o Kadesoka gea.”